କନକ ବ୍ୟୁରୋ: ଚା’ ପିଅନ୍ତୁ ୱାଇ ଫାଇର ମଜା ନିଅନ୍ତୁ । ଗ୍ରାହକଙ୍କୁ ଆକୃଷ୍ଟ କରିବା ପାଇଁ ଚା’ ବିକାଳିଙ୍କ ଏଭଳି ନିଆରା ପ୍ରୟାସ ଏବେ ସମସ୍ତଙ୍କୁ ଆକୃଷ୍ଟ କରିଛି । ବର୍ତମାନ ଇଂଟରନେଟ ଯୁଗରେ ହାଇସ୍ପିଡ ଇନ୍ଟରନେଟ୍ ସମସ୍ତଙ୍କ ପାଇଁ ଜରୁରୀ ହୋଇପଡିଛି । ଛାତ୍ରଛାତ୍ରୀ ହୁଅନ୍ତୁ କି କର୍ମଜୀବୀ ସବୁ ବୟସର ଲୋକଙ୍କ ପାଇଁ ଏବେ ଇଂଟରନେଟ ବେଶ ଜରୁରୀ ହୋଇପଡ଼ିଛି । ନିଜର କାର୍ଯ୍ୟ ପାଇଁ ହେଉ ଅବା ମନୋରଞ୍ଜନ କିମ୍ବା ଦେଶ ଦୁନିଆର ହାଲଚାଲ ଜାଣିବା ପାଇଁ ଲୋକଙ୍କର ହାଇସ୍ପିଡ ଇନ୍ଟରନେଟ୍ ଜରୁରୀ ପ୍ଡ଼ୁଛି ।
Kanak News is now on WhatsApp
Join and get latest news updates delivered to you via WhatsApp
ଏଥିପାଇଁ ବଡବଡ ମଲ୍ ହେଉ କି ରେଷ୍ଟୁରାନ୍ଟ ନିଜର ବ୍ୟବସାୟ ବୃଦ୍ଧି କରିବାକୁ ଗ୍ରାହାକଙ୍କୁ ଆକୃଷ୍ଟ କରିବାର ଉଦେଶ୍ୟରେ ମାଗଣା ଓାଇଫାଇ ସେବା ଉପଲବ୍ଧ କରାଇଥାନ୍ତି । ହେଲେ ସୁନ୍ଦରଗଡ ଭଳି ଏକ ଛୋଟ ସହରରେ ରାସ୍ତାକଡରେ ଥିବା ଏହି ଚା’ ବିକାଳୀଙ୍କ ମାଗଣା ୱାଇଫାଇ ସେବା ଲୋକଙ୍କୁ ଆକୃଷ୍ଟ କରିଛି । ଚା ପିଇବା ପାଇଁ ଆସୁଥିବା ବ୍ୟକ୍ତିଙ୍କୁ ମାଗଣା ଇନ୍ଟରନେଟ ସେବା ଯୋଗଇ ବର୍ତମାନ ଚର୍ଚ୍ଚାକୁ ଆସିଛନ୍ତି ସୁନ୍ଦରଗଡର ଚା ଦୋକାନୀ ଆଲୋକ ପାତ୍ର ।