ମଂଚରେ ଫୁଟିଲା ଗୁଳି ! ଗୋଟିଏ କି ୨ଟି ନୁହେଁ, ପ୍ରାୟ ୬ ରାଉଣ୍ଡ ଫାଙ୍କା ଗୁଳି ଚାଳନା କଲେ କଳା ପୋଷାକ ପିନ୍ଧା ଯୁବକ, ଭିଡିଓ ଭାଇରାଲ ପରେ ପୁଲିସର ତନାଘନା
କନକ ବ୍ୟୁରୋ: ମଂଚରେ ଫୁଟିଲା ଗୁଳି ! ଗୋଟିଏ କି ଦୁଇଟି ନୁହେଁ, ପାଖାପାଖି ୬ ରାଉଣ୍ଡ ଫାଙ୍କା ଗୁଳି ଚାଳନା କରାଯାଇଛି । ଆଉ ଏହାର ଭିଡିଓ ସୋସିଆଲ ମିଡିଆରେ ଭାଇରାଲ ହେବା ପରେ ବର୍ତ୍ତମାନ ଘଟଣାଟି ଚର୍ଚ୍ଚାର ବିଷୟ ପାଲଟିଛି । ଗତ କିଛିଦିନ ତଳେ ଟାଉନ ଥାନା ଅଂଚଳରେ ଏକ ସାଂସ୍କୃତିକ କାର୍ଯ୍ୟକ୍ରମ ମଂଚରେ ନାଚ ଗୀତରେ ମସଗୁଲ ଥିଲେ କିଛି ଯୁବକ । ଶହ ଶହ ଦର୍ଶକ କାର୍ଯ୍ୟକ୍ରମକୁ ଉପଭୋଗ କରୁଥିବା ବେଳେ ହଠାତ ଝିଲମିଲ ଆଲୋକରେ ସଂଜ୍ଜିତ ଥିବା ମଂଚରୁ ଗୁଳି ଫୁଟିବାର ଶଦ୍ଦ ସମସ୍ତଙ୍କୁ ସ୍ତବ୍ଧ କରିଦେଇଥିଲା ।
Kanak News is now on WhatsApp
Join and get latest news updates delivered to you via WhatsApp
କିଛି କଳା ପୋଷାକ ପିନ୍ଧା ଯୁବକ ମଂଚ ଉପରେ ନାଚ କରୁଥିବା ବେଳେ ନିଜେ ବନ୍ଧୁକ ଧରି ଫାଙ୍କା ଗୁଳି ଚାଳନା ଘଟଣା ଦେଖଣାହାରୀଙ୍କୁ ଚକିତ କରିଦେଇଥିଲା । କେବଳ ଏତିକି ନୁହେଁ ସର୍ବସମ୍ମୁଖରେ ବିଶୃଂଖଳା ଯୁବକମାନେ ବନ୍ଧୁକ ଧରି ନୃତ୍ୟ କରିବାକୁ ଦେଖିବାକୁ ମିଳିଥିଲା । ତେବେ ସଂପୃକ୍ତ ଘଟଣାର ପୂରା ଦୃଶ୍ୟ ସୋସିଆଲ ମିଡିଆରେ ଭାଇରାଲ ହେବା ପରେ ଏବେ ଏହି ଭିଡିଓଟି ପୁଲିସ ହାତରେ ଲାଗିଛି । ତେବେ ଏହି ଘଟଣାକୁ ଅତି ଗୁରୁତର ସହ ଗ୍ରହଣ କରିଛି ପୁଲିସ ।
ସଂପୃକ୍ତ ଯୁବକମାନେ କିଏ ଏବଂ ସେମାନେ କେଉଁ ପରିସ୍ଥିତିରେ ଗୁଳି ଫୁଟାଇଛନ୍ତି ଏବଂ ସେମାନଙ୍କର ପାଖରେ ଲାଇସେନ୍ସ ଅଛି ନା ନାହିଁ ଓ ସାଂସ୍କୃତିକ କାର୍ଯ୍ୟକ୍ରମ ଆୟୋଜନ ପାଇଁ ଆୟୋଜକ ଅନୁଷ୍ଠାନ ପୋଲିସଠାରୁ ଅନୁମତି ନେଇଥିଲା କି ନାହିଁ ଏସବୁ ଦିଗକୁ ନେଇ ପୋଲିସ୍ ବର୍ତ୍ତମାନ ତଦନ୍ତ ଜାରି ରଖିଥିବା ଜଣାପଡିଛି ।