ଭୋକିଲା ରହିବେନି ଓଡିଶାବାସୀ । ରାଜ୍ୟ ସରକାରଙ୍କ ନିଜସ୍ୱ ଖାଦ୍ୟ ସୁରକ୍ଷା ଯୋଜନାକୁ କ୍ୟାବିନେଟ ମଞ୍ଜୁରୀ, ପ୍ରଥମ ପର୍ଯ୍ୟାୟରେ ଉପକୃତ ହେବେ ୨୫ ଲକ୍ଷ ହିତାଧିକାରୀ
କନକ ବ୍ୟୁରୋ : ରାଜ୍ୟ ଖାଦ୍ୟ ସୁରକ୍ଷା ବିଲକୁ ମିଳିଲା କ୍ୟାବିନେଟ୍ ମଂଜୁରୀ । ଆସନ୍ତା ଅକ୍ଟୋବର ୨ ତାରିଖରୁ ଲାଗୁ ହେବ ରାଜ୍ୟ ସରକାରଙ୍କ ନିଜସ୍ୱ ଖାଦ୍ୟ ସୁରକ୍ଷା ଯୋଜନା । ଆଜି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ଅଧ୍ୟକ୍ଷତାରେ ବସିଥିବା କ୍ୟାବିନେଟ ବୈଠକରେ ଏହି ନିଷ୍ପତି ହୋଇଛି । ପ୍ରଥମ ପର୍ଯ୍ୟାୟରେ ଏହି ଯୋଜନାରେ ୨୫ ଲକ୍ଷ ହିତାଧିକାରୀଙ୍କୁ ସାମିଲ କରାଯିବ । ପ୍ରତି ଲକ୍ଷେ ହିତାଧିକାରୀଙ୍କ ପିଛା ମାସକୁ ଖର୍ଚ୍ଚ ହେବ ପ୍ରାୟ ୧୭ କୋଟି ୭୫ ଲକ୍ଷ ଟଙ୍କା । ୨ ମାସ ଭିତରେ ଯୋଗ୍ୟ ହିତାଧିକାରୀମାନେ ଏଥିପାଇଁ ଆବେଦନ କରିପାରିବେ ।
Kanak News is now on WhatsApp
Join and get latest news updates delivered to you via WhatsApp
ଯୋଗ୍ୟ ହିତାଧିକାରୀଙ୍କୁ ବାଛିବା ପାଇଁ ୧୧ଟି ମାନଦଣ୍ଡ ନିର୍ଦ୍ଧାରଣ କରାଯାଉଥିବା ବେଳେ ଅଯୋଗ୍ୟ ହିତାଧିକାରୀଙ୍କୁ ବାଦ୍ ଦେବା ପାଇଁ ୯ଟି ମାନଦଣ୍ଡ ସ୍ଥିର କରାଯାଇଛି । ପ୍ରଥମ ୬ ମାସରେ ଏହି ଯୋଜନାରେ ୨ଶହ ୨୦ କୋଟି ଖର୍ଚ୍ଚ ହେବ । ଏଥିରୁ ୧୪୦ କୋଟି ସଂଚୟ ପାଣ୍ଠିରେ ଥିବା ବେଳେ ଅବଶିଷ୍ଟ ୮୦ କୋଟି ଅତିରିକ୍ତ ବଜେଟରେ ବ୍ୟବସ୍ଥା କରାଯିବ ।