ପ୍ରଧାନମନ୍ତ୍ରୀ କାର୍ଯ୍ୟାଳୟରେ ଅଗ୍ନିକାଣ୍ଡ ! ୨୪୨ ନମ୍ବର ରୁମରେ ଏସିରୁ ନିଆଁ ଲାଗିଥିବା ସନ୍ଦେହ, ନିଆଁକୁ ଆୟତ କଲା ୧୦ ଦମକଳ ଗାଡି
କନକ ବ୍ୟୁରୋ: ପିଏମଓରେ ନିଆଁ । ପ୍ରଧାନମନ୍ତ୍ରୀଙ୍କ କାର୍ଯ୍ୟାଳୟର ଦ୍ୱିତୀୟ ମହଲାରେ ଥିବା ୨୪୨ନମ୍ବର କୋଠାରେ ଆଜି ଭୋରରୁ ନିଆଁ ଲାଗିଯାଇଥିଲା । ତେବେ ଦମକଳ ବାହୀନି ଘଟଣାସ୍ଥଳରେ ପହଂଚି ନିଆଁକୁ ଆୟତ କରିଛି । ୨୪୨ନମ୍ବର ରୁମରେ ଥିବା ଏସିରୁ ନିଆଁ ଲାଗିଥିବା ସନ୍ଦେହ କରାଯାଉଛି ।
Kanak News is now on WhatsApp
Join and get latest news updates delivered to you via WhatsApp
ସୁରକ୍ଷା ଦାୟିତ୍ୱରେ ଥିବା ଏସପିଜି ଖବର ଦେବା ପରେ ଦମକଳ ବାହୀନି ଘଟଣାସ୍ଥଳରେ ପହଂଚି ନିଆଁକୁ ଆୟତ କରିଛି । ଅଗ୍ନିକାଣ୍ଡ ଦ୍ୱାରା ପିଏମଓର କୌଣସି ଗୁରୁତ୍ୱପୂର୍ଣ୍ଣ କାଗଜପତ୍ରରେ ନିଆଁ ଲାଗିଛି କି ନାଇଁ ତାହା ଯାଂଚ ପରେ ଜଣାପଡିବ । ତେବେ ପ୍ରାୟ ୧ଘଂଟା ପରେ ଅଗ୍ନିଶମ ବିଭାଗର ୧୦ଟି ଗାଡି ନିଆଁକୁ ଆୟତ କରିଥିଲା । କଡା ସୁରକ୍ଷା ମଧ୍ୟରେ ଥିବା ପ୍ରଧାନମନ୍ତ୍ରୀ କାର୍ଯ୍ୟାଳୟରେ ନିଆଁ ଲାଗିବାର କାରଣ ସ୍ପଷ୍ଟ ହୋଇନାହିଁ ।