ମହାରାଷ୍ଟ୍ର ପୋଲିସକୁ ବଡ ସଫଳତା । ଗଡଚିରୋଲି ଜଙ୍ଗଲରେ ଏନକାଉଣ୍ଟର, ୪ ମାଓବାଦୀ ମୃତ
କନକ ବ୍ୟୁରୋ : ମାଓଦମନ ଅଭିଯାନରେ ମହାରାଷ୍ଟ୍ର ପୋଲିସକୁ ବଡ ସଫଳତା ମିଳିଛି । ମାହାରାଷ୍ଟ୍ର ପୋଲିସ ଗଡଚିରୋଲି ଜଙ୍ଗଲରେ ପୋଲିସ ଓ ମାଓବାଦୀଙ୍କ ମଧ୍ୟରେ ଗୁଳି ବିନିମୟ ବେଳେ ୪ ଜଣ ମାଓବାଦୀ ମୃତ୍ୟୁବରଣ କରିଥିବା ସୂଚନା ମିଳିଛି । ଏନେଇ ଗଡଚିରୋଲି ଜିଲ୍ଲା ପୋଲିସର ଜଣେ ବରିଷ୍ଠ ଅଧିକାରୀ ସୂଚନା ଦେଇଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ଅଧିକାରୀଙ୍କ ସୂଚନା ମୁତାବକ ମୁମ୍ବାଇରୁ ୯୨୦ କିଲୋମିଟର ଦୂର ଦୂର ଜିଲ୍ଲାର ଗ୍ୟାରହବତୀ ବାନଞ୍ଚଳର ଧନୋରା ଠାରେ ଶନିବାର ଦିନ ପୋଲିସ ମାଓ ଦମନ ଅଭିଯାନ ଚଳାଇଥିଲା । ଏହି ସମୟରେ ନକ୍ସଲ ଓ ପୋଲିସଙ୍କ ମଧ୍ୟରେ ମୁହାଁ ମୁହିଁ ହୋଇଥିଲା ଏଥିରେ ୪ ଜଣ ନକ୍ସଲଙ୍କ ମୃତ୍ୟୁ ହୋଇଥିବା କଥା କୁହାଯାଇଛି ।
କହିରଖୁ କି ସାରା ଦେଶରେ କେନ୍ଦ୍ର ସରକାରଙ୍କ ନିର୍ଦ୍ଦେଶ କ୍ରମେ ମାଓ ଦମନ ଅଭିଯାନ ଚାଲିଛି । ଏହି କ୍ରମରେ ଦେଶର ମାଓ ପ୍ରଭାବିତ ଅଞ୍ଚଳଗୁଡିକରେ ସ୍ଥାନୀୟ ପୋଲିସ, ସିଆରପିଏଫ ଓ ବିଏସଏଫ ଯବାନମାନଙ୍କୁ ମୁତୟନ କରାଯାଇଛି । ନକ୍ସଲମାନଙ୍କ କାର୍ଯ୍ୟାକଳାପକୁ ନଜର କରି ସେମାନଙ୍କୁ ଦମନ କରିବା ଓ ଆଦବାସୀମାନଙ୍କ ବିଶ୍ୱାସ ଭାଜନ ହେବାକୁ ସରକାର ଯବାନମାନଙ୍କୁ ସ୍ୱତନ୍ତ୍ର ଟ୍ରେନିଂ ଦେଉଛନ୍ତି ।
ବିଶେଷକରି ୨୦୧୪ ପରେ ଦେଶରେ ମାଓ କାର୍ଯ୍ୟକଳାପ ହ୍ରାସ ପାଇଛି । କୁଖ୍ୟାତ ମାଓନେତାମାନେ ଏବେ ଜେଲରେ ଥିବା ବେଳେ କ୍ୟାଡରମାନେ ଧିରେ ଧିରେ ମାଓ ଆଦର୍ଶରୁ ମୁହଁ ଫେରାଉଛନ୍ତି ।