ମଧୁର ମାଛ ଚାଷୀ ରମେଶ । ଅବସର ପରେ କରୁଛନ୍ତି ମାଛ ଯାଆଁଳ ଉତ୍ପାଦନ, ଲୋକଙ୍କୁ ମାଗଣାରେ ଦେଉଛନ୍ତି ପ୍ରଶିକ୍ଷଣ ।
କନକ ବ୍ୟୁରୋ : ଅସ୍ତରଙ୍ଗ ପ୍ରଧାନ ଫାର୍ମ ହାଉସ୍ । ଅସ୍ତରଙ୍ଗ, କାକଟପୁର, ଗୋପ, କୋଣାର୍କ ଆଉ ନିମାପଡାରେ ମଧୁର ଜଳ ମାଛ ଚାଷୀଙ୍କ ପାଇଁ ପରିଚିତ ନାମଟିଏ । ଚାକିରିରୁ ଅବସର ପରେ ମଧୁର ଜଳ ଯାଆଁଳ ଉତ୍ପାଦନ ଓ ମାଗଣା ପ୍ରଶିକ୍ଷଣ କେନ୍ଦ୍ର ଆରମ୍ଭ କରିଛନ୍ତି ଅସ୍ତରଙ୍ଗର ରମେଶ ଚନ୍ଦ୍ର ପ୍ରଧାନ । ନିଜେ କିଛି ରୋଜଗାର କରିବା ସହ ଅନ୍ୟ କିଛି ଯୁବକଙ୍କୁ ଦେଇଛନ୍ତି ରୋଜଗାର । ପୂର୍ବରୁ ମାଛ ଯାଆଁଳ ପାଇଁ ଏ ଅଞ୍ଚଳର ଚାଷୀଙ୍କୁ ଭୁବନେଶ୍ୱର ଯିବାକୁ ପଡ଼ୁଥିଲା । କିନ୍ତୁ ଏବେ ଏହି ସୁବିଧା ଚାଷୀଙ୍କ ହାତ ପାହାନ୍ତାରେ ପହଞ୍ଚି ଯାଇଛି ।
ଅସ୍ତରଙ୍ଗ ଗ୍ରାମର ରମେଶ ଚନ୍ଦ୍ର ପ୍ରଧାନ ବ୍ୟାଙ୍କ ଚାକିରୀରୁ ଅବସର ନେବା ପରେ ଆରମ୍ଭ କରିଛନ୍ତି ମଧୁର ଜଳ ଯାଆଁଳ ଉତ୍ପାଦନ ଓ ମାଗଣା ପ୍ରଶିକ୍ଷଣ କେନ୍ଦ୍ର । ୧୫ ଲକ୍ଷ ଟଙ୍କା ଖର୍ଚ୍ଚ କରି ୧୦ ଟି ପୋଖରୀ ଖୋଳି ବିଭିନ୍ନ ପ୍ରକାର ମାଛ ଯାଆଁଳ ଉତ୍ପାଦନ କରି ତାହାକୁ ସୁଲଭ ମୂଲ୍ୟରେ ବିକ୍ରି କରୁଛନ୍ତି । ରୋହି, ଭାକୁଡ , ମିରିକାଳୀ, ରୂପଚାନ୍ଦି, ଚିଙ୍ଗୁଡି, ସହ ଅନ୍ୟାନ୍ୟ ୧୦ ପ୍ରଜାତିର ଯାଆଁଳ ଏଠାରେ ଉତ୍ପାଦନ ହେଉଛି ।
Kanak News is now on WhatsApp
Join and get latest news updates delivered to you via WhatsApp
ଯେଉଁ ଗାଁ ଲୋକ ମାନେ ମଧୁର ଜଳରେ ମାଛ ଚାଷ କରି ଆତ୍ମନିର୍ଭରଶୀଳ ହେବାକୁ ଲକ୍ଷ୍ୟ ରଖି ପୋଖରୀ ଖୋଳିଛନ୍ତି ସେମାନଙ୍କୁ ଯାଆଁଳ ଯୋଗାଇ ଦେଉଛି ପ୍ରଧାନ ଫାର୍ମ ହାଉସ୍ । ପୂର୍ବରୁ ମାଛ ଯାଆଁଳ ପାଇଁ ଏ ଅଞ୍ଚଳର ଚାଷୀଙ୍କୁ ଭୁବନେଶ୍ୱର ଯିବାକୁ ପଡ଼ୁଥିଲା । କିନ୍ତୁ ଏବେ ଏହି ସୁବିଧା ଚାଷୀଙ୍କ ହାତ ପାହାନ୍ତାରେ ପହ୍ଚି ଯାଇଛି । ଏଠାକୁ ଆସୁଥିବା ମାଛ ଚାଷୀଙ୍କୁ ତାଲିମ ମଧ୍ୟ ନିଜ ଫାର୍ମ ହାଉସରେ ଦିଅନ୍ତି ରମେଶ । ।