ପ୍ରକାଶ ବେହେରାଙ୍କ ପରିବାର ନାଁରେ ଥିବା ପେଟ୍ରୋଲ ପମ୍ପରୁ ଜବତ ହେଲା ୭ଲକ୍ଷରୁ ଉଦ୍ଧ୍ୱର୍ ଟଙ୍କା । କୁଆଡୁ ଆସିଲା ଏତେ ଟଙ୍କା ? ଫ୍ଲାଇଂ ସ୍କ୍ୱାର୍ଡର ତନାଘନା ।
କନକ ବ୍ୟୁରୋ: ପେଟ୍ରୋଲ ପମ୍ପରୁ ଲକ୍ଷାଧିକ ଟଙ୍କା ଜବତ । କଟକ ଜିଲ୍ଲା ଜଗତପୁର ଖଇରା ପୋଲ ନିକଟ ପେଟ୍ରୋଲ ପମ୍ପରେ ଚଢାଉ କରିଛି ଫ୍ଲାଇଂ ସ୍କ୍ୱାର୍ଡ । ଏହି ଚଢାଉ ବେଳେ ୭ରୁ ୮ ଲକ୍ଷ ଟଙ୍କା ଜବତ ହୋଇଥିବା କଟକ ଡିସିପି ସୂଚନା ଦେଇଛନ୍ତି । ତେବେ ଏହି ଟଙ୍କା ତେଲ ବିକ୍ରି ଟଙ୍କା ବୋଲି କହିଛନ୍ତି ପେଟ୍ରୋଲ ପମ୍ପ କର୍ମଚାରୀ । ସେପଟେ ନିର୍ବାଚନ ସମୟରେ ପେଟ୍ରୋଲ ପମ୍ପରୁ ଏଭଳି ଲକ୍ଷାଧିକ ଟଙ୍କା ଜବତ ହେବା ଘଟଣା ପୋଲିର ସନ୍ଦେହ ପରିସରକୁ ଆସିଛି ।
Kanak News is now on WhatsApp
Join and get latest news updates delivered to you via WhatsApp
ସେପଟେ ଗୋଟିଏ ଦିନରେ ଏତେ ଟଙ୍କାର ତେଲ ବିକ୍ରି ଅସମ୍ଭବ ବୋଲି କହିଛନ୍ତି କଟକ ଡିସିପି ଅଖିଳେଶ ସିଂ । ଏନେଇ ତନାଘନା ଜାରି ରହିଛି । ଫ୍ଲାଇଂ ସ୍କ୍ୱାର୍ଡ ଚଢାଉ କରିଥିବା ପେଟ୍ରୋଲ ପମ୍ପଟି ସାଲେପୁର ବିଜେପି ବିଧାୟକ ପ୍ରାର୍ଥୀ ପ୍ରକାଶ ବେହେରାଙ୍କ ପରିବାର ଲୋକଙ୍କ ନାଁରେ ରହିଥିବା ଜଣାପଡିଛି । ତେବେ ଚଢାଉ ନେଇ ପ୍ରକାଶ ବେହେରାଙ୍କ ପ୍ରତିକ୍ରିୟା ହସ୍ତଗତ ହୋଇପାରିନାହିଁ । ପେଟ୍ରୋଲ ପମ୍ପରେ ଟଙ୍କା ରଖାଯାଇଥିବା ନେଇ ଜଣାପଡିବା ପରେ ଚଢାଉ କରିଥିଲା ଫ୍ଲାଇଂ ସ୍କ୍ୱାର୍ଡ ।