କନକ ବ୍ୟୁରୋ : ବିଶ୍ୱ ସ୍ୱାସ୍ଥ୍ୟ ସଂଗଠନ ଦ୍ୱାରା ବିଭିନ୍ନ ଦେଶରେ ଅନୁମତି ପାଇଥିବା କୋଭିଡ-୧୯ ଟିକା ଏବେ ଭାରତରେ ସହଜରେ ଲଂଚ କରିପାରିବ । ଏନେଇ ବିଦେଶୀ ଟିକାକୁ ଭାରତରେ ସ୍ଥାନୀୟ ପରୀକ୍ଷଣ ପାଇଁ ଥିବା ବାଧ୍ୟତା ମୂଳକ ଆଇନକୁ ରଦ୍ଧ କରିଦିଆଯାଇଛି । ବୁଧବାର ଦିନ ଡ୍ରଗ୍ସ କଣ୍ଟ୍ରୋଲର ଜେନରାଲ ଅଫ୍ ଇଣ୍ଡିଆ ବା (ଡିସିଜିଆଇ) ପକ୍ଷରୁ ଏଭଳି କୁହାଯାଇଛି । କୁହାଯାଉଛି କି, ଭାରତରେ ଅନୁଭୂତ ହେଉଥିବା ଟିକାର ଅଭାବ ଫଳରେ ବିଦେଶରୁ ଟିକା ଆମଦାନୀକୁ ସହଜ କରିବାକୁ ଏଭଳି କରାଯାଇଛି । ଏନେଇ ଫାଇଜର ଓ ମଡର୍ନର୍ା ଭଳି ଟିକ ନିର୍ମାତା କମ୍ପାନୀ ଭାରତ ସରକାରଙ୍କ ଆଗରେ ଏଭଳି ସର୍ତ୍ତ ରଖିଥିଲେ ।
Kanak News is now on WhatsApp
Join and get latest news updates delivered to you via WhatsApp
କୁହାଯାଇଛି କି, ବିଶ୍ୱ ସ୍ୱାସ୍ଥ୍ୟ ସଂଗଠନ ଦ୍ୱାରା ଜରୁରୀକାଳୀନ ବ୍ୟବହାର ପାଇଁ ଅନୁମତି ମିଳିଥିବା ଟିକାକୁ ଭାରତରେ ବ୍ରିଜିଙ୍ଗ ଟ୍ରାଏଲ ବା ସ୍ଥାନୀୟ ପରୀକ୍ଷଣରେ ସାମିଲ ହେବାକୁ ପଡିବ ନାହିଁ । ଏନେଇ ଡିସିଜିଆଇ ର ବିଜ୍ ସୋମାନୀ କହିଛନ୍ତି କି ନ୍ୟାସନାଲ ଏକ୍ସପର୍ଟ ଗ୍ରୁପ ଅନ୍ ଭ୍ୟାକସିନ୍ ଆଡମିନଷ୍ଟ୍ରେସନ(ଏନଇଜିଭିଏସି) ର ସୁପାରିଶ ଆଧାରରେ ବିଦେଶୀ ଟିକା ଉପରେ ସ୍ଥାନୀୟ ପରୀକ୍ଷଣ କୋହଳ କରାଯାଇଛି ।
DCGI chief VG Somani issued notice over Guidance for approval COVID19 vaccines in India for restricted use in emergency situation which are already approved for restricted use by US FDA & other countries or which are listed in WHO Emergency Use Listing (EUL) pic.twitter.com/aGOOSdK9jU
— ANI (@ANI) June 2, 2021
କହିରଖୁ କି ଭାରତରେ ନିର୍ମିତ ୨ ଟି ଟିକାକୁ ଏବେ ଭାରତୀୟଙ୍କୁ ଦିଆଯାଉଥିବା ବେଳେ ଟିକାର ଅଭାବ ଦେଖା ଦେଇଛି । କୋଭାକ୍ସିନ ଓ କୋଭିସିଲ୍ଡ ଟିକା ପର୍ଯ୍ୟାପ୍ତ ଉତ୍ପାଦନ ହୋଇ ନ ପାରିବାରୁ ଭାରତ ସରକାର ବିଦେଶୀ ଟିକା ଆମଦାନୀ କରି ଦେଶରେ ଲୋକଙ୍କୁ ଦେବାକୁ ଯୋଜନା କରୁଛନ୍ତି । ହେଲେ ଡିସିଜିଆଇ ପୂର୍ବ ସର୍ତ୍ତ ମୁତାବକ ବିଦେଶୀ ଟିକା ଭାରତୀୟ ମାନଙ୍କ ଠାରେ ଲଗାଇବା ପୂର୍ବରୁ ଟିକାୁ ଲୋକାଲ କ୍ଲନିକାଲ ଟ୍ରାଏଲ ବା ବ୍ରିଜିଙ୍ଗ ଷ୍ଟଡିଜ କରିବାକୁ ପଡିବ । ଏଥିପାଇଁ ସମୟ ଲାଗୁଥିବାରୁ ଟିକାର ଅଭାବ ତୁରନ୍ତ ଦୂର କରିବାକୁ ଡିସିଜିଆଇ ଏଭଳି ନିଷ୍ପତ୍ତି ନେଇଛି ।
ସୂଚନା ମୁତାବକ ଭାରତ ସରକାର ନାମିଦାମୀ ବିଦେଶୀ ଟିକା ନିର୍ମାତା କମ୍ପାନୀ ମାନଙ୍କୁ ସ୍ଥାନୀୟ ପରୀକ୍ଷଣରୁ ମୁକ୍ତି ଦେଇଛି । ଅନ୍ୟପଟେ ଟିକା ଯୋଗାଣ ପାଇଁ ରାଜ୍ୟ ସରକାରମାନେ କେନ୍ଦ୍ର ଉପରେ ଚାପ ପକାଉଥିବା ବେଳେ କେନ୍ଦ୍ର ସରକାରଙ୍କ ଏଭଳି ନିଷ୍ପତ୍ତି ଫଳରେ ଟିକାର ଅଭାବ ଦୂରହେବ ବୋଲି ଆଶା କରାଯାଉଛି ।