କନକ ବ୍ୟୁରୋ: ଆଇପିଏଲ ଇତିହାସରେ ଘଟିବାକୁ ଯାଉଛି ଏକ ନୂଆ ଘଟଣା । ଗୋଟିଏ ସମୟରେ ଆଇପିଏଲର ଦୁଇଟି ମ୍ୟାଚ ଖେଳାଯିବ । ଚଳିତ ଆଇପିଏଲର ଶେଷ ଦୁଇ ଲିଗ ମ୍ୟାଚ ୮ ଅକ୍ଟୋବରରେ ସନ୍ଧ୍ୟା ୭ଟା ୩୦ରେ ଆରମ୍ଭ ହେବ । ଏହି ମ୍ୟାଚରେ ମୁହାଁମୁହିଁ ହେବେ ହାଇଦ୍ରାବାଦ-ମୁମ୍ବାଇ ଓ ବାଙ୍ଗାଲୋର-ଦିଲ୍ଲୀ ।
Kanak News is now on WhatsApp
Join and get latest news updates delivered to you via WhatsApp
ଏବେ ଯାଏଁ ଆଇପିଏଲରେ ଡବଲ ହେଡର ମ୍ୟାଚରେ ଗୋଟିଏ ୩ଟା ବେଳେ ଖେଳାଯାଉଥିବା ଆଉ ଗୋଟିଏ ସନ୍ଧ୍ୟା ୭ଟା ୩୦ରେ ଖେଳାଯାଉଥିଲା । ତେବେ ଦର୍ଶକମାନେ କିଭଳି ଦୁଇଟି ମ୍ୟାଚର ମଜା ନେଇପାରିବେ ସେ ନେଇ ବ୍ୟବସ୍ଥା କରାଯିବ ବୋଲି ବିସିସିଆଇ ସମ୍ପାଦକ ଜୟ ଶାହା କହିଛନ୍ତି ।
ତେବେ ମ୍ୟାଚରେ ଦୁର୍ନୀତିକୁ ରୋକିବା ପାଇଁ ବିସିସିଆଇ ଏଭଳି ନିଷ୍ପତ୍ତି ନେଇଥିବା ସୂଚନା ମିଳିଛି । ଶେଷ ଲିଗ ମ୍ୟାଚରେ ବି ଦଳ ମାନଙ୍କର ପ୍ଲେ ଅଫରେ ପ୍ରବେଶ କରିବାର ସମ୍ଭାବନା ରହିଥାଏ । ତେଣୁ ଶେଷ ମ୍ୟାଚରେ ଏଭଳି କିଛି ଦୁର୍ନୀତିକୁ ଏଡାଇବା ପାଇଁ ଏହି ବ୍ୟବସ୍ଥା କରାଯାଇଛି ।