କନକ ବ୍ୟୁରୋ : ଦିଲ୍ଲୀରେ ଅସହ୍ୟ ଗରମ ଭିତରେ ନିଆଁ ଲାଗିବା ଘଟଣା ଏବେ ସାଧାରଣ ହୋଇଯାଇଛି । ଆଜି କେନ୍ଦ୍ରୀୟ ସଚିବାଳୟ ସ୍ଥିତ ନର୍ଥ ବ୍ଲକରେ ଥିବା ଗୃହମନ୍ତ୍ରଣାଳୟର କୋଠାରେ ନିଆଁ ଲାଗିଛି । ମଙ୍ଗଳବାର ସକାଳେ ଗୃହମନ୍ତ୍ରଣାଳୟର ଦ୍ୱିତୀୟ ମହଲାରେ ନିଆଁ ଲାଗିଯାଇଥିଲା । ଖବର ପାଇଁ ଅଗ୍ନିସମ ବିଭା ଘଟଣା ସ୍ଥଳରେ ପହଂଚି ନିଆଁକୁ ଆୟତ କରିଛି ।
Kanak News is now on WhatsApp
Join and get latest news updates delivered to you via WhatsApp
ଅଗ୍ନିସମ ବିଭାଗର ଜଣେ ଅଧିକାରୀଙ୍କ କହିବା ମୁତାବକ ଏହି ଅଗ୍ନିକାଣ୍ଡରେ କାହାରି ମୃତ୍ୟୁ ହୋଇନାହିଁ କି କେହି ଆହାତ ହୋଇନାହାଁନ୍ତି । ଏକ ଜାତୀୟ ଗଣମାଧ୍ୟମର ସୂଚନା ମୁତାବକ ଅଗ୍ନିକାଣ୍ଡ ଖବର ପାଇବା ପରେ ଅଗ୍ନିସମ ବିଭାଗ ଘଟଣା ସ୍ଥଳରେ ପହଂଚି ସକାଳ ୯.୩୫ ମିନିଟ୍ ସୁଦ୍ଧା ନିଆଁକୁ ଆୟତ କରିଥିଲା । ଜଣେ ଅଧିକାରୀଙ୍କ କହିବା ମୁତାବକ ଏହି ଅଗ୍ନିକାଣ୍ଡରେ ଅଫିସରେ ଥିବା ଜେରକ୍ସ ମେସିନ, କିଛି କମ୍ପ୍ୟୁଟର ଓ କିଛି ଦସ୍ତାବିଜ ଜଳି ପାଉଁଶ ହୋଇଯାଇଛି । ଏସିରୁ ସର୍ଟ ସର୍କିଟ ହୋଇ ନିଆଁ ଲାଗିଥିବା କୁହାଯାଉଛି ।