ତୁହାକୁ ତୁହା ବର୍ଷା ଚାଲିଛି ରାଜଧାନୀରେ । ଜାତୀୟ ରାଜପଥ ଶୂନ ଶାନ, ଘରୁ ପଦାକୁ ବାହାରୁ ନାହାନ୍ତି ଲୋକ
ବାତ୍ୟା ଫୋନିର ପ୍ରଭାବରେ ପୁରୀ ସମେତ ଅନେକ ଜିଲ୍ଲାରେ ପ୍ରବଳ ବର୍ଷା ଲାଗି ରହିଛି
କନକ ବ୍ୟୁରୋ : ବାତ୍ୟା ଫୋନିର ପ୍ରଭାବରେ ପୁରୀ ସମେତ ଅନେକ ଜିଲ୍ଲାରେ ପ୍ରବଳ ବର୍ଷା ଲାଗି ରହିଛି । ପୁରୀ, ଜଗତସିଂହପୁର, ଭୁବନେଶ୍ୱର, ବ୍ରହ୍ମପୁର ସମେତ ଅନେକ ଜିଲ୍ଲାରେ ବର୍ଷା ଲାଗି ରହିଛି । ତେବେ ମିଳିଥିବା ସୂଚନା ଅନୁସାରେ ରାଜଧାନୀରେ ବି ବର୍ଷା ଲାଗି ରହିଛି । ଦିନ ଯେତିକି ଯେତିକି ବଢୁଛି ବର୍ଷାର ପରିମାଣ ମଧ୍ୟ ସେତିକି ସେତିକି ବଢିବାରେ ଲାଗିଛି । ପ୍ରବଳ ବର୍ଷା ସାଙ୍ଗକୁ ପବନର ବେଗ ମଧ୍ୟ ବଢିବାରେ ଲାଗିଛି । ଫୋନି ପ୍ରଭାବରେ ପ୍ରବଳ ବର୍ଷା ହେଉଛି । ସକାଳୁ ହିଁ ବର୍ଷାର ପରିମାଣ ବଢିଥିବା ଦେଖାଯାଇଛି । ତୁହାକୁ ତୁହା ବର୍ଷା ସାଙ୍ଗକୁ ପବନ ହେଉଥିବା କାରଣରୁ ରାସ୍ତା ଘାଟ ମଧ୍ୟ ଶୂନଶାନ ହୋଇପଡିଛି ।
Kanak News is now on WhatsApp
Join and get latest news updates delivered to you via WhatsApp
କାଁ ଭାଁ ଗୋଟିଏ ଦୁଇଟି ଗାଡିକୁ ଛାଡି ଦେଲେ ପ୍ରାୟତଃ ଜାତୀୟ ରାଜପଥରେ ଗାଡି ଏତେ ପରିମାଣରେ ଚଳାଚଳ ମଧ୍ୟ କରୁନଥିବା ଦେଖାଯାଇଛି । ତେବେ ପାଣିପାଗ ବିଭାଗ ପକ୍ଷରୁ ମିଳିଥିବା ସୂଚନା ଅନୁସାରେ, ଫୋନି ଲ୍ୟାଣ୍ଡଫଲର ପ୍ରକ୍ରିୟା ଚାଲିଛି । ଏହାର ପ୍ରଭାବରେ ଅନେକ ସ୍ଥାନରେ ବର୍ଷା ଲାଗି ରହିଥିବା ବେଳେ ପବନର ବେଗ ମଧ୍ୟ ବଢିବାରେ ଲାଗିଛି । ବର୍ଷା ସାଙ୍ଗକୁ ପବନର ବେଗ ଅଧିକ ଥିବାରୁ ଲୋକମାନେ ମଧ୍ୟ ଘରୁ ବାହାରକୁ ବାହାରି ପାରୁନାହାନ୍ତି । ଗତକାଲି ମଧ୍ୟ ବାତ୍ୟା ଲ୍ୟାଣ୍ଡ ଫଲ ସମୟରେ ଘରୁ ନବାହାରିବା ପାଇଁ ସରକାର ଲୋକମାନଙ୍କୁ ଅପିଲ କରିଥିଲେ । ତେବେ କହିବାକୁ ଗଲେ ବାତ୍ୟା ଫୋନିର ପ୍ରଭାବ ରାଜଧାନୀରେ ମଧ୍ୟ ଦେଖିବାକୁ ମିଳିଛି ।