ବର୍ଷା ଆଣିଲା ବନ୍ୟା ! ବରଗଡ଼ରୁ ବୌଦ୍ଧ, ଢ଼େଙ୍କାନାଳରୁ ମାଲକାନଗିରି, ସବୁଠି ବନ୍ୟା ସ୍ଥିତି: ବିଭିନ୍ନ ସ୍ଥାନରେ ଯୋଗାଯୋଗ ବିଚ୍ଛିନ୍ନ, ପାଣିରେ ବୁଡ଼ିଲା ଫସଲ; ଆଜି ବି ୭ ଜିଲ୍ଲାରେ ହୋଇପାରେ ଘଡଘଡ ସହ ବର୍ଷା
କନକ ବ୍ୟୁରୋ: ଲଘୁଚାପ ପ୍ରଭାବରେ ରାଜ୍ୟର ଅଧିକାଂଶ ସ୍ଥାନରେ ବର୍ଷା ଲାଗି ରହିଛି । ପାଣିପାଗ ବିଭାଗ ପକ୍ଷରୁ ମାଲକାନଗିରି ଜିଲ୍ଲା ପାଇଁ ଓରେଞ୍ଜ ୱାର୍ଣ୍ଣିଂ ଜାରି କରାଯାଇଛି । ଆସନ୍ତା ୧୨ ଘଂଟା ମଧ୍ୟରେ ମାଲକାନଗିରି ଜିଲ୍ଲାରେ ପ୍ରବଳରୁ ପ୍ରବଳ ବର୍ଷା ହେବା ସମ୍ଭାବନା ରହିଛି । ସେହିପରି ୯ଟି ଜିଲ୍ଲା ପାଇଁ ୟେଲୋ ୱାର୍ଣ୍ଣିଂ ଜାରି କରାଯାଇଛି । କୋରାପୁଟ, କଳାହାଣ୍ଡି, ନବରଙ୍ଗପୁର, ନୂଆପଡା, ବଲାଙ୍ଗୀର, ବରଗଡ, ମୟୂରଭଞ୍ଜ, ଝାରସୁଗୁଡା ଓ ସୁନ୍ଦରଗଡ ଜିଲ୍ଲାରେ ମଧ୍ୟ ଭୀଷଣ ବର୍ଷାର ପୂର୍ବାନୁମାନ କରିଛି ଭାରତୀୟ ପାଣିପାଗ ବିଭାଗ । ଏହାଛଡା ଆସନ୍ତା ୧୨ ଘଂଟା ମଧ୍ୟରେ ଆଭ୍ୟନ୍ତରୀଣ ଓଡିଶା, ଉପକୂଳ ଓଡିଶାର ବିଭିନ୍ନ ଅଂଚଳରେ ବର୍ଷା ହେବାର ଆଶଙ୍କା ରହିଛି ।
Kanak News is now on WhatsApp
Join and get latest news updates delivered to you via WhatsApp
ସେହିପରି ଆଜିି ମାଲକାନାଗିରି, କୋରାପୁଟ. ନବରଙ୍ଗପୁର, ଝାସରୁଗୁଡା, ସମ୍ବଲପୁର, ସୁନ୍ଦରଗଡ, ବରଗଡରେ ଘଡଘଡି ସହ ବର୍ଷା ହେବାର ସମ୍ଭାବନା ରହିଛି । ମଙ୍ଗଳବାର ଝାରସୁଗିଡା, ସୁନ୍ଦରଗଡ, ବରଗଡ,ନ୍ତ୍ରେନ୍ଦୁଝର ଓ ମୟୁରଭଞ୍ଜ ଜିଲ୍ଲାରେ ପ୍ରବଳ ବର୍ଷା ହୋଇପାରେ । ଆସନ୍ତା ୧୯ ତାରିଖରେ ବଙ୍ଗୋପ ସାଗରରେ ଆଉଏକ ଲଘୁଚାପ ବଳୟ ସୃଷ୍ଟି ହେବା ସମ୍ଭାବନା ରହିଛି । ଝାଡଖଣ୍ଡ ଉପରେ ଲଘୁଚାପ ପ୍ରଭାବରେ ଓଡିଶା ଉପକୂଳରେ ବର୍ଷା ସାଙ୍ଗକୁ ଘଂଟାପ୍ରତି ୪୫ରୁ ୫୫ କିଲୋମିଟର ବେଗରେ ପବନ ବହିପାରେ ।
ସେପଟେ, ଲଗାଣ ବର୍ଷାରେ ଉବୁଟୁବୁ ହେଉଛି ଓଡିଶାର ଅଧାରୁ ଅଧିକ ଅଂଚଳ । ମାଲକାନଗିରିରୁ ଢେଙ୍କାନାଳ ସବୁଠି ବର୍ଷା ପରେ କୃତ୍ରିମ ବନ୍ୟା ପରିସ୍ଥିତି ସୃଷ୍ଟି ହୋଇଛି । ନଦୀରେ ଜଳସ୍ତର ବିଶେଷ ବଢିନଥିବାରୁ ବର୍ଷା ପାଣି ନଦୀକୁ ନିଷ୍କାସିତ ହୋଇଯାଉଛି । କିନ୍ତୁ ବର୍ଷା ସମୟରେ ପରିସ୍ଥିତି ସଙ୍ଗୀନ ହୋଇଯାଉଛି । ବନ୍ୟା ପରିସ୍ଥିତିରେ ୨ ଜଣଙ୍କ ମୃତ୍ୟୁ ହୋଇଥିବା ବେଳେ ପାଲଲହଡାରେ ବନ୍ୟା ଭଳି ପରିସ୍ଥିତି ଯୋଗୁଁ ରୋଗୀ ପାଖରେ ଆମ୍ବୁଲାନ୍ସ ବି ପହଂଚିପାରିଲା ନାହିଁ ।