୨୦ ଲକ୍ଷ ଗଛ ପାଇଁ ୨୦ ବର୍ଷ : ପ୍ରଳୟଙ୍କାରୀ ବାତ୍ୟା ଫୋନି ଉଜାଡିଦେଇଥିଲା ୨୦ ଲକ୍ଷ ଗଛ , ପୁନରୁଦ୍ଧାର ପାଇଁ ୨୦ ବର୍ଷ ସମୟ ଲାଗିବ ବୋଲି କହିଥିଲେ ଜଙ୍ଗଲ ମନ୍ତ୍ରୀ
ପ୍ରଳୟଙ୍କାରୀ ବାତ୍ୟା ଫୋନିରେ ପ୍ରାୟ ୨୦ ଲକ୍ଷ ଗଛ ନଷ୍ଟ ହୋଇଯାଇଥିଲା । ଏହାକୁ ଭରଣା କରିବା ଲାଗି ଆହୁରି ପାଖାପାଖି ୨୦ ବର୍ଷ ସମୟ ଲାଗିବ ବୋଲି କହିଥିଲେ ଜଙ୍ଗଲ ଓ ପରିବେଶ ମନ୍ତ୍ରୀ ବିଜୟଶ୍ରୀ ରାଉତରାୟ । ତଥାପି ଫୋନିର ତାଣ୍ଡବରେ ନଷ୍ଟଭ୍ରଷ୍ଟ ହୋଇଥିବା ଗଛ ଗୁଡ଼ିକର ପୁନରୁଦ୍ଧାର କରିହେବ କି ନାହିଁ ତାହା ସନ୍ଦେହ ବୋଲି କହିଥିଲେ ଜଙ୍ଗଲ ଓ ପରିବେଶ ମନ୍ତ୍ରୀ ବିଜୟଶ୍ରୀ ରାଉତରାୟ । ଫୋନିରେ ଅପୂରଣୀୟ କ୍ଷତି ହୋଇଥିଲା । ବାଲୁଖଣ୍ଡ ଅଭୟାରଣ୍ୟ ପୂର୍ବାବସ୍ଥାକୁ ଫେରାଇ ଆଣିବା ପାଇଁ ଅନେକ ସମୟ ଲାଗିବ ବୋଲି କହିଥିଲେ ମନ୍ତ୍ରୀ । କ୍ଷୟକ୍ଷତିକୁ ଭରଣା କରିବା ପାଇଁ ସରକାର ଏବେବି ପ୍ରୟାସ ଜାରି ରଖିଛନ୍ତି। ଶ୍ରୀକ୍ଷେତ୍ର ଠାରୁ ଆରମ୍ଭ କରି ରାଜଧାନୀ ଓ ବିଭିନ୍ନ ଉପକୂଳିଆ ଅଂଚଳର ପୁନରଦ୍ଧାର କରିବା ପାଇଁ ସରକାର,ଜନତା,ପ୍ରଶାସନର ପ୍ରଶଂସା ଯେତେ କଲେ ବି ତାହା କମ୍ ପଡିଯିବ ।
Kanak News is now on WhatsApp
Join and get latest news updates delivered to you via WhatsApp
ଫୋନିରେ ଯେଉଁ ଗଛ ଗୁଡ଼ିକ କମ କ୍ଷତିଗ୍ରସ୍ତ ହୋଇଛି, ତାହାର ରକ୍ଷଣାବେକ୍ଷଣ ପାଇଁ ମଧ୍ୟ ସରକାର ସମସ୍ତ ପ୍ରକାର ଚେଷ୍ଟା ଚଳାଇଥିଲେ , ଯାହା ଏବେ ସଫଳ ହେଲା ଭଳି ଦିଶୁଛି । ଅଧା ଉପୁଡ଼ିଥିବା ଗଛ ଗୁଡ଼ିକୁ କିପରି ସିଧା କରାଯିବ, ତା’ମୂଳରେ ମାଟି ଦିଆଯିବ ଏହାସହ ବର୍ଷା ଆସିବା ପର୍ୟ୍ୟନ୍ତ ପାଣି ଦେବାର ବ୍ୟବସ୍ଥା କରିଥିଲେ ସରକାର । କେବଳ ସରକାରୀ ଜମିରେ ନୁହେଁ ବେସରକରୀ ଜମିରେ ଥିବା ସମସ୍ତ ଗଛ ଗୁଡ଼ିକର ପୁନରୁଦ୍ଧାର ପାଇଁ ମଧ୍ୟ ସମସ୍ତ ପ୍ରକାର ସରକାରୀ ଅଧିକାରୀଙ୍କୁ କୁହାଯାଇଥିଲା । ଫୋନି ନେଇ ଜଙ୍ଗଲ ବିଭାଗର ସମୀକ୍ଷା ପରେ ଏହା କହିଥିଲେ ବିଭାଗୀୟ ମନ୍ତ୍ରୀ ବିଜୟଶ୍ରୀ ରାଉତରାୟ । ବୃକ୍ଷରୋପଣ ଉପରେ ଅଧିକ ଗୁରୁତ୍ୱ ଦିଆଯିବାକୁ ନେଇ ସୂଚନା ଦେଇଥିଲେ ଜଙ୍ଗଲ ମନ୍ତ୍ରୀ