କନକ ବ୍ୟୁରୋ: ପାଂଚ ରାଜ୍ୟରେ ବିଧାନସଭା ନିର୍ବାଚନ ଯେତେ ପାଖେଇ ଆସୁଛି, ରାଜନୈତିକ ଗତିବିଧୀ ସେତେ ଜୋର ଧରିଛି । ବିଧାନସଭା ନିର୍ବାଚନ ହାତ ଗଣତି କିଛି ଦିନ ରହିଥିବା ବେଳେ ନେତାଙ୍କ ଦଳ ବଦଳ ପ୍ରକ୍ରିୟା ଜୋର ଧରିଛି । ଆଜି ବିଜେପିରୁ ଦୁଇ ଦିନ ତଳେ ଇସ୍ତଫା ଦେଇଥିବା ସ୍ୱାମୀ ପ୍ରସାଦ ମୌର୍ୟ୍ୟ ଓ ବିଜେପିର ବିଦ୍ରୋହୀ ବିଧାୟକ ସମାଜବାଦୀ ପାର୍ଟିରେ ସାମିଲ ହୋଇଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ଉତରପ୍ରଦେଶରେ ନେତାଙ୍କ ଦଳ ବଦଳ ସଙ୍କେତ ଦେଉଛି ନିର୍ବାଚନ ପୂର୍ବରୁ ବିଜେପି ବିରୋଧରେ ଏକ ନୂଆ ସମୀକରଣର ସୃଷ୍ଟି ହେଉଛି । ବିଜେପିର ବିଦ୍ରୋହୀ ବିଧାୟକ କେଶବ ପ୍ରସାଦ ମୌର୍ୟ୍ୟ, ଧରମ ସିଂ ସୈନି, ଭାଗବତୀ ସାଗର, ବିନୟ ସାକ୍ଷ୍ୟ, ରାଜେନ୍ଦ୍ର ପ୍ରତାପ ସିଂ ସମାଜବାଦୀ ପାର୍ଟିରେ ସାମିଲ ହୋଇଛନ୍ତି । ସେହିପରି ବିଏସପି ଓ କଂଗ୍ରେସର ନେତା ମଧ୍ୟ ସପା ମୁଖ୍ୟ ଅଖିଳେଶ ଯାଦବଙ୍କ ଉପସ୍ଥିତିରେ ଦଳର ପ୍ରାଥମିକ ସଦସ୍ୟତା ଗ୍ରହଣ କରିଛନ୍ତି । ସପାରେ ସାମିଲ ପରେ ବିଜେପି ଉପରେ ବର୍ଷିଛନ୍ତି, ସ୍ୱାମୀ ପ୍ରସାଦ ମୌର୍ୟ୍ୟ । ସେହିପରି ବିଜେପିର ୱିକଟ ଖସୁଛି ବାବା କ୍ୟାଚ କରିପାରୁ ନାହାନ୍ତି ବୋଲି କଟାକ୍ଷ କରିଛନ୍ତି ଅଖିଳେଶ ଯାଦବ ।
ରାଜ୍ୟର ପଛୁଆ ବର୍ଗଙ୍କ ମଧ୍ୟରେ ସ୍ୱାମୀ ପ୍ରସାଦ ମୌର୍ୟ୍ୟଙ୍କ ବେଶ ପ୍ରଭାବ ରହିଛି । ଏହାଛଡା ବିଜେପି ଛାଡିଥିବା ଅଧିକାଂଶ ନେତା ପଛୁଆ ବର୍ଗର ହୋଇଥିବାରୁ ଏଥର ବିଜେପିର ଭୋଟ କଟିବ ବୋଲି ଚର୍ଚ୍ଚା ହେଉଛି । ସେପଟେ ବିଜେପି କିନ୍ତୁ କହିଛି, ଏହାର କିଛି ପ୍ରଭାବ ପଡିବ ନାହିଁ ।
ଲକ୍ଷେ୍ନøର ସମାଜବାଦୀ ପାର୍ଟିର ମୁଖ୍ୟ କାର୍ୟ୍ୟାଳୟରେ ଏହି ମିଶ୍ରଣ କାର୍ୟ୍ୟକ୍ରମ ଆୟୋଜିତ ହୋଇଥିଲା । ଶହ ଶହ ସମର୍ଥକ ଏଥିରେ ସାମିଲ ହୋଇ ଖୋଲାଖୋଲି କରୋନା ଗାଇଡଲାଇନ ଉଲ୍ଲଂଘନ କରିଛନ୍ତି । ଏହାଛଡା ନିର୍ବାଚନ କମିସନ ଜାନୁୟାରୀ ୧୫ ଯାଏଁ ରାଲି, ସମାବେଶ ଉପରେ ରୋକ ଲଗାଇଥିବାରୁ ଆବଶ୍ୟକ କାର୍ୟ୍ୟାନୁଷ୍ଠାନ ନିଆଯିବ ବୋଲି କହିଛି ଜିଲ୍ଲା ପ୍ରଶାସନ ।