ସିନେମା ସୁଟିଂର ବିଚିତ୍ର ଘଟଣା । ଗୋଟିଏ ମିନିଟର ସିନ ପାଇଁ ୩ଦିନ ଲାଗିଲା ସୁଟିଂ, ଜାଣନ୍ତୁ କିଏ ସାଜୁଥିଲା ବାଧକ ?
କନକ ବ୍ୟୁରୋ : ଆମେ ହଲରେ ୩ ଘଂଟାର ଫିଲ୍ମ ଦେଖିବା ପରେ ଏହାକୁ ନେଇ ଅନେକ କଥା କହିଥାଉ । କେବେ ଫିଲ୍ମକୁ ପସନ୍ଦ କରିଥାଉ ତ ଆଉ କେତେବେଳେ ନିନ୍ଦା ମଧ୍ୟ ଦେଇଥାଉ । କିନ୍ତୁ ଗୋଟିଏ ୩ ଘଣ୍ଟିଆ ସିନେମାର ସୁଟିଂ ପାଇଁ କେତେ ସମୟ ଲାଗେ ? ତାହା ପ୍ରଯୋଜକ, କଳାକାର ଓ ସୁଟିଂ ସେଟର ପରିବେଶ ଉପରେ ନିର୍ଭର କରିଥାଏ । ତେବେ ଆଜି ଆମେ ଏମିତି ଏକ ହିଟ୍ ଫିଲ୍ମ ସମ୍ପର୍କରେ କହିବାକୁ ଯାଉଛୁ ଯେଉଁ ଫିଲ୍ମର ଗୋଟିଏ ମିନିଟର କିସ ସିନ ପାଇଁ ୩ଦିନ ସୁଟିଂ ସେଟରେ କସରତ କରିଥିଲେ ହିରୋ ଓ ହିରୋଇନ ।
Kanak News is now on WhatsApp
Join and get latest news updates delivered to you via WhatsApp
ତେବେ ଆମେ ଯେଉଁ ଫିଲ୍ମ ସମ୍ପର୍କରେ କହୁଛୁ ତାହା ହେଉଛି ବ୍ଲକ ବ୍ଲଷ୍ଟର ଭାବେ ହିଟ୍ ହୋଇଥିବା ବଲିଉଡର ଜଣାଶୁଣା ସିନେମା ‘ରାଜା ହିନ୍ଦୁସ୍ଥାନୀ’ । ଏହି ଫିଲ୍ମରେ ଥିବା ଗୋଟିଏ ମିନିଟର କିସିଂ ସିନ ପାଇଁ ଅମିର ଖାନ ଏବଂ କରିସ୍ମା କପୁର ୩ଦିନ ସମୟ ନେଇଥିଲେ । ଉଟିରେ ପ୍ରବଳ ଥଣ୍ଡା ହେଉଥିବାବେଳେ ଏହି ସିନର ସୁଟିଂ ଚାଲୁଥିଲା । ସମସ୍ତେ ଚାହୁଁଥିଲେ କିଭଳିଭାବେ ଶୀଘ୍ର ସୁଟିଂ କରିବେ । କିନ୍ତୁ ନିର୍ଦ୍ଦେଶକ ଏହି ସିନ୍ ପରଫେକ୍ଟ ବୋଲି କହୁନଥିଲେ । ପାଖାପାଖି ୪୭ଟି ଟେକ୍ ମଧ୍ୟ ନେଇଥିଲେ । ସବୁଠାରୁ ବଡ଼କଥା ହେଉଛି କି, ସକାଳ ୭ଟାରୁ ସୁଟିଂ ଆରମ୍ଭ ହେଉଥିବାବେଳେ ସଂନ୍ଧ୍ୟା ୬ଟା ଯାଏଁ ଚାଲୁଥିଲା । ତିନିଦିନ ଧରି ଅମିର ଓ କରିସ୍ମା କଠିନ ପରିଶ୍ରମ କରିଥିଲେ ସୁଦ୍ଧା ନିର୍ଦ୍ଦେଶକ ଏହାକୁ ଗ୍ରୀନ ସିଗନାଲ ଦେଉନଥିଲେ । ଅମିର ଖାନ ଏବଂ କରିସ୍ମା ମଧ୍ୟ ସିନ ଶେଷ କରିବା ଲାଗି ଜୋରଦାର ପ୍ରୟାସ କରୁଥିଲେ । ଶେଷରେ ତିନି ଦିନ ଆଉ ୪୭ଟି ଟେକ ପରେ ନିର୍ଦ୍ଦେଶକ ସିନକୁ ପରଫେକ୍ଟ ବୋଲି କହିଥିଲେ ।
ଅନ୍ୟପଟେ ଦେଖିବାକୁ ଗଲେ ସେହି ସମୟରେ ଗୋଟିଏ ମିନିଟର କିସ ସିନ ପାଇଁ ପ୍ରାୟତଃ ହିରୋଇନମାନେ ରାଜି ହେଉନଥିଲେ । ଯେତେବେଳେ କରିସ୍ମାକୁ ଫିଲ୍ମର ଅଫର ଯିଆଯାଇଥିଲା ସେ ଏକ ଘଡ଼ିସନ୍ଧି ମୂହୁର୍ତ୍ତ ଦେଇ ଗତି କରୁଥିଲେ । ଆଉ ଫିଲ୍ମର କାହାଣୀ ଶୁଣିବା ପରେ ସେ ରାଜି ହୋଇଯାଇଥିଲେ । ପ୍ରଥମେ ପ୍ରଥମେ କରିସ୍ମା ଏବଂ ଅମିର ଟିକେ ନର୍ଭସ ଥିଲେ । କିନ୍ତୁ ପରବର୍ତୀ ସମୟରେ ସେମାନେ ପରଫେକ୍ଟ ସିନ୍ ଦେଇଥିଲେ । ଏକ ଇଣ୍ଟରଭ୍ୟୁ ସମୟରେ କରିସ୍ମା ନିଜେ ଏହି କଥା କହିଥିଲେ । ସେ ଆହୁରି ମଧ୍ୟ କହିଥିଲେ କି, ଏମିତି ଏକ ସମୟଥିଲା କି ମୋ କ୍ୟାରିୟର ମଧ୍ୟ ବୁଡ଼ିବାକୁ ଯାଉଥିଲା । ଆଉ ଏଭଳି ଏକ ସମୟରେ ଏହି ଫିଲ୍ମର ସଫଳତା ମୋତେ ଏକ ନୂଆ ପରିଚୟ ଦେଇଛି । ମୁଖ୍ୟତଃ ଏହି ଫିଲ୍ମର ଗୀତ ଗୁଡ଼ିକ ମଧ୍ୟ ଜବରଦସ୍ତ ହିଟ୍ ହୋଇଥିଲା । ଆଉ ଫିଲ୍ମଟି ବକ୍ସ ଅଫିସରେ ହିଟ୍ ହୋଇଥିବାବେଳେ ଭଲ ରୋଜଗାର କରିଥିଲା । ଆଜି ମଧ୍ୟ ଫିଲ୍ମର ହିଟ୍ ଗୀତ ଗୁଡ଼ିକୁ ଗୁଣୁଗୁଣାଉଛନ୍ତି ଶ୍ରୋତା ।