ଓଡ଼ିଶାରେ ପୁଣି ଡାକ୍ତରଙ୍କୁ କରୋନା । ଭୁବନେଶ୍ୱର ଏମ୍ସର ୪ ଡାକ୍ତର କରୋନା ଆକ୍ରାନ୍ତ । ଡର୍ମାଟୋଲୋଜି, ଫାର୍ମାକୋଲୋଜି, ପାଥୋଲୋଜି ଓ ସର୍ଜରୀ ବିଭାଗରୁ ଜଣେ ଲେଖାଏଁ ଡାକ୍ତର ପଜିଟିଭ ଚିହ୍ନଟ ।
କନକ ବ୍ୟୁରୋ: ଓଡ଼ିଶାରେ ପୁଣି ଡାକ୍ତରଙ୍କୁ କରୋନା । ଭୁବନେଶ୍ୱର ଏମ୍ସରେ ୪ ଡାକ୍ତର କରୋନା ପଜିଟିଭ୍ ଚିହ୍ନଟ । ଏମାନଙ୍କ ମଧ୍ୟରୁ ୩ ଜଣ ସିନିଅର ଓ ଜଣେ ଜୁନିଅର ରେସିଡେଣ୍ଟ ଡାକ୍ତର ଅଛନ୍ତି । ତେବେ ଏମ୍ସ ଲୋକସଂପର୍କ ଅଧିକାରୀ ଗଣମାଧ୍ୟମକୁ ଏହି ସୂଚନା ଦେଇଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ତେବେ ଏମ୍ସ ଜନସଂପର୍କ ଅଧିକାରୀଙ୍କ ସୂଚନା ଅନୁସାରେ ଡର୍ମାଟୋଲୋଜି ବିଭାଗର ଜଣେ ଡାକ୍ତର, ଫାର୍ମାକୋଲୋଜି ବିଭାଗର ଜଣେ ଡାକ୍ତର କରୋନା ପଜିଟିଭ ଚିହ୍ନଟ ହୋଇଛନ୍ତି। ସେହିଭଳି ପାଥୋଲୋଜି ଓ ସର୍ଜରୀ ବିଭାଗର ଜଣେ ଲେଖାଏଁ ଡାକ୍ତର କରୋନାରେ ଆକ୍ରାନ୍ତ ହୋଇଥିବା ଜଣାଯାଇଛି । ତେବେ ଏହି ଡାକ୍ତରମାନେ କାହା ସଂସ୍ପର୍ଶରେ ଆସି ସଂକ୍ରମିତ ହୋଇଛନ୍ତି ସେ ନେଇ କୌଣସି ସୂଚନା ଆସିନାହିଁ ।