କନକ ବ୍ୟୁରୋ : ବନ୍ୟାଘେରରୁ ପ୍ରସୁତି ମହିଳାଙ୍କୁ ଉଦ୍ଧାର । ଚାନ୍ଦବାଲି ବ୍ଲକ ମାଧପୁର ପଂଚାୟତ କଣ୍ଡିଆସାହୀ ଗାଁରୁ ଜଣେ ଗର୍ଭବତୀ ମହିଳାଙ୍କୁ ଦମକଳ ବାହୀନୀ ଉଦ୍ଧାର କରିଛନ୍ତି । ଉଦ୍ଧାର ପରେ ୧୦୨ ଆମ୍ବୁଲାନ୍ସ ଯୋଗେ ଚାନ୍ଦବାଲି ମେଡ଼ିକାଲରେ ଭର୍ତି କରାଯାଇଛି । ମାଧପୁର ପଂଚାୟତ କଣ୍ଡିଆ ସାହୀ ଗାଁର ପ୍ରକାଶ ଦାସଙ୍କ ପତ୍ନୀ ପ୍ରସବ ବେଦନା ହେବା ପରେ ଆଂବୁଲାନ୍ସ ସହିତ ଯୋଗ ଯୋଗ କରିଥିଲେ । ବନ୍ୟା ପାଣି ଘେରରେ ଥିବାରୁ ତାଙ୍କୁ ଉଦ୍ଧାର କରି ଡାକ୍ତରଖାନାକୁ ଆସିବା ସହଜ ନଥିଲା । କାରଣ ମାଧପୁରକୁ ଯୋଗାଯୋଗ ସମ୍ପୁର୍ଣ୍ଣ ବିଚ୍ଛିନ୍ନ ହୋଇପଡ଼ିଛି ।
Kanak News is now on WhatsApp
Join and get latest news updates delivered to you via WhatsApp
ମତୋ ମାଧପୁର ରାସ୍ତାର ୮କିମି ରାସ୍ତା ଉପରେ ଦୁଇ ୩ଫୁଟର ପାଣି ଚାଲୁଥିବା ବଳେ ଗାଁ ରାସ୍ତାରେ ୮ ଫୁଟରେ ପାଣି ଚାଲୁଛି । ଅକାତ କାତ ପାଣିରେ ପାର ହୋଇ ମେଡ଼ିକାଲ ନେବାକୁ ସାହାସ ଜୁଟାଇପାରୁ ନଥିଲେ ପରିବାର ଲୋକେ । ଦମକଳ ବିଭାଗ ଖବର ପାଇ ଦେବଦୂତଭଳି ପହଁଚି ଥିଲା । ଦୀର୍ଘ ୮ କିମି ଜଳରାଶି ଅତିକ୍ରମ କରି ଗର୍ଭବତୀ ମହିଳାଙ୍କୁ ପହଁଚାଇଦେଇଥିଲା ଡାକ୍ତରଖାନାରେ । ଉଦ୍ଧାର ପରେ ପ୍ରଥମେ ମୂଖ୍ୟ ରାସ୍ତାକୁ ଅଣାଯାଇଥିଲା । ସେଠାରେ ଅପେକ୍ଷା କରିରହିଥିବା ୧୦୨ ଆମ୍ବୁଲାନ୍ସ ଯୋଗେ ଚାନ୍ଦବାଲି ମେଡ଼ିକାଲକୁ ନିଆଯାଇଥିଲା ।