କନକ ବ୍ୟୁରୋ: ଚା’ ପିଇ ବସ୍ କର୍ମଚାରୀ ଅଚେତ୍ । ବସ୍ ଭଡାରେ ନେବାକୁ ଆସି ଜଣେ ଦୁର୍ବୃତ୍ତ  ବସ୍ କର୍ମଚାରୀଙ୍କୁ ନିଶା ମିଶା ଚା’ ପିଆଇ ଦେଇଛନ୍ତି । ଚା ପିଇ ୪ ଜଣ ବସ୍ କର୍ମଚାରୀ ଅଚେତ ହୋଇ ମେଡିକାଲରେ ଭର୍ତ୍ତି ହୋଇଛନ୍ତି । ପାରାଦୀପ ବସଷ୍ଟାଣ୍ଡରେ ଘଟିଛି ଏହି ଅଭାବନୀୟ ଘଟଣା । ବେହୋସ ହୋଇଥିବା ୪ ଜଣ ବସକର୍ମଚାରୀଙ୍କୁ ଦେଖି ଉପସ୍ଥିତ ଅନ୍ୟ ବସର କର୍ମଚାରୀଙ୍କୁ ତାଙ୍କୁ ପ୍ରଥମେ ଅଠରବାଙ୍କି ସରକାରୀ ଡାକ୍ତରଖାନା ଭର୍ତ୍ତି କରିଥିଲେ । ସେଠାରୁ ତାଙ୍କୁ କଟକ ସ୍ଥାନାନ୍ତର କରାଯାଇଥିବା ସୂଚନା ମିଳିଛି।

Advertisment

ସୂଚନା ଅନୁସାରେ, ଆଜି ସକାଳେ ତ୍ରିବେଦ ବସର କର୍ମଚାରୀ କଟକ ବାହାରିବାକୁ ପ୍ରସ୍ତୁତ ହେଉଥିଲେ। ସେହି ସମୟରେ କେହି ଜଣେ ବସ ରିଜର୍ଭ କରିବାକୁ ଆସି ତାଙ୍କ ସହ କଥାବାର୍ତା ହୋଇଥିଲେ । ଆଉ କଥା ବାର୍ତା ସମୟରେ ବସ କର୍ମଚାରୀଙ୍କୁ ଚାହା ଯାଚିଥିଲେ । ଚାହା ପିଇବା ପରେ ତ୍ରିଦେବ ବସର ୪ଜଣ କର୍ମଚାରୀ ବେହୋସ ହୋଇପଡିଛନ୍ତି । ତେବେ କେଉଁ ଉଦ୍ଦେଶ୍ୟରେ କିଏ ଏପରି କାର୍ୟ୍ୟ କରିଛି ତାହା ଜଣାପଡିନାହିଁ । ବସ କର୍ମଚାରୀଙ୍କ ଠାରୁ ଲୁଟ  ହୋଇଛି ନା ନାହିଁ ତାହା ମଧ୍ୟ ଜଣାପଡିନି ।