ଜନବସତି ମୁହାଁ ହାତୀଙ୍କୁ ଲାଗିବ କରେଣ୍ଟ ଝଟକା । ହାତୀ ଉପଦ୍ରବ ରୋକିବାକୁ ବନବିଭାଗର ଭିନ୍ନ ପ୍ରୟାସ ।

କନକ ବ୍ୟୁରୋ : ହାତୀ ଉପଦ୍ରବରୁ ମିଳିବ ତ୍ରାହି । ଜନବସତି ମୁହାଁ ହେଉଥିବା ହାତୀଙ୍କୁ ଦିଆଯିବ କରେଣ୍ଟ ଝଟକା । ସୋଲାର ଫେନସିଂ ବା ସୌର ଶକ୍ତି ଦ୍ୱାରା ପରିଚାଳିତ ଝୁଲନ୍ତା ତାର ବାଡ଼ ଲଗାଇ ହାତୀ ଉପଦ୍ରବ ରୋକିବା ପାଇଁ ଏଭଳି ପ୍ରୟାସ କରିବାକୁ ଯାଉଛି ବନ ବିଭାଗ । ଚନ୍ଦକା ଅଭୟାରଣ୍ୟରେ ଏଭଳି ଯୋଜନା କରାଯାଇଛି । ଅନେକ ସମୟରେ ହାତୀ ନିଜ ଅଞ୍ଚଳ ଛାଡ଼ି ଜନବସତି ମୁହାଁ ହେଉଥିବା ଦେଖିବାକୁ ମିଳେ । ହେଲେ ଏବେ ଏହି କରେଣ୍ଟ ଝଟକାର ବ୍ୟବହାର ଦ୍ୱାରା ହାତୀ ଆଉ ଜନବସତି ମୁହାଁ ହେବେ ନାହିଁ ।

ଚନ୍ଦକା ଜଙ୍ଗଲର ପାଚେରୀକୁ ଲାଗି ଏହି ତାର ବାଡ଼ ରହିଛି । ଯେଉଁଥିରେ ୨୪ ଘଣ୍ଟିଆ ବିଦ୍ୟୁତ ସରବରାହ ରହିବ । ଏହାକୁ ବନ କର୍ମଚାରୀମାନେ କଣ୍ଟ୍ରୋଲ ପ୍ୟାନେଲ ଦ୍ୱାରା ପରିଚାଳିତ କରିବେ । ପ୍ରାୟ ୧୫ ଫୁଟର ତାର ବାଡ଼ ଲାଗିଛି । ଆଉ ତଳ ପଟୁ ୩ ଫୁଟ୍ ଜାଗା ଛଡ଼ାଯାଇଛି । ତାରକୁ ଛୁଇଁବା ମାତ୍ରକେ ୪ ଦଶମିକ ୫ ଭୋଲ୍ଟର କରେଣ୍ଟ ଖାଇ ଜଙ୍ଗଲକୁ ଫେରିଯିବେ ହାତୀ ।