ମୋତ ଯେତେ ମାଠିବୁ ମାଠ ମୁଁ ସେଇ ଦରପୋଡା କାଠ: ଯେତେ କଟକଣା ହେଲେ ବି ମାନୁନାହାନ୍ତି ଅମାନିଆ; ମାସ୍କ ନପିନ୍ଧି ବାହାରେ ବୁଲୁଥିବା ୪୦ ଜଣଙ୍କଠାରୁ ୮ ହଜାର ଟଙ୍କା ଆଦାୟ କଲା ପୁଲିସ୍
କନକ ବ୍ୟୁରୋ: ମାସ୍କ ନପିନ୍ଧି, ଗଣିଲେ ତଣ୍ଡ । ମାସ୍କ ନ ପିନ୍ଧି ବାହାରକୁ ବାହାରିଥିବା କାରଣରୁ ୪୦ ଜଣ ବ୍ୟକ୍ତିଙ୍କୁ ଦେବାକୁ ପଡିଛି ଜରିମାନା । ତେବେ ଉତ୍ତର ଭୁବନେଶ୍ୱର ଅଂଚଳରୁ ଏହି ସମସ୍ତ ଉଲ୍ଲଂଖନକାରୀଙ୍କଠାରୁ ୮ ହଜାର ଟଙ୍କା ଜରିମାନା ଆଦାୟ କରିଛି କମିଶନରେଟ୍ ପୁଲିସ୍ । ବାହାରକୁ ବାହାରିଲେ ମାସ୍କ ପିନ୍ଧିବାକୁ ବାଧ୍ୟ । କରୋନା ମୁକାବିଲା ପାଇଁ ରାଜ୍ୟବ୍ୟାପୀ ତାଲାବନ୍ଦ କଟକଣା କଡାକଡି କରାଯିବା ସହ ଆବଶ୍ୟକ ନପଡିଲେ ଘରୁ ନବାରିବାକୁ ପରାମର୍ଶ ଦିଆଯାଇଛି ।
Kanak News is now on WhatsApp
Join and get latest news updates delivered to you via WhatsApp
ଏପରିକି ଯଦି କୌଣସି ବ୍ୟକ୍ତି ମାସ୍କ ନପିନ୍ଧି ବାହାରକୁ ବାହାରିଥିବାର ନଜରକୁ ଆସନ୍ତି ତେବେ ତାଙ୍କଠାରୁ ଜରିମାନା ଆଦାୟ କରାଯିବ ବୋଲି ସରକାରଙ୍କ ତରଫରୁ ନିର୍ଦ୍ଦେଶ ଦିଆଯାଇଛି । ହେଲେ ଏସବୁକୁ ଶୁଣୁନାହାନ୍ତି ଅମାନିଆ । ଯେତେ କଟକଣା ହେଲେ ବି ଅମାନିଆଙ୍କୁ ଫରକ ପଡ଼ୁନି । ସବୁ କାଇଦା କଟକଣାକୁ ଫୁ’ କରି ବିନା ମାସ୍କରେ ବାହାରେ ବୁଲୁଛନ୍ତି ଲୋକେ । ଆଉ ମାସ୍କ ପିନ୍ଧି ନଥିବା ଏଭଳି ୪୦ ଜଣଙ୍କଠାରୁ ଧରି ସେମାନଙ୍କଠାରୁ ୮ ହଜାର ଟଙ୍କାର ଫାଇନ ଆଦାୟ କରିଛି ପୁଲିସ୍ ।