ବୈଦେଶିକ ବ୍ୟାପାର ମନ୍ତ୍ରୀଙ୍କ ବାହାରିନ୍ ଗସ୍ତ । ୩.୫ ଲକ୍ଷ ଭାରତୀୟ ଲୋକଙ୍କ ସହ କଲେ ଯୋଗାଯୋଗ ।

କନକ ବ୍ୟୁରୋ: ବୈଦେଶିକ ବ୍ୟାପାର ରାଷ୍ଟ୍ରମନ୍ତ୍ରୀ ଭି ମୁରଲୀଧରନ୍ ତାଙ୍କର ଦୁଇ ଦିନିଆ ବାହାରିନ୍ ଗସ୍ତରେ ଯାଇ ୩.୫ ଲକ୍ଷ ଭାରତୀୟ ଲୋକ ଏବଂ ବାହାରିନ୍ ଫ୍ରେଣ୍ଡସ୍ ଅଫ୍ ଇଣ୍ଡିଆକୁ ନେଇ ଗଠିତ ଭାରତୀୟ ଡ଼ିଆପୋରା ସହିତ ଯୋଗାଯୋଗ କରିଛନ୍ତି। ଏହି ଅବସରରେ ସେଠାକାର ବୈଦେଶିକ ବ୍ୟାପାର ମନ୍ତ୍ରୀ ଡ ଅବଦୁଲ୍ଲା ବିନ୍ ଅହମ୍ମଦ ଅଲ ଖଲିଫାଙ୍କୁ ଭାରତର ରାଷ୍ଟ୍ରଦୂତ ପୀୟୂଷ ଶ୍ରୀବାସ୍ତବ ନିମନ୍ତ୍ରଣ କରିଥିଲେ ।

ଏହି ଅବସରରେ ବିଶିଷ୍ଟ ଓଡିଆ ଆଇକନ୍ ତଥା ବାହାରିନ୍ ଓଡିଆ ସମାଜର ପ୍ରତିଷ୍ଠାତା ଚେୟାରମ୍ୟାନ୍ ତଥା ଗ୍ଲୋବାଲ୍ ଓଡିଆ ଡାଏସପୋରାର ନିର୍ଦ୍ଦେଶକ ଡ ଅରୁଣ କୁମାର ପ୍ରହରାଜ ଆମନ୍ତ୍ରିତ ହୋଇଥିଲେ । ମାନ୍ୟବର ମନ୍ତ୍ରୀ ବାହାରିନରେ ଭଲ ପ୍ରତିଷ୍ଠା ପାଇଁ ଭାରତୀୟ ଡ଼ିଆସପୋରା / ଅଣ-ବାସିନ୍ଦା ଭାରତୀୟଙ୍କୁ ଧନ୍ୟବାଦ ଜଣାଇଛନ୍ତି ଏବଂ ଏକ ରାଷ୍ଟ୍ର ଭାବରେ ଭାରତର ସଫଳତାକୁ ଆଲୋକିତ କରିଛନ୍ତି ଯାହା ବର୍ତ୍ତମାନ ଜି -୨୦ କୁ ଆଗେଇ ନେଉଛି।

ମାନ୍ୟବର ଡ. ଅବଦୁଲ୍ଲା ଅହମ୍ମଦ ଅଲଖାଲିଫା ବାହାରିନର ବିକାଶ ପାଇଁ ଅବଦାନ ପାଇଁ ଭାରତୀୟ ଡ଼ିଆପୋରା ଏବଂ ଭାରତକୁ ପ୍ରଶଂସା କରିଛନ୍ତି। ଡ. ପ୍ରହରାଜ କହିଛନ୍ତି ଯେ ରାଜ୍ୟ ପାଇଁ ମାନ୍ୟବର ବୈଦେଶିକ ବ୍ୟାପାର ମନ୍ତ୍ରୀଙ୍କ ଗସ୍ତ ଏବଂ ବାହାରିନ୍ ସରକାରଙ୍କ ସହ ତାଙ୍କର ପାରସ୍ପରିକ ସମ୍ପର୍କ ଦ୍ୱିପାକ୍ଷିକ ସମ୍ପର୍କକୁ ଆହୁରି ମଜବୁତ କରିବ ଏବଂ ପ୍ରବାସୀ ଶ୍ରମିକଙ୍କ କାର୍ୟ୍ୟ ଅବସ୍ଥା ବହୁତ ସୁଦୃଢ ହେବ।