ପୁଣି ବନ୍ଧା ହେଲା ଆବାସ ଠକ । ଗରିବ ହିତାଧିକାରୀଙ୍କ ଆବାସ ଟଙ୍କା ହଡ଼ପ ଅଭିଯୋଗରେ ୪୨୦ ଠିକାଦାର ସଞ୍ଜୀବ ସୁବୁଦ୍ଧି ଗିରଫ, ଠକ ନାଁରେ ଅଛି ୭ଟି ମାମଲା ।
କନକ ବ୍ୟୁରୋ : ଗରିବ ହିତାଧିକାରୀଙ୍କ ଆବାସ ଗୃହ ତିଆରି କରାଇ ଦେବା ନାଁରେ ଲକ୍ଷାଧିକ ଟଙ୍କା ହଡ଼ପ ଅଭିଯୋଗରେ ପୁଣି ଗିରଫ ହୋଇଛନ୍ତି ଉମରକୋଟର ୪୨୦ ଠିକାଦାର ସଞ୍ଜୀବ ସୁବୁଦ୍ଧି । ନବରଙ୍ଗପୁର ଜିଲ୍ଲା ଉମରକୋଟ ବ୍ଲକ୍ କୁରସି ପଞ୍ଚାୟତର କିରାପାଣି ଗ୍ରାମରେ ପ୍ରଧାନମନ୍ତ୍ରୀ ଆବାସ ଯୋଜନା ଓ ବିଜୁ ପକ୍କା ଘର ଯୋଜନାରେ ଅନେକ ହିତାଧିକାରୀଙ୍କ ନାଁ ରେ ଆସିଥିବା ଅନୁଦାନକୁ ଚଞ୍ଚକତା କରି ସେମାନଙ୍କ ଟଙ୍କା ହଡ଼ପ କରିଥିଲେ । ଏନେଇ ଗାଁର ରାମବତି ମାଝୀଙ୍କ ଅଭିଯୋଗ ପରେ ପୋଲିସ ତାଙ୍କୁ ଗିରଫ କରି କୋର୍ଟଚାଲାଣ କରିଛି ।
Kanak News is now on WhatsApp
Join and get latest news updates delivered to you via WhatsApp
ପୂର୍ବରୁ ଜୁଲାଇ ମାସରେ ଉମରକୋଟ ବ୍ଲକ୍ କୁର୍ଷି ଗ୍ରାମର ୫ଜଣ ହିତାଧିକାରୀଙ୍କ ଟଙ୍କା ନେଇଯାଇଥିବା ଅଭିଯୋଗରେ ପୋଲିସ ସଞ୍ଜୀବକୁ ଗିରଫ କରିଥିଲା । ପ୍ରାୟ ମାସଟେ ଜେଲରେ ରହିବା ପରେ ଜାମିନରେ ଆସି ପୁଣି ଏଭଳି କାର୍ଯ୍ୟ ଚଳାଇଛନ୍ତି ଠିକାଦାର । ଠକ ଠିକାଦାରଙ୍କ ବିରୋଧରେ ଠକେଇ ନେଇ ଆଉ ୭ଟି ମାମଲା ରହିଥିବା ବେଳେ ତାଙ୍କୁ ରିମାଣ୍ଡରେ ଆଣି ପଚରାଉଚରା କରାଯିବ ବୋଲି ଉମରକୋଟ ଥାନା ଅଧିକାରୀ ନରେଶ ପ୍ରଧାନ କହିଛନ୍ତି ।