ପୂର୍ବତନ ମନ୍ତ୍ରୀ ତଥା ରିପୁନାଥ ସେଠଙ୍କ ପରଲୋକ । ମାତ୍ର ୬୪ ବର୍ଷ ବୟସରେ ଶେଷ ନିଶ୍ୱାସ ତ୍ୟାଗ କଲେ କଂଗ୍ରେସର ଏହି ଟାଣୁଆ ନେତା ।

କନକ ବ୍ୟୁରୋ : ପରଲୋକରେ ରିପୁନାଥ ସେଠ୍ । ବରିଷ୍ଠ କଂଗ୍ରେସ ନେତା ତଥା ପୂର୍ବତନ ମନ୍ତ୍ରୀ ରିପୁନାଥ ସେଠଙ୍କ ପରଲୋକ । ହୃଦଘାତରେ ରିପୁନାଥଙ୍କ ପରଲୋକ ହୋଇଛି । ବରପାଲିରେ ଚିକିତ୍ସାଧୀନ ଅବସ୍ଥାରେ ଏକ ଘରୋଇ ନର୍ସିଂହୋମରେ ରିପୁନାଥଙ୍କର ଦେହାନ୍ତ ହୋଇଥିବା ସୂଚନା ମିଳିଛି । ମାତ୍ର ୬୪ ବର୍ଷ ବୟସରେ ଶେଷ ନିଶ୍ୱାସ ତ୍ୟାଗ କରିଛନ୍ତି ରିପୁନାଥ ।

ମିଳିଥିବା ସୂଚନା ମୁତାବକ, ଆଜି ସକାଳେ ହଠାତ୍ ଅସୁସ୍ଥ ଅନୁଭବ କରିଥିଲେ ରିପୁନାଥ । ତେବେ ଚିକିତ୍ସା ପାଇଁ ବରପାଲିର ଏକ ଘରୋଇ ନର୍ସିଂହୋମକୁ ଯାଇଥିଲେ । ତେବେ ନର୍ସିଂହୋମରେ ପହଞ୍ଚିବା ପରେ ତାଙ୍କର ହୃଦଘାତ ହୋଇଥିଲା । ଆଉ ସେହିଠାରେ ଶେଷ ନିଶ୍ୱାସ ତ୍ୟାଗ କରିଥିଲେ ରିପୁନାଥ ।

ରିପୁନାଥ ସେଠ ସ୍ଥାନୀୟ ଅଞ୍ଚଳରେ କଂଗ୍ରେସର ଜଣେ ଟାଣୁଆ ନେତା ଭାବେ ପରିଚିତ ଥିଲେ । ୧୯୯୫ରେ ସେ କଂଗ୍ରେସ ସରକାରରେ ମନ୍ତ୍ରୀ ଦାୟିତ୍ୱ ତୁଲାଇଥିଲେ । ଏପରିକି ବରଗଡ ଜିଲ୍ଲାରେ କଂଗ୍ରେସର ସଙ୍ଗଠନକୁ ସୁଦୃଢ କରିବା ପଛରେ ରିପୁନାଥଙ୍କର ବଡ ଅବଦାନ ରହିଥିଲା । ଆଉ ରିପୁନାଥଙ୍କ ଏଭଳି ହଠାତ୍ ପରଲୋକ ଖବର ଶୁଣି ସ୍ଥାନୀୟ ଅଞ୍ଚଳରେ ଶୋକର ଛାୟା ଖେଳିଯାଇଛି । ଏପରିକି କଂଗ୍ରେସର ବିଭିନ୍ନ ନେତା ଓ କର୍ମୀ ରିପୁନାଥଙ୍କ ବିୟୋଗରେ ଶୋକବ୍ୟକ୍ତ କରିଛନ୍ତି ।