ସ୍ୱାମୀ ହେବ ତ ଏମିତି ! ପତ୍ନୀଙ୍କ ଗୋଡରେ କାଦୁଅ ନ ଲାଗୁ ସେଥିପାଇଁ କାନ୍ଧରେ ବସାଇ କାଦୁଅ ପଚପଚ ରାସ୍ତା ପାର କଲେ ଭୁଟାନର ପୂର୍ବତନ ପ୍ରଧାନମନ୍ତ୍ରୀ
ପ୍ରେମ ପାଇଁ ମଣିଷ ସବୁକିଛି ଭୁଲିଯାଇଥାଏ । ଆଉ ଖାସ୍ ପ୍ରେମିକା ପାଇଁ ପୂରା ଦୁନିଆ ସହ ମଧ୍ୟ ଲଢିବାକୁ ପଛାଇନଥାଏ ପ୍ରେମିକ । ଠିକ୍ ସେହିଭଳି ଭଲପାଇବାର ଆଉ ଏକ ମିଶାଲ ସାଜିଛନ୍ତି ଭୁଟାନର ପୂର୍ବତନ ପ୍ରଧାନମନ୍ତ୍ରୀ । କିନ୍ତୁ ଯୁଦ୍ଧ କରି ନୁହେଁ ବରଂ ଏଭଳି କିଛି କରିଛନ୍ତି ଯେଉଁଥିପାଇଁ ସୋସିଆଲ ମିଡିଆରେ ଚର୍ଚ୍ଚାକୁ ଆସିଛନ୍ତି ଭୁଟାନର ପୂର୍ବତନ ପ୍ରଧାନମନ୍ତ୍ରୀ ଶେରିଙ୍ଗ ତୋବେଗେ ।
Kanak News is now on WhatsApp
Join and get latest news updates delivered to you via WhatsApp
ସୋସିଆଲ ମିଡିଆରେ ଭାଇରାଲ ହେଉଥିବା ଫଟୋ ଅନୁଯାୟୀ, ତୋବେଗେ ନିଜ ପତ୍ନୀଙ୍କୁ କାନ୍ଧରେ ବସାଇ କାଦୁଅ ରାସ୍ତା ପାର ହେଉଥିବାର ଦେଖାଯାଇଛି । ଭୁଟାନର ପୂର୍ବତନ ପ୍ରଧାନମନ୍ତ୍ରୀ ତୋବେଗେ ନିଜର ପତ୍ନୀ ତାଶୀ ଦେମାଙ୍କ ସହ କେଉଁ ଏକ ସ୍ଥାନରୁ ଫେରୁଥିବା ବେଳେ ବାଟରେ କାଦୁଅ ରାସ୍ତା ପଡିଥିଲା । ତେଣୁ ପତ୍ନୀଙ୍କ ପାଦରେ କାଳେ କାଦୁଅ ଲାଗିଯିବ ତେଣୁ ତାଙ୍କୁ କାନ୍ଧରେ ବସାଇଥିଲେ ସ୍ୱାମୀ ତୋବେଗେ । ଏହି ଫଟୋକୁ ତୋବେଗେ ସୋସିଆଲ ମିଡିଆରେ ଏହି ସେୟାର କରିବା ସହ ଲେଖିଥିଲେ, ମୁଁ ସାର ବାଲ୍ଟର ରେଲେଙ୍କ ଭଳି ତ ହୋଇପାରିବିନି କିନ୍ତୁ ଜଣେ ପୁରୁଷ ଭାବେ ସ୍ତ୍ରୀର ପାଦ ସଫା ରଖିବାକୁ ଯାହା କରିବା କଥା କରିଛି ।
Not as dashing as Sir Walter Raleigh, but a man’s gotta do what a man’s gotta do to keep his lady’s feet clean. 💕 pic.twitter.com/cSJWoMQm07
— Tshering Tobgay (@tsheringtobgay) September 12, 2018
ଏହି ଫଟୋରେ ତୋବେଗେ ନିଜ କାଦୁଅ ପଚପଚ ରାସ୍ତାରେ ଚାଲୁଥିବା ବେଳେ ପତ୍ନୀଙ୍କ ପାଦରେ ଯେପରି କାଦୁଅ ନ ଲାଗିବ ସେଥିପାଇଁ ତାଙ୍କୁ କାନ୍ଧରେ ବସାଇଥିଲେ । ଯେଉଁଥିପାଇଁ ସୋସିଆଲ ମିଡିଆରେ ତାଙ୍କୁ ସାର ବାଲ୍ଟର ରେଲେଙ୍କ ସହ ତୁଳନା କରାଯାଇଛି । ସାର ବାଲ୍ଟର ରେଲେ ଇଂଲଣ୍ଡର ରାଣୀ ଏଲିଜାବେଥଙ୍କ ପାଦରେ କାଦୁଅ ନ ଲାଗୁ ସେଥିପାଇଁ ସେ ନିଜର କପଡା ଖୋଲି ରାସ୍ତାରେ ବିଛାଇ ଦେଇଥିଲେ । ତେଣୁ ତୋବେଗେ ମଧ୍ୟ ଠିକ୍ ସେହିଭଳି କରି ପ୍ରେମର ନୂଆ ପରିଭାଷା ସୃଷ୍ଟି କରିଛନ୍ତି । ତୋବେଗେ ୨୦୧୩ରୁ ୨୦୧୮ ପର୍ଯ୍ୟନ୍ତ ଭୁଟାନର ପ୍ରଧାନମନ୍ତ୍ରୀ ରହିଥିଲେ ।