ଚିନ୍ତା ବଢାଉଛି ଜଙ୍ଗଲ ନିଆଁ : ସମ୍ବଲପୁରରେ ଜଳୁଛି ବୁଢାରଜା ପାହାଡ
କନକ ବ୍ୟୁରୋ : ସମ୍ବଲପୁର ବୁଢ଼ାରଜା ପାହାଡ଼ରେ ଲାଗିଲା ନିଆଁ । ସମ୍ବଲପୁର ସହର ମଝିରେ ଥିବା ଐତିହାସିକ ବୁଢ଼ାରଜା ପାହାଡ଼ରେ ବାରମ୍ବାର ନିଆଁ ଲାଗିବାକୁ ନେଇ ବନ ବିଭାଗର କାର୍ଯ୍ୟଦକ୍ଷତାକୁ ନେଇ ପ୍ରଶ୍ନ ଉଠାଇଛନ୍ତି ସହରବାସୀ । ବୁଢ଼ାରଜା ପାହାଡ଼ର ପଛ ପଟେ ଥିବା ଭୀମଭୋଇ ପାର୍କ ସାମ୍ନାରେ ଏହି ନିଆଁ ଲାଗିଛି ।
Kanak News is now on WhatsApp
Join and get latest news updates delivered to you via WhatsApp
ତେବେ ସେହି ଅଂଚଳରେ ବନ୍ୟଜନ୍ତୁ ଥିବା କାରଣରୁ ସେମାନଙ୍କ ଜୀବନ ପ୍ରତି ବିପଦ ସୃଷ୍ଟି ହେବାର ଆଶଙ୍କା ପ୍ରକାଶ ପାଇଛି । ବୁଢ଼ାରଜା ପାହାଡ଼ରେ ଲାଗିଥିବା ନିଆଁକୁ ଆୟତ କରିବା ପାଇଁ ସହରବାସୀ ଦାବି ଉଠାଇଥିବା ବେଳେ ଏଦିଗରେ କାର୍ଯ୍ୟାନୁଷ୍ଠାନ ନିଆଯିବ ବୋଲି ବିଭାଗ ପକ୍ଷରୁ କୁହାଯାଇଛି ।
ସେହିପରି କିଛି ଲୋକଙ୍କ ଅସାବଧାନତା ଯୋଗୁଁ ନିଆଁ ଲାଗିଥାଇପାରେ ବୋଲି ବନ ବିଭାଗ ପକ୍ଷରୁ କୁହାଯାଇଛି । ତେଣୁ ଆଜିଠାରୁ ବୁଢ଼ାରଜା ପାହାଡ଼ ଅଂଚଳରେ କଡ଼ାକଡ଼ି ଭାବେ ପାଟ୍ରୋଲିଂ କରାଯିବ ବୋଲି ବିଭାଗ ପକ୍ଷରୁ ସୂଚନା ଦିଆଯାଇଛି ।