ମାଲକାନଗିରିରେ ବନ୍ୟା ପରିସ୍ଥିତି ସଙ୍ଗୀନ: କାଙ୍ଗୋରୁକୋଣ୍ଡା ସମେତ ବିଭିନ୍ନ ପୋଲ ଉପରେ ୪ରୁ ୫ ଫୁଟ ଉଚ୍ଚର ପାଣି; ଯୋଗାଯୋଗ ବିଚ୍ଛିନ୍ନ
ହଜାର ହଜାର ହେକ୍ଟର ଜମିରେ ପାଣି
କନକ ବ୍ୟୁରୋ: ମାଲକାନଗିରି ଜିଲ୍ଲାରେ ବନ୍ୟା ପରିସ୍ଥିତି ଆସ୍ତେ ଆସ୍ତେ ସଙ୍ଗିନ ହେବାରେ ଲାଗିଛି । ଗତ ୪ଦିନ ଧରି କାଙ୍ଗୋରୁକୋଣ୍ଡା ପୋଲ ଉପରେ ବନ୍ୟାଜଳ ପ୍ରବାହିତ ହେଉଛି । ଏବେ ପୁଣି ପୋଟେରୁ , ଫାର୍ମହାଉସ୍, ଏମଭି-୯୬, କନ୍ୟାଶ୍ରମ ଆଦି ସ୍ଥାନରେ ୪ରୁ ୫ ଫୁଟ ଉଚ୍ଚର ବନ୍ୟା ଜଳ ପ୍ରବାହିତ ହେଉଛି । ଫଳରେ ସମଗ୍ର ମାଲକାନଗିରିରେ ଯୋଗାଯୋଗ ବିଛିନ୍ନ ହୋଇଛି । ଏହି ଅଂଚଳରୁ ସମଗ୍ର ମାଲକାନଗିରିକୁ ଯୋଗଯୋଗ ବିଛିନ୍ନ ହୋଇଛି । ଅନେକ ଘର ଦ୍ୱାର ଭାଙ୍ଗିବା ସହ ହେକ୍ଟର ହେକଟର ଚାଷ ଜମି ଜଳମଗ୍ନ ହୋଇଛି । ଅନେକ ଗାଁ ଗଣ୍ଡାରେ ବନ୍ୟା ପାଣି ପଶିବାର ଆଶଙ୍କା ସୃଷ୍ଟି ହୋଇଛି ।
Kanak News is now on WhatsApp
Join and get latest news updates delivered to you via WhatsApp
ସେହିଭଳି ଲଗାଣ ବର୍ଷାରେ ମାଲକାନଗିରି ଜିଲ୍ଲା ମାଥିଲି ବ୍ଲକ ପାଙ୍ଗାମା ବ୍ରିଜ ପୋଲ ଉପରେ ଚାଲିଛି ୩ ଫୁଟର ପାଣି । ପ୍ରବଳରୁ ଅତି ପ୍ରବଳ ବର୍ଷା ହେବାରୁ ଜିଲ୍ଲାରେ ବିଭିନ୍ନ ନଦୀର ଜଳସ୍ତର ବୃଦ୍ଧି ପାଇଛି । ଜରୁରୀ କାମରେ ଯିବାକୁ ଥିବା ଅନେକ ଲୋକ ପାଙ୍ଗମ ବ୍ରିଜର ଉଭୟ ପାଶ୍ୱର୍ରେ ଅଟକି ରହିଛନ୍ତି । ପ୍ରାୟ ୨ଘଂଟା ହେବ ପାଣି ଚାଲୁଥିବାରୁ ଯାନବାହାନ ଚଳାଚଳ ବନ୍ଦ ରହିଛି । ଫଳରେ ମାଲକାନଗିରି-କୋରାପୁଟ ମୁଖ୍ୟରାସ୍ତାରେ ଯୋଗାଯୋଗ ବିଚ୍ଛିନ୍ନ ହୋଇଛି । ପାଙ୍ଗାମ ପୂର୍ବରୁ ଥିବା ସଲପପଦର କଲଭର୍ଟ ଉପରେ ମଧ୍ୟ ବିପଦ ସଂକୁଳ ଉପରେ ବନ୍ୟାଜଳ ପ୍ରବାହିତ ହେଉଛି ।