ସୁଆଦିଆ ଫାଷ୍ଟଫୁଡ୍ ପଛର କଳାସତ : ଫାଷ୍ଟଫୁଡର ସୌଖିନ ମଣିଷ ଟିକେ ସାବଧାନ … ଏଭଳି ଖାଇଲେ କରୋନା ନୁହଁ ସିଧା କାଳ ଡାକି ନେବ !
ବଜାରର ଫାଷ୍ଟଫୁଡ୍ ଖାଇବାକୁ ପସନ୍ଦ କରୁଥିବା ଲୋକ ଏହି ଖବର ଉପରେ ଟିକେ ନଜର ପକାନ୍ତୁ । ପାଟି ଲାଳସା ପାଇଁ ଆପଣ ଯେଉଁ ଫାଷ୍ଟଫୁଡ୍ ଖାଉଛନ୍ତି ଏହା ପଛରେ ଥିବା ସତ ଯେ କେତେ କଳା ତାହା ଆପଣ ଏହି ଭିଡିଓରୁ ଜାଣିପାରିବେ । ସୋସିଆଲ୍ ମିଡିଆରେ ଏହି ଭିଡିଓ ଭାଇରାଲ୍ ହେଉଛି ଯେଉଁଥିରେ ଠେଲାବାଲା ପଛରେ ଥିବା ଜଣେ ପିଲାକୁ ନଳା ପାଣିରେ ଲୋକଙ୍କ ଖାଉଥିବା ପ୍ଲେଟକୁ ସଫା କରୁଥିବା ଦେଖିବାକୁ ମିଳିଛି । ତେବେ କରୋନା ଭାଇରସ୍ ସହ ଯୋଡି କିଛି ଲୋକ ଏହି ଭିଡିଓଟିକୁ ଖୁବ୍ ସେୟାର୍ କରିଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ରାସ୍ତାକଡରେ ଜଳଖିଆ ଦୋକାନର ଠେଲା ଲଗାଇଥିବା ଜଣେ ବ୍ୟକ୍ତି ସେପଟେ ଫାଷ୍ଟଫୁଡ୍ ବିକ୍ରି କରୁଛନ୍ତି ଆଉ ତାଙ୍କ ପଛରେ ଜଣେ ଯୁବକ ନଳା ପାଣିରେ ଅଇଁଠା ପ୍ଲେଟକୁ ଧୋଇ ରଖୁଛି । ଭିଡିଓ ଟିକୁ ପୋଷ୍ଟ କରି ଏଥିରେ କ୍ୟାପ୍ସନ୍ ରେ ଲେଖାହୋଇଛି , ଯଦି ଆପଣ ଫାଷ୍ଟଫୁଡର ସୌଖିନ ତେବେ କରୋନା ଭାଇରସ୍ ରୁ ଡରନ୍ତୁ ନାହିଁ । ଭାରତରେ କରୋନା ଭାଇରସ୍ ତ ଛାଡ ଆଉ କେଉଁ କେଉଁ ଭାଇରସ୍ ଆସିବ ଦେଖନ୍ତୁ । ଜଗଜୀତ୍ ସିଂହ ନାମକ ଫେସବୁକ୍ ୟୁଜର୍ ଏହି ଭିଡିଓଟିକୁ ସୋମବାର ସେୟାର୍ କରିଥିଲେ । ଯାହାକୁ ୯୫ ରୁ ଅଧିକ ଲୋକ ଦେଖିସାରିଲେଣି ।
ତେବେ ଭାରତରେ କରୋନା ଭୁତାଣୁକୁ ରୋକିବା ପାଇଁ ସରକାରଙ୍କ ତରଫରୁ ଆଡଭାଇଜରି ଜାରି କରାଯାଇଛି ଏବଂ ଲୋକଙ୍କୁ ଏହି ସବୁ ପରାମର୍ଶକୁ ଆପଣାଇବାକୁ କୁହାଯାଇଛି ।
୧ . ସଫା ସୁତୁରା ରୁହନ୍ତୁ ।
୨ . ବାରମ୍ବାର ହାତ ଧୁଅନ୍ତୁ ।
୩ . ଅସନା ହାତରେ ନାକ , ଆଖି ଏବଂ ମୁହଁକୁ ଛୁଅନ୍ତୁ ନାହିଁ ।
୪ . ରୋଗୀଣା ଲୋକଙ୍କଠାରୁ ଦୂରେଇ ରୁହନ୍ତୁ ।
୫ . ନିଜେ ରୋଗୀଣା ଥିଲେ ଘରେ ରୁହନ୍ତୁ ।
୬ . କାଶିବା ଏବଂ ଛିଙ୍କିବା ବେଳେ ରୁମାଲ୍ କିମ୍ବା ଟିସ୍ୟୁର ବ୍ୟବହାର କରନ୍ତୁ ଏବଂ ହାତକୁ ଧୁଅନ୍ତୁ ।
୭ . ଏନ୍-୯୫ ମାସ୍କ ବ୍ୟବହାର କରନ୍ତୁ ।
୮ . କରୋନା ଭୁତାଣୁର ଲକ୍ଷଣ ଦେଖାଯିବା ମାତ୍ରେ ହସ୍ପିଟାଲ୍ ରେ ପରୀକ୍ଷା କରାନ୍ତୁ ।