କନକ ବ୍ୟୁରୋ: ରାସ୍ତାରେ ଘଟିଲା ଦୁର୍ଘଟଣା । ଦେବଦୂତ ସାଜିଲେ ଅଗ୍ନିଶମ ବାହିନୀ । ପାରାଦୀପରୁ ରଘୁନାଥପୁର ଆସୁଥିବା କଂକ୍ରିଟ ମିକ୍ସଚର ମେସିନ୍ ଭାରସାମ୍ୟ ହରାଇ ରାସ୍ତା ତଳକୁ ଖସିପଡିଥିଲା । ଗାଡି ତଳେ ରହିଯାଇଥିଲେ ୪ ଜଣ ଲୋକ । ଉଦ୍ଧାର କାର୍ଯ୍ୟରେ ନିୟୋଜିତ ଅଗ୍ନିଶମ ବାହିନୀ ୩ ଜଣଙ୍କୁ ଉଦ୍ଧାର କରିଥିବାବେଳେ ଅନ୍ୟ ଜଣେ ଗାଡି ତଳେ ଚାପି ହୋଇ ରହିଥିଲେ । ଅତ୍ୟାଧୁନୀକ ଯନ୍ତ୍ରପାତି ସାହାଯ୍ୟରେ ବ୍ୟକ୍ତି ଜଣଙ୍କୁ ଉଦ୍ଧାର କରିବାରେ ଲାଗିପଡିଥିଲେ ଉଦ୍ଧାରକାରୀ ଦଳ । ଉଦ୍ଧାର ବ୍ୟକ୍ତିଙ୍କୁ ପ୍ରଥମେ ରଘୁନାଥପୁର ଗୋଷ୍ଠି ସ୍ୱାସ୍ଥ୍ୟ କେନ୍ଦ୍ରରେ ଭର୍ତ୍ତି କରାଯାଇଥିବାବେଳେ ପରବର୍ତ୍ତୀ ସମୟରେ କଟକ ଏସସିବି ମେଡିକାଲରେ ଭର୍ତ୍ତି କରାଯାଇଛି ।