ଅଶ୍ଳୀଳ ଗୀତ ପାଇଁ ଭୁଲ ମାଗିଲେ ଦୁଲେ ରାପର : କହିଲେ ସାଙ୍ଗ ସାଥୀରେ ଭୁଲରେ ହୋଇଯାଇଥିଲା ପୋଷ୍ଟ
ସୋସିଆଲ୍ ମିଡିଆରେ ଭାଇରାଲ ପରେ ଥାନାରେ ହୋଇଥିଲା ଏତଲା; ଭୁଲ୍ ମାଗିଲେ ଦୁଲେ, କହିଲେ ଆଉ ହେବ ନାହିଁ ଏପରି ତ୍ରୁଟି
କନକ ବ୍ୟୁରୋ : ବିବାଦ ଘେରରେ ଦୁଲେ ରାପର । ଅଶ୍ଳୀଳ ଗୀତ ଗାଇବାକୁ ନେଇ ଏବେ ବିବାଦ ଘେରରେ ଫସିଛନ୍ତି ଦୁଲେ । ଏହାକୁ ନେଇ ଭବାନୀପାଟଣା ଥାନାରେ ମାମଲା ପରେ , ଭୁଲ ମାନିବା ସହ କ୍ଷମା ମାଗିଛନ୍ତି ଦୁଲେ ରାପର । ଦୁଲେଙ୍କ ଗୋଟିଏ ଗୀତ ଏବେ ବେଶ୍ ଭାଇରାଲ ହେଉଛି । ଏହା ମଧ୍ୟରେ କିଛି ଅପଶବ୍ଦ ବ୍ୟବହାର ହୋଇଥିବା ଦେଖିବାକୁ ମିଳିବା ପରେ ଏହାକୁ ନେଇ ଥାନାରେ ଏତଲା ହୋଇଥିଲା ।
Kanak News is now on WhatsApp
Join and get latest news updates delivered to you via WhatsApp
ଏହି ଘଟଣା ନେଇ ଜାଣିବା ପରେ ପଶ୍ଚାତାପ କରିବା ସହ କ୍ଷମା ପ୍ରାର୍ଥନା କରିଛନ୍ତି ଦୁଲେ ରାପର । ସୋସିଆଲ୍ ମିଡିଆରେ ଦୁଲେଙ୍କ ଅପଶବ୍ଦ ଥିବା ଗୀତ ଭାଇରାଲ ହେବାକୁ ନେଇ ଦୁଲେ କହିଛନ୍ତି , ସାଙ୍ଗସାଥୀରେ ଗୀତ କରିବା ସମୟରେ କେହି ଅପଲୋଡ୍ କରିଦେଇଥିଲେ । ପରେ ଏପରି ସ୍ଥିତି ହୋଇଛି । ପୁରା ଘଟଣା ପାଇଁ ସେ ମର୍ମାହତ ଓ ଦୁଃଖ କରିବା ସହ ଭୁଲ ମାଗିଛନ୍ତି ।