୩ ଦିନ ହେଲା ଚିଲିକା ମଝିରେ ଫସିରହିଛନ୍ତି ମତ୍ସ୍ୟଜୀବୀ : ସାଙ୍ଗରେ ଅଛି ୧୦ ବର୍ଷର ପିଲା
ମାଛ ମାରିବାକୁ ଯାଇଥିବାବେଳେ କଟକି ଦଳରେ ଫସିଯାଇଛି ଡଙ୍ଗା; ଉଦ୍ଧାର ପାଇଁ ଉଦ୍ୟମ ଆରମ୍ଭ କଲା ମାଲୁଦ ଅଗ୍ନିଶମ ବିଭାଗର ଟିମ୍
କନକ ବ୍ୟୁରୋ : ଚିଲିକା ମଝିରେ ୩ ଦିନ ହେଲା ଫସିରହିଛନ୍ତି ମତ୍ସ୍ୟଜୀବୀ । ସବୁଠାରୁ ବଡକଥା ହେଉଛି ଏମାନଙ୍କ ଭିତରେ ଜଣେ ୧୦ ବର୍ଷର ପିଲା ରହିଛି । ଡଙ୍ଗାରେ ଚିଲିକାକୁ ମାଛ ମାରିବାକୁ ଯାଇଥିବାବେଳେ କଟକି ଦଳରେ ଫସିଯାଇଛି ଡଙ୍ଗା । ଏହି ମତ୍ସ୍ୟଜୀବୀମାନେ ଗଞ୍ଜାମ ଜିଲ୍ଲା ପଥରା ଗାଁର ବୋଲି ଜଣାପଡିଛି ।
Kanak News is now on WhatsApp
Join and get latest news updates delivered to you via WhatsApp
ତେବେ କୌଣସି ମତେ ଖବର ପହଂଚାଇବାକୁ ସମର୍ଥ ହୋଇଛନ୍ତି ଏହି ମତ୍ସ୍ୟଜୀବୀ । ଫଳରେ ଏବେ ସେମାନଙ୍କୁ ମଝି ଚିଲିକାରୁ ଉଦ୍ଧାର କରିବା ପାଇଁ ଉଦ୍ୟମ ଆରମ୍ଭ ହୋଇଛି । ଘଟଣାସ୍ଥଳକୁ ଯାଉଛି ମାଲୁଦ ଅଗ୍ନିଶମ ବିଭାଗର ଏକ ଟିମ୍ । ପୁରୀ ଜିଲ୍ଲା କୃଷ୍ଣ ପ୍ରସାଦ ବ୍ଲକ ଗଡ ଘିମୁନ୍ଦା ଜେଟିର ଚିଲିକା ନିକଟରୁ କିଛିଦୂର ଚିଲିକାରେ ଫସି ରହିଛି ଏହି ମତ୍ସ୍ୟଜୀବୀଙ୍କ ଡଙ୍ଗା ।