ଦେଶର ଏପରି ଟ୍ରେନ୍, ଯେଉଁଥିରେ ନାହିଁ ଟିକେଟ୍ ଟେନସନ୍, କିମ୍ବା ଟିଟିଇ ଡର ।
କନକ ବ୍ୟୁରୋ: ଦେଶରେ ଏଭଳି ଟ୍ରେନ୍ ଚାଲୁଛି । ଯେଉଁଥିରେ ବର୍ଷକ ୧୨ ମାସ ମାଗଣାରେ ଯାତ୍ରା କରୁଛନ୍ତି ଯାତ୍ରୀ । ତାହା ପୁଣି କିଛି ବର୍ଷ ନୁହେଁ ବରଂ ଗତ ୭୫ ବର୍ଷ ଧରି ଦେଶରେ ଚାଲୁଛି ଏହି ଟ୍ରେନ୍ । ଏହା ହିମାଚଳପ୍ରଦେଶ, ପଞ୍ଜାବ ସୀମାର ଭାକ୍ରା- ନଙ୍ଗଲ ମଧ୍ୟରେ ଚଳାଚଳ କରୁଛି ।ଏଥିରେ ଯାତ୍ରା କରିବାକୁ ଯାତ୍ରୀଙ୍କର ନାଁ ଅଛି ଟିକେଟ୍ ଟେନସନ୍ ନ ଅଛି ଟିଟିଇଙ୍କ ଡର । ଯାତ୍ରାବି ପୁରା ସାନଦାର ।
Kanak News is now on WhatsApp
Join and get latest news updates delivered to you via WhatsApp
ଟ୍ରେନ, ବସ୍ କି କୌଣସି ପବ୍ଲିକ୍ ଟ୍ରାନ୍ସପୋର୍ଟ ହେଉ ସବୁଥିରେ ଯାତ୍ରା କରିବାକୁ କିଛି ନା କିଛି ପାଉଣା ଦେବାକୁ ପଡେ । ଯଦି ଆପଣଙ୍କୁ କୁହାଯିବ ଯେ ଏଭଳି ବି ଟ୍ରେନ୍ ଚାଲୁଛି ଯେଉଁଥିରେ ଯିବା ଆସିବା ପୁରା ମାଗଣା, ତାହେଲେ ସେଥିରେ ଯାତ୍ରା କରିବାକୁ ଆପଣ ନିଶ୍ଚୟ ମନ ବଳାଇବେ । କଥାଟା ଟିକେ ଅଡୁଆ ଲଗିଲେ ବି ପୁରା ସତ । ଆମ ଦେଶରେ ଗତ ୭୫ ବର୍ଷ ହେବ ଏଭଳି ଏକ ଟ୍ରେନ୍ ଚାଲୁଛି କରୁଛି ଯେଉଁଥିରେ ଗଲେ ଆପଣଙ୍କୁ ଟଙ୍କାଟିଏ ବି ଦେବାକୁ ପଡିବନି । ପୁରା ପ୍ରାକୃତିକ ପରିବେଶ ଭିତରେ ଆପଣ ଯାଇପାରିବେ ।
ଆମ ଦେଶରେ ରେଲୱେ ଗତ ୭୫ ବର୍ଷ ହେବ ଏହି ସେବା ଯୋଗାଇଆସୁଥିଲେ ବି ଅନେକ ଲୋକ ଏବିଷୟରେ ଜାଣିନାହାଁନ୍ତି । ଏହି ଟ୍ରେନ ଚଳାଚଳର ଦାୟିତ୍ୱ ଭାକ୍ରା ବ୍ୟାସ ପ୍ରବନ୍ଧନ ରେଲୱେ ବୋର୍ଡ କରିଆସୁଛି । ଏହା ଶିବାଲିକ୍ ପାହାଡିଆ ଇଲାକାର ୧୩ କିଲୋମିଟର ଯାଏଁ ଯାତ୍ରା କରିଥାଏ । ଏବଂ ବିଶ୍ୱର ସର୍ବୋଚ୍ଚ ଭାକ୍ରା ଡ୍ୟାମ ନିର୍ମିତ ହୋଇଥିବା ସତଲୁଜ୍ ନଦୀକୁ ପାରକରିଥାଏ ।
ଏହି ଟ୍ରେନ୍ ୧୯୪୮ ମସିହାରୁ ଚଳାଚଳ କରୁଛି । ଭାକ୍ରା ନଙ୍ଗଲ ନଦୀବନ୍ଧ ପୁରା ବିଶ୍ୱରେ ସର୍ବୋଚ୍ଚ ନଦୀବନ୍ଧ ଅଟେ । ଏହାକୁ ଦେଖିବାକୁ ଦୂରଦୂରାନ୍ତରୁ ପର୍ଯ୍ୟଟକ ଆସିଥାନ୍ତି । ୧୯୪୮ ସମୟରେ ଯେତେବେଳେ ଭାକ୍ରା ଡ୍ୟାମ ନିର୍ମାଣ କରାଗଲା ସେ ସମୟରେ ଏକ ବିଶେଷ ରେଲୱେର ଆବଶ୍ୟକତା ଥିଲା । କାରଣ ସେତେବେଳେ ନଙ୍ଗଲ ଭାକ୍ରାକୁ ସଂଯୋଗ କରିବାକୁ କୌଣସି ପରିବହନ ବ୍ୟବସ୍ଥା ନଥିଲା । ତେଣୁ ପ୍ରଥମ କରି ୧୯୪୮ରେ ବାଷ୍ପଚାଳିତ ଟ୍ରେନ୍ ଚାଲିଥିଲା । ଏହାପରେ ୧୯୫୩ରେ ଆମେରିକାରୁ ଅଣାଯାଇଥିବା ଅତ୍ୟାଧୁନିକ ଇଞ୍ଜିନ୍ ଚାଲିଲା । ସେବେଠୋରୁ ଭାରତୀୟ ରେଲୱେର ୫ଟି ଭ୍ୟାରିଆଣ୍ଟ ଲଞ୍ଚ କରାଗଲାଣି । ହେଲେ ଏବେବି ଏହି ଟ୍ରାକରେ ୬୦ ବର୍ଷ ପୁରୁଣା ପୁରୁଣା ଇଂଜିନ୍ ବ୍ୟବହାର କରାଯାଉଛି ।
ଏହି ଟ୍ରେନ ପାକିସ୍ତାନ କରାଚିରେ ନିର୍ମିତ ହୋଇଥିଲା । ଏହାର ଇଣ୍ଟେରିଅର ବି ବେଶ୍ ଆକର୍ଷଣୀୟ । ସିଟଠାରୁ ର୍ୟାକ୍ ସବୁକିଛି କାଠରେ ତିଆରି ।ଏହା ଘଣ୍ଟାକୁ ୧୮ରୁ ୨- ଗ୍ୟାଲନ୍ ଇନ୍ଧନ ଆବଶ୍ୟକ ହେଉଥିଲେ ବି ଏଥିରେ ଯାତ୍ରାକୁ ମାଗଣା କରିବାକୁ ନିଷ୍ପତ୍ତି ନେଇଥିଲେ ଭାକ୍ରା ବ୍ୟାସ ପ୍ରବନ୍ଧନ ବୋର୍ଡ । ଏଥିରେ ବେଶ୍ ମଜାରେ ଯାତ୍ରା କରନ୍ତି ସ୍କୁଲ ଛାତ୍ରଛାତ୍ରୀ । ତେବେ ଏହି ଟ୍ରେନରେ ଯାତ୍ରାର ମଜା ଉଠାଇବାକୁ ସ୍ଥାନୀୟ ଲୋକେ ବେଶ୍ ପସନ୍ଦ କରନ୍ତି । ଭାକ୍ରା ଡ୍ୟାମ ବୁଲିବା ସହ ବିଶେଷ କରି ଏହି ଟ୍ରେନରେ ଯାତ୍ରା କରିବା ମଧ୍ୟ ପର୍ଯ୍ୟଟକଙ୍କ ଆଉ ଏକ ପସନ୍ଦ ।