ଅକ୍ଟୋବର ଗାଇଡଲାଇନରେ ବାଣ ଉପରେ ରୋକ୍ । ବିକ୍ରି ଓ ଫୁଟାଇବା ଉପରେ ଲାଗିଲା କଟକଣା ।
କନକ ବ୍ୟୁରୋ: ପାର୍ବଣ ସମୟରେ ରାଜ୍ୟରେ ଫୁଟି ପାରିବନି ବାଣ । ଜନସ୍ୱାସ୍ଥ୍ୟକୁ ଆଖି ଆଗରେ ରଖି ଅକ୍ଟୋବର ଗାଇଡଲାଇନରେ ଏଭଳି ନିୟମ ଆଣିଛନ୍ତି ରାଜ୍ୟ ସରକାର । ଯେଉଁଥିରେ ପୂଜା ସମୟରେ ବାଣର ବିକ୍ରି ଓ ଫୁଟାଇବା ଉପରେ ସରକାର କଟକଣା ଜାରି ରଖିଛନ୍ତି । ଖାଲି ସେତିକି ନୁହେଁ, ପାର୍ବଣ ସମୟରେ ସତର୍କତା ଅବଲମ୍ବନ କରିବାକୁ ରାଜ୍ୟ ସରକାର ପରାମର୍ଶ ଦେଇଛନ୍ତି । ନଚେତ୍ ରାଜ୍ୟରେ ପୁଣି ସଂକ୍ରମଣ ଉପରମୁହାଁ ହୋଇପାରେ । ଅନ୍ୟପଟେ ଦୂର୍ଗାପୂଜା ସମୟରେ ୧୦ ଦିନ ପାଇଁ ଟୁଇନସିଟିରେ ରାତି ୮ଟାରୁ ନାଇଟ୍ କର୍ଫ୍ୟୁ ଜାରି ରହିବ । ଏହି ୧୦ ଦିନ ରାତି ଦଶଟା ବଦଳରେ ରାତି ୮ଟାରୁ ନାଇଟ୍ କର୍ଫ୍ୟୁ ବଳବତ୍ତର ରହିବ । ତେବେ ଅକ୍ଟୋବର ଗାଇଡଲାଇନରେ ସେପ୍ଟେମ୍ବର ମାସ ଭଳି ପୂର୍ବ ସମସ୍ତ କଟକଣା ଜାରି ରହିବ ବୋଲି ଏସଆରସି ସୂଚନା ଦେଇଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ଅକ୍ଟୋବର ଗାଇଡଲାଇନରେ ବାଣ ଉପରେ ରୋକ୍
ବିକ୍ରି ଓ ଫୁଟାଇବା ଉପରେ ଲାଗିଲା କଟକଣା
ପାର୍ବଣକୁ ଦୃଷ୍ଟିରେ ରଖି ନିଆଗଲା ନିଷ୍ପତ୍ତି#Odisha #KanakNews pic.twitter.com/CzMZB6q95L— Kanak News (@kanak_news) September 30, 2021