କନକ ବ୍ୟୁରୋ: ଗ୍ଲୋବାଲ ୱାର୍ମିଂ କାରଣରୁ ଏହାର ପ୍ରଭାବ ବିଶ୍ୱର ଅନେକ ଦେଶ ଉପରେ ପଡୁଛି । ଏହା ଯୋଗୁ ଅନେକ ଦେଶରେ ଖାଦ୍ୟ ସଙ୍କଟ ମଧ୍ୟ ଦେଖାଦେଲାଣି । ଜାତୀୟ ଗଣମାଧ୍ୟମରେ ପ୍ରକାଶିତ ବିଶ୍ୱର ତାପମାତ୍ରା ଏବଂ ଖାଦ୍ୟର ସ୍ଥିତି ଉପରେ ପ୍ରସ୍ତୁତ ଏକ ରିପୋର୍ଟରୁ ଜଣାପଡିଛି ଯେ ଭାରତରେ ୨୦୫୦ ସୁଦ୍ଧା ପାଣି ଏବଂ ଗ୍ରୀଷ୍ମ କାରଣରୁ ଖାଦ୍ୟ ଉତ୍ପାଦନରେ ସଙ୍କଟ ଦେଖାଦେବ । ୧୬ ପ୍ରତିଶତରୁ ଅଧିକର ଖାଦ୍ୟ ସଙ୍କଟ ଦେଖାଦେବ । ତେବେ ଏହି ରିପୋର୍ଟରେ ଚୀନ ପ୍ରଥମ ସ୍ଥାନରେ ରହିଛି । ଯେଉଁଠାରେ ଖାଦ୍ୟ ଉତ୍ପାଦନ ୨୨.୪ ପ୍ରତିଶତର କମି ଆସିବ । ସେହିଭଳି ଦକ୍ଷିଣ ଆମେରିକାରେ ଏହା ୧୯.୪ ପ୍ରତିଶତ ଦେଖାଦେବ ।
Kanak News is now on WhatsApp
Join and get latest news updates delivered to you via WhatsApp
ରିପୋର୍ଟରେ କୁହାଯାଇଛି ଯେ, ଚୀନ ଏବଂ ଆସିଆନର ସହଯୋଗୀ ରାଷ୍ଟ୍ର ଯେଉଁ ମାନେ ବର୍ତ୍ତମା ଶୁଦ୍ଧ ଖାଦ୍ୟ ଉତ୍ପାଦନ କରୁଛନ୍ତି ୨୦୫୦ ସୁଦ୍ଧା ଖାଦ୍ୟ ରପ୍ତାନୀ କରୁଥିବା ଦେଶରେ ପରିଣତ ହେବେ । ପାଣିକୁ ନେଇ ଯେଉଁ ସଙ୍କଟ ରହିଛି ସେଥିମଧ୍ୟରୁ ଉପଯୋଗ କରାଯାଉଥିବା ପାଣିର ଆବଶ୍ୟକତା ବୃଦ୍ଧି ପାଇବାରେ ଲାଗିଛି । ଅନେକ ସ୍ଥାନର ପ୍ରାକୃତିକ ଉତ୍ସ ମଧ୍ୟ ଶୁଖିବାରେ ଲାଗିଛି । ୨୦୧୯ରେ ଜଳ ସଙ୍କଟର ସାମ୍ନା କରୁଥିବା ଦେଶ ତାଲିକାରେ ଭାରତ ବିଶ୍ୱରେ ୧୩ ତମ ସ୍ଥାନରେ ଥିଲା ।
ଭାରତରେ ଜଳଉତ୍ସର ଉପଲବ୍ଧତା ୧୧୦୦-୧୧୯୭ ବିଲିୟନ କ୍ୟୁବିକ୍ ମିଟର ମଧ୍ୟରେ ରହିଛି । ଏହାର ବିପରୀତ ସ୍ଥିତି ହେଉଛି ୨୦୧୦ରେ ଯେଉଁ ଆବଶ୍ୟକତା ୫୫୦-୭୧୦ ରହିଥିଲା ତାହା ୨୦୫୦ ସୁଦ୍ଧା ବଢି ୯୦୦-୧୪୦୦ କ୍ୟୁବିକ ମିଟର ହୋଇଯିବ । ଭାରତରେ ଖରାପ ଜଳନୀତି କାରଣରୁ ଜଳ ସଙ୍କଟ ଦେଖାଦେବାରେ ଲାଗିଛି । ଏହା ଦ୍ୱାରା ଏକ ବଡ ବାଧା ସୃଷ୍ଟି ହୋଇଛି ।