ବେଡି ଉପରେ କୋରଡା ମାଡ । କରୋନା ପରେ ମାଡି ଆସୁଛି ଖାଦ୍ୟ ସଂକଟ । ସର୍ତକ କଲା ବିଶ୍ୱ ସ୍ୱାସ୍ଥ୍ୟ ସଂଗଠନ
୨୦୨୧, ଭୟଙ୍କର ଭୋକର ଦାଉ !
କନକ ବ୍ୟୁରୋ : ୨୦୨୧ ରେ ଭୟଙ୍କର ହେବ ମହାମାରୀ । ସେ ମହାମାରୀ କୌଣସି ରୋଗ ନୁହେଁ କି କୌଣସି ପ୍ରଳୟ ମାଧ୍ୟମରେ ନୁହେଁ । ଏହି ମହାମାରୀ ଖାଦ୍ୟ ଅଭାବରୁ ହେବ । ଏଭଳି ସୂଚନା ଦେଇଛନ୍ତି ବିଶ୍ୱ ଖାଦ୍ୟ କାର୍ଯ୍ୟକ୍ରମ (ଡବ୍ଲ୍ୟଏଚପି) ର ମୁଖ୍ୟ ଡେଭିଡ୍ ବସଲି । ସେ କହିଛନ୍ତି କି ଯଦି ବିଶ୍ୱ ଖାଦ୍ୟ ସଂଗଠନକୁ ଉପଯୁକ୍ତ ସହଯୋଗ ଓ ସହାୟତା ନମିଳେ ତବେ ବିଶ୍ୱର ଅନେକ ଦେଶ ଭୋକର ଭୋଗଳ ଭିତରେ ଜର୍ଜରିତ ହେବ । ଏହା ଏକ ଭୟଙ୍କର ମହାମାରୀର ରୂପ ନେବ ବୋଲି ସେ ଦୃଢୋକ୍ତି ପ୍ରକାଶ କରିଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ସେ ଏକ ଗଣମାଧ୍ୟମ ସହ କଥାବାର୍ତ୍ତା ବେଳେ କହିଛନ୍ତି କି ଦୈନିକ ବିଶ୍ୱରେ ଖାଦ୍ୟ ଏକ ବଡ ସଂକଟ ଭାବେ ଦେଖା ଦେଇଛି । ଏଥିରେ ଦୈନିକ ଅନାହାରରେ ମୃତକଙ୍କ ସଂଖ୍ୟା ବଢିବାରେ ଲାଗିଛି । ଖାଦ୍ୟାଭାବରୁ ଅନେକ ମଣିଷଙ୍କ ଶରୀରରେ ପୁଷ୍ଟିହୀନତା ଦେଖିବାକକୁ ମିଳୁଛି। ଆମେରିକାରେ ରାଷ୍ଟ୍ରପତି ନିର୍ବାଚନ ଓ କୋଭିଡ-୧୯ ମହାମାରୀ ଯୋଗୁଁ ବିଶ୍ୱ ଏଭଳି ଏକ ଭୟଙ୍କର ମହାମାରୀ ଉପରୁ ନଜର ହଟାଇ ନେଇଛି ବା ଏହାକୁ ଗୁରୁତ୍ୱ ଦିଆଯାଇ ନାହିଁ । ସମୟକ୍ରମେ ବିଶ୍ୱରେ ବିଭିନ୍ନ ମହାମାରୀ ହିଁ କ୍ଷୁଧା ଭଳି ମହାମାରୀର ଜନକ ବୋଲି ସେ କହିଛନ୍ତି । ଯଦି ଏହା ଉପରେ ତୁରନ୍ତ କାର୍ଯ୍ୟାନୁଷ୍ଠାନ ଗ୍ରହଣ କରାନଯାଏ ତେବେ ୨୦୨୧ ସୁଦ୍ଧା ସ୍ଥିତି ଏଭଳି ସମସ୍ୟା ଉପୁଜାଇବ ଯେ ତାହାକୁ ରୋକିବା ସମ୍ଭବ ନୁହେଁ । ସେ କହିଛନ୍ତି କି ୨୦୨୦ ଆରମ୍ଭରେ ବିଶ୍ୱର କିଛି ଦେଶ ଅନାହାର ମୃତ୍ୟୁକୁ ରୋକିବାକୁ ସହାୟତା ପ୍ରଦାନ କରିଥିଲେ । ତେଣୁ କରୋନା ମାହାମାରୀ ବେଳେ ବି ଏଭଳି ସ୍ଥିତିକୁ ରୋକାଯାଇ ପାରିଥିଲା । ମାତ୍ର ସାରା ବିଶ୍ୱ ଏବେ କରୋନା ମାହାମାରୀ ପାଇଁ ଆର୍ଥିକ ସଂକଟ ମଧ୍ୟରେ ଗତି କରୁଛି । ତେଣୁ ୨୦୨୦ ରେ ଯେଉଁ ପରିମାଣର ସହାୟତା ରାଶି ମିଳିଥିଲା ୨୦୨୧ ରେ ସେହି ପରିମାଣର ସହାୟତା ମିଳିବା ସମ୍ଭାବନା କମ୍ । ତେଣୁ ସେ ଏଭଳି ସଂଗୀନ ସ୍ଥିତି ବାବଦରେ ବିଭିନ୍ନ ଦେଶର ନେତା ମାନଙ୍କ ସହ ଆଲୋଚନା କରୁଥିବା କଥା କହିଛନ୍ତି ଡେଭିଡ୍ । ସୂଚନା ଯୋଗ୍ୟ ଯେ ଚଳିତ ବର୍ଷ ବିଶ୍ୱ ଖାଦ୍ୟ ସଂଗଠନକୁ ନୋବେଲ ପୁରସ୍କାର ମିଳିଛି ।