ଆବାସ ଯୋଜନାକୁ ନେଇ ବିଜେପି-ବିଜେଡି କଳି ଭିତରେ ସାମ୍ନାକୁ ଆସିଛି ଠିକାଦାରଙ୍କ ଚଂଚକତା । ଉମରକୋଟରେ ହିତାଧିକାରୀଙ୍କ ଟଙ୍କା ହଡପ କରି ଗିରଫ ହେଲେ ଠିକାଦାର
କନକ ବ୍ୟୁରୋ: ପ୍ରଧାନମନ୍ତ୍ରୀ ଆବାସ ଯୋଜନାକୁ ନେଇ ବିଜେପି-ବିଜେଡି କଳି ଭିତରେ ସାମ୍ନାକୁ ଆସିଛି ଠିକାଦାରଙ୍କ ବଡଧରଣ ଚଂଚକତା । ଯୋଗ୍ୟ ହିକାଧିକାରୀଙ୍କ ଆବାସ ନିର୍ମାଣରେ ଦୁର୍ନୀତି ଅଭିଯୋଗ କରି ବିଜେପି ବ୍ଲକ ଅଫିସ ଘେରାଉ କରୁଛି । ଆଉ ଏତିକି ବେଳେ ନବରଙ୍ଗପୁର ଜିଲ୍ଲା ଉମରକୋଟ ବ୍ଲକ୍ କୁର୍ସି ପଂଚାୟତରୁ ଆସିଛି ଠିକାଦାରଙ୍କ ଆବାସ ଯୋଜନା ଟଙ୍କା ହଡପ ଅଭିଯୋଗ । ହିତାଧିକାରୀଙ୍କୁ ଅଭିଯୋଗକୁ ଆଧାର କରି ଠକ ଠିକାଦାରକୁ ଗିରଫ କରିଛି ଉମରକୋଟ ପୁଲିସ ।
Kanak News is now on WhatsApp
Join and get latest news updates delivered to you via WhatsApp
ପ୍ରଧାନମନ୍ତ୍ରୀ ଆବାସ ଯୋଜନାରେ ଗୃହ ନିର୍ମାଣ କରିବାକୁ କାର୍ଯ୍ୟାଦେଶ ପାଇଥିବା କୁରସି ପଂଚାୟତର ଗରିବ ହିତାଧିକାରୀ ପଇସା ଅଭାବରୁ ଠିକାଦାରକୁ ଭରସା କରିଥିଲେ । ହେଲେ ଗରିବ ଲୋକଙ୍କ ଅସହାୟତାର ସୁଯୋଗ ନେଇ ଲକ୍ଷାଧିକ ଟଙ୍କା ଠକି ନେଇଛି ଠକ ଠିକାଦାର । ଠିକାଦାର ନାଁରେ ଉମରକୋଟ ଥାନାରେ ଏକାଥରେ ୫ଟି ଏତଲା ଦିଆଯିବା ପରେ ଚାରଶୋବିସ ଠିକାଦାର ସଂଜୀବ ସୁବୁଦ୍ଧିକୁ ଗିରଫ କରି କୋର୍ଟ ଚାଲାଣ କରିଛି ଉମରକୋଟ ପୋଲିସ । ଆଉ ତା ବିରୋଧରେ ଲଗାଇଛି ସାଂଗୀନ ଦଫା ।
ଅଭିଯୋଗ ଅନୁସାରେ ଉମରକୋଟ ବ୍ଲକ କୁର୍ଶୀ ପଂଚାୟତର ରଜବତୀ କଲାର, ଫୁଲମତି ଗଣ୍ଡ, ମଙ୍ଗତି ଗଣ୍ଡ, ଜୟମଣି ଗଣ୍ଡ, ମାରୀ ଗଣ୍ଡଙ୍କୁ ପ୍ରଧାନମନ୍ତ୍ରୀ ଆବାସ ଓ ବିଜୁ ପକ୍କା ଘର ଯୋଜନାରେ ଘର ମିଳିଥିଲା । ଘର ତିଆରି କରାଇ ଦେବାକୁ କହି ସେମାନଙ୍କର ଆଧାର କାର୍ଡ, ବ୍ୟାଙ୍କ୍ ପାସ୍ ବୁକ୍ ସହ ଆବଶ୍ୟକ କାଗଜପତ୍ର ମାଗି ନେଇଥିଲା ଏହି ଠକ ଠିକାଦର । ପରେ ସେମାନଙ୍କୁ ବ୍ୟାଙ୍କକୁ ନେଇ ତାଙ୍କ ଟିପ ଚିହ୍ନ ନେଇ ବ୍ୟାଙ୍କ ଆକାଉଂଟ ଖାଲି କରିଦେଇଛି । ସବୁ ଟଙ୍କା ନେଇଯିବା ପରେ ଘର କାମ ଅଧାରେ ଛାଡି ଆଉ ଧରା ଛୁଆଁ ଦେଉନାହିଁ । ଘର କାମ ସରିବାକୁ କହିବାରୁ ଗରିବ ଆଦିବାସୀଙ୍କୁ ନାଲିଆଖି ଦେଖାଉଛି ଏହି ଚାରଶୋବିଶ ଠକ ।
ଉମରକୋଟ ଏସ୍ଡିପିଓ ଡା.ଦିନେସ ଚନ୍ଦ୍ର ନାୟକ ତଦନ୍ତର ଦାଇତ୍ୱ ନେଇଛନ୍ତି । ପୂର୍ବରୁ ମଧ୍ୟ ଉମରକୋଟ ଝରିଗାଁ ରୋଡ ଅଂଚଳର ଠିକାଦାର ସଞ୍ଜୀବ ସୁବୁଦ୍ଧି ମିଥ୍ୟା ବିଲ କରାଇବାକୁ ବିଡିଓଙ୍କୁ ବାଧ୍ୟ କରିଥିବା ଅଭିଯୋଗରେ ଗିରଫ ହୋଇ ଜେଲ ଯାଇଥିଲା ।