ପ୍ରଥମଥର ପାଇଁ ଉତ୍ତର ପ୍ରଦେଶରେ ୨ ସଂକ୍ରମିତଙ୍କ ଠାରେ ଚିହ୍ନଟ ହେଲା କରୋନାର କପ୍ପା ଭାରିଆଣ୍ଟ, ଜଣଙ୍କର ମୃତ୍ୟୁ
କନକ ବ୍ୟୁରୋ : ଉତ୍ତରପ୍ରଦେଶରେ କୋଭିଡ-୧୯ ର ଡେଲ୍ଟା ଭାରିଆଣ୍ଟ ପରେ ୨ ଜଣଙ୍କ ଠାରେ ଚିହ୍ନଟ ହେଲା କପ୍ପା ଭାରିଆଣ୍ଟ । ସନ୍ଥ କବୀର ନଗରରେ ଜଣେ ସଂକ୍ରମିତଙ୍କ ଠାରେ ଏହି ଭୂତାଣୁ ପ୍ରଥମେ ସଂକ୍ରମିତ ହୋଇଥିଲା । ୬୬ ବର୍ଷିୟ ଏହି ରୋଗୀ ଜଣଙ୍କର ମୃତ୍ୟୁ ହୋଇ ସାରିଛି । ଏହି ରୋଗୀ ଜଣଙ୍କ ଜୁନ ମାସରେ ଗୋରଖପୁରର ବିଆରଡି ମେଡିକାଲ କଲେଜରେ ଆଡମିଶନ ହୋଇଥିଲେ ।
Kanak News is now on WhatsApp
Join and get latest news updates delivered to you via WhatsApp
ଅନ୍ୟପଟେ ଲକ୍ଷେ୍ନø ଜର୍ଜ ମେଡିକାଲ ୟୁନିଭରସିଟି ହସ୍ପିଟାଲକୁ ୧୦୯ ଟି ନମୂନା ପରୀକ୍ଷା ପାଇଁ ପଠାଯାଇଥିବା ବେଳେ ଏଥିରୁ ୨ ଟି ନମୂନାରୁ କପ୍ପା ଭାରିଆଣ୍ଟ ଚିହ୍ନଟ ହୋଇଛି ।
କହିରଖୁ କି ଯେତେବେଳେ ଦେଶରେ କରୋନା ସଂକ୍ରମଣର ଦ୍ୱିତୀୟ ଲହର କମିବାରେ ଲାଗିଛି ସେତେବେଳେ କରୋନାର ଭିନ୍ନ ଭିନ୍ନ ଭାରିଆଣ୍ଟ ଚିହ୍ନଟ ହୋଇ ସ୍ୱାସ୍ଥ୍ୟ ବିଭାଗର ଚିନ୍ତା ବଢାଇଛି । ବୈଜ୍ଞାନିକ ମାନଙ୍କ ମତରେ କରୋନାର ଡେଲଟା, ଅଲ୍ଫା ଓ କପ୍ପା ଭାରିଆଣ୍ଟ ଅଧିକ ସଂକ୍ରାମକ । ଉତ୍ତରପ୍ରଦେଶରେ କରୋନା କଟକଣା କୋହଳ କରାଯିବା ପରେ ଏଭଳି ଭାରିଆଣ୍ଟ ସଂକ୍ରମିତ ଚିହ୍ନଟ ହୋଇଛନ୍ତି । ଏନେଇ ମେଡିକାଲ କଲେଜ ପକ୍ଷରୁ ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥଙ୍କୁ ସୂଚନା ଦିଆଯାଇଛି ।
କପ୍ପା ଭାରିଆଣ୍ଟ ବାବଦରେ ରାଜ୍ୟ ସ୍ୱାସ୍ଥ୍ୟ ବିଭାଗର ଅତିରିକ୍ତ ସଚିବ ଅମିତ ମୋହନ ପ୍ରସାଦ କହିଛନ୍ତି କି ରାଜ୍ୟରେ ଏହା ପୂର୍ବରୁ ଜଣେ ଲୋକ ଠାରେ କପ୍ପା ଭାରିଆଣ୍ଟ ଚିହ୍ନଟ ହୋଇଥିଲା । ଏହାକୁ ନେଇ ଚିନ୍ତା କରିବାର କିଛି ନାହିଁ, ଏହା କରୋନା ଭୂତାଣୁର ଏକ ରୂପ ଓ ଏହାର ଚିକିତ୍ସା ସମ୍ଭବ ବୋଲି ଅମିତ ମୋହନ ପ୍ରସାଦ କହିଛନ୍ତି ।