ବଦଳିଲା ସାଧାରଣତନ୍ତ୍ର ଉତ୍ସବର ରୂପ । ଏଥର କଟକରେ ପତାକା ଉତ୍ତୋଳନ କରିବେନି ମୁଖ୍ୟମନ୍ତ୍ରୀ, ଭୁବନେଶ୍ୱରରେ ରାଜ୍ୟସ୍ତରୀୟ ପତାକା ଉତ୍ତୋଳନ ଉତ୍ସବରେ ଅତିଥି ଭାବେ ଯୋଗଦେବେ ନବୀନ ।
କନକ ବ୍ୟୁରୋ: ବଦଳିବ ସାଧାରଣତନ୍ତ୍ର ଉତ୍ସବର ରୂପ । ଏଥର ଜାନୁୟାରୀ ୨୬ ତାରିଖରେ କଟକରେ ପତାକା ଉତୋଳନ କରିବେ ନାହିଁ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ । କଟକ ସହରରେ ଅର୍ଥମନ୍ତ୍ରୀ ନିରଞ୍ଜନ ପୂଜାରୀ ଏହି ଦାୟିତ୍ୱ ତୁଲାଇବେ । ଅନ୍ୟପକ୍ଷରେ ଭୁବନେଶ୍ୱରରେ ଅନୁଷ୍ଠିତ ହେବାକୁ ଥିବା ରାଜ୍ୟସ୍ତରୀୟ ପତାକା ଉତୋଳନ ପ୍ୟାରେଡ଼ ଉତ୍ସବରେ ମୁଖ୍ୟମନ୍ତ୍ରୀ ଅତିଥି ଭାବେ ଯୋଗଦେବେ ।
Kanak News is now on WhatsApp
Join and get latest news updates delivered to you via WhatsApp
ରାଜ୍ୟପାଳ ସମ୍ମିଳିତ ପରେଡ ଅଭିଭାବଦନ ଗ୍ରହଣ କରିବା ସମୟରେ ଜାତୀୟ ଉତ୍ସବରେ ପ୍ରଧାନମନ୍ତ୍ରୀଙ୍କ ଭଳି ମୁଖ୍ୟମନ୍ତ୍ରୀ ଭିଭିଆଇପି ଏନକ୍ଲୋଜରରେ ବସିବେ । ରାଜ୍ୟରେ ସାଧାରଣତନ୍ତ୍ର ଦିବସ ପାଳନ ଜାତୀୟସ୍ତର ଢାଂଚାରେ କରିବା ଲାଗି ସରକାର ଏପରି ନିଷ୍ପତି ନେଇଥିବା ଜଣାପଡ଼ିଛି ।
ସେହିପରି ସଂସଦୀୟ ବ୍ୟାପାର ଓ ଜଙ୍ଗଲ ପରିବେଶ ମନ୍ତ୍ରୀ ବିକ୍ରମ କେଶରୀ ଆରୁଖ ସୁବର୍ଣ୍ଣପୁରରେ ପାତାକା ଉତ୍ତୋଳନ କରିବେ । ଠିକ୍ ସେହିପରି ଖଣି ଓ ଇସ୍ପାତ ମନ୍ତ୍ରୀ ପ୍ରଫୁଲ୍ଲ ମଲ୍ଲିକ ସୁନ୍ଦରଗଡ଼, ମନ୍ତ୍ରୀ ରଣେନ୍ଦ୍ର ପ୍ରତାପ ସ୍ୱାଇଁ ସମ୍ବଲପୁର, ମନ୍ତ୍ରୀ ପଦ୍ମନାଭ ବେହେରା କେନ୍ଦୁଝର, ମନ୍ତ୍ରୀ ପ୍ରତାପ ଜେନା ପୁରୀ , ମନ୍ତ୍ରୀ ଅରୁଣ ସାହୁ ଗଞ୍ଜାମ, ସୁଦାମ ମାର୍ଣ୍ଡି ବାଲେଶ୍ୱର ଭଳି ସ୍ଥାନରେ ପାତାକା ଉତ୍ତୋଳନ କରିବେ ବୋଲି ସରକାରୀସ୍ତରରୁ ବିଜ୍ଞପ୍ତି ଜାରି କରାଯାଇଛି ।