ଅର୍ଥମନ୍ତ୍ରୀଙ୍କ ଦୀପାବଳୀ ଭେଟି, କେନ୍ଦ୍ରୀୟ କର୍ମଚାରୀଙ୍କ ପାଇଁ ଏଲଟିସି ଯୋଜନା, ରାଜ୍ୟ ମାନଙ୍କୁ ବି ବଡ ଉପହାର
ଅର୍ଥମନ୍ତ୍ରୀଙ୍କ ଦୀପାବଳୀ ଭେଟି
କନକ ବ୍ୟୁରୋ : ଆର୍ଥିକ କାରବାରକୁ ନେଇ କେନ୍ଦ୍ର ଅର୍ଥମନ୍ତ୍ରୀ ନିର୍ମଳା ସୀଥାରମଣ ଏକ ସାମ୍ବାଦିକ ସମ୍ମିଳନୀ କରିଛନ୍ତି । ଏହି ସମ୍ମିଳନୀରେ ସେ ଅନେକ କଥା ଘୋଷଣା କରିଥିବା ବେଳେ ଜିଏସଟି କାଉଁସିଲ ବୈଠକ ଅପରାହ୍ନ ୪ ଟାରୁ ସଂନ୍ଧ୍ୟା ୬ ଟା ଯାଏ ଅନୁଷ୍ଟିତ ହେବ ବୋଲି କହିଛନ୍ତି । ସେ କହିଥିଲେ କି ଆର୍ଥିକ କାରବାରକୁ ନେଇ ହେଉଥିବା ଦାବି ପାଇଁ ଏହି ପ୍ରସ୍ତାବ ବିଶେଷ ଭାବେ ପ୍ରସ୍ତୁତ କରାଯାଇଛି । ଏହା ମଧ୍ୟ ଖର୍ଚ୍ଚ ବୃଦ୍ଧି ପାଇଁ ପଦକ୍ଷେପ ନେବ ।
ଏହା ବ୍ୟତିତ ଅନ୍ୟ ଏକ ଘୋଷଣା କରି ସେ କହିଛନ୍ତି କି ଜିଡିପି ବୃଦ୍ଧି ପାଇଁ ପୟାସ କରାଯାଉଛି । କୋଭିଡ-୧୯ ପାଇଁ ଦେଶରେ ଅର୍ଥ ବ୍ୟବସ୍ଥାରେ ମାନ୍ଦା ଅବସ୍ଥା ରହିଛି । ଯେଉଁଥି ପାଇଁ ଆତ୍ମନିର୍ଭର ଭାରତ ଯୋଜନାରେ ଗରିବ ଓ ଦୁର୍ବଳ ଶ୍ରେଣୀର ଲୋକଙ୍କ ପାଇଁ ସ୍ୱତନ୍ତ୍ର ବ୍ୟବସ୍ଥା କରାଯାଇଛି । ଯୋଗାଣ ଉପରେ ଚାପ ଏବେ ହ୍ରାସ ପାଇଛି କିନ୍ତ୍ୁ ଚାହିଦା ଏବେ ବି ପ୍ରଭାବିତ ହୋଇଛି । ଉପଭୋକ୍ତାଙ୍କ ଖର୍ଚ୍ଚ ବୃଦ୍ଧି କରିବାକୂୁ ସରକାର ୨ ଟି ଯୋଜନା ଘୋଷଣା କରିଛନ୍ତି । ଏଲଟିିସି କ୍ୟାସ୍ ଭାଉଚର ଯୋଜନା ଓ ଦ୍ୱିତୀୟଟି ସ୍ୱତନ୍ତ୍ର ପର୍ବ ଆଡଭାନ୍ସ ସ୍କିମ୍ ।
Kanak News is now on WhatsApp
Join and get latest news updates delivered to you via WhatsApp
ଏଲଟିିସି କ୍ୟାସ୍ ଭାଉଚର ଯୋଜନା
ଉପଭୋକ୍ତାଙ୍କ ଖର୍ଚ୍ଚବୃଦ୍ଧି ପାଇଁ ଏଲଟିସି ଅଧିନରେ ଏକ ନଗଦ ଭାଉଚର ଯୋଜନା ଘୋଷଣା କରିଛନ୍ତି ଅର୍ଥମନ୍ତ୍ରୀ । କେନ୍ଦ୍ରସରକାରଙ୍କ ଅଧିନରେ କାମ କରୁଥିବା କର୍ମଚାରୀ ମାନେ ଛୁଟି ସମୟରେ ବିଭିନ୍ନ ସ୍ଥାନକୁ ଯାତ୍ରା କରିବା ବେଳେ ସେମାନଙ୍କୁ ସ୍ୱତନ୍ତ୍ର ରିହାତି ମିଳିବ । ଏହା ଅଧିନରେ କେନ୍ଦ୍ରସରକାରଙ୍କ କର୍ମଚାରୀ ମାନଙ୍କୁ ୪ ବର୍ଷରେ ଥରେ ଏଲଟିସିର ଲାଭ ପ୍ରଦାନ କରାଯିବ । ଭାରତର ଯେକୌଣସି ସ୍ଥାନକୁ ଭ୍ରମଣ କରିବା ଓ କୌଣସି ସହରରେ ଛୁଟି କଟାଇବାକୁ ସେମାନଙ୍କୁ ଏକ ଏଲଟିସି ପ୍ରଦାନ କରାଯିବ । ଯଦି କର୍ମଚାରୀ ଜଣକ ଭାରତର କୌଣସି ସ୍ଥାନକୁ ବୁଲିବାକୁ ନଯାଆନ୍ତି ତେବେ ନିକଟତମ ସହର ପରିଭ୍ରମଣ କରିବାକୁ ତାଙ୍କୁ ବାର୍ଷିକ ୨ ଟି ଏଲଟିସି ମିଳିବ ବୋଲି ଘୋଷଣା କରାଯାଇଛି । କର୍ମଚାରୀଙ୍କ ସ୍କେଲ ଓ ପଦ ମୁତାବକ ତାଙ୍କୁ ଏହି ଯୋଜନା ମାଧ୍ୟମରେ ଉଡାଜାହଜ ବା ଟ୍ରେନ ଯାତ୍ରା ପାଇଁ ସୁବିଧା ଦିଆଯିବ । ଏହା ବ୍ୟତିତ ୧୦ ଦିନ ଛୁଟି (ଦରମା ଓ ଡିଏ ସହିତ) ବ୍ୟବସ୍ଥା କରାଯିବ । ଏହି ଯୋଜନା ପାଇଁ କେନ୍ଦ୍ରସରକାରଙ୍କ ଉପରେ ୫ ହଜାର ୬୭୫ କୋଟିର ଅଧିକ ଆର୍ଥିକ ବୋଝ ବହନ କରିବାକୁ ପଡିବ ।
କେନ୍ଦ୍ରୀୟ କର୍ମଚାରୀଙ୍କ ପାଇଁ ବିନା ସୁଧରେ ୧୦ ହଜାର ଟଙ୍କା ଋଣ
ଅର୍ଥମନ୍ତ୍ରୀ ଘକ୍ଟଦ୍ଭ ଏବଚ୍ଛରଗ୍ଧଗ୍ଧରୟ ଋଜ୍ଞକ୍ଟ୍ରକ୍ଷକ୍ଟଚ୍ଚରରଗ୍ଦ ମାନଙ୍କ ପାଇଁ ସ୍ୱତନ୍ତ୍ର ପର୍ବ ଆଡଭାନ୍ସ ସ୍କିମ୍ ବି ଘୋଷଣା କରିଛନ୍ତି । ଏହି ଲାଭ ସେମାନଙ୍କୁ ମାତ୍ର ଗୋଟିଏ ଥର ମିଳିବ । ଏହି ଯୋଜନା ମାଧ୍ୟମରେ ସେମାନେ ବିନା ସୁଧରେ ୧୦ ହଜାର ଟଙ୍କା ଯାଏ ଋଣ ପାଇପାରିବେ । ଏହାକୁ ୩୧ ମାର୍ଚ୍ଚ ୨୦୨୧ ପୂର୍ବରୁ ଖର୍ଚ୍ଚ କରିବାକୁ ପଡିବ ।
ରାଜ୍ୟଗୁଡିକୁ ୧୨ ହଜାର କୋଟି ଟଙ୍କାର ସୁଧମୁକ୍ତ ସ୍ୱତନ୍ତ୍ର ଋଣ ଅଫର
କେବଳ କେନ୍ଦ୍ରୀୟ କର୍ମଚାରୀ ନୁହନ୍ତି । ରାଜ୍ୟମାନଙ୍କ ପାଇଁ ବି ଅର୍ଥମନ୍ତ୍ରୀ ଏକ ବଡ ପ୍ୟାକେଜ୍ ଘୋଷଣା କରିଛନ୍ତି । ଯାହା ମଧ୍ୟରେ ରାଜ୍ୟମାନେ ୫୦ ବର୍ଷ ପାଇଁ ବିନା ସୁଧରେ ୧୨ ହଜାର କୋଟି ଟଙ୍କାର ଋଣ ନେଇପାରିବେ । ଅର୍ଥମନ୍ତ୍ରୀ କହିଛନ୍ତି କି ଉତ୍ତର-ପୂର୍ବାଞ୍ଚଳ ରାଜ୍ୟ ମାନଙ୍କ ପାଇଁ ପ୍ରଥମ ଭାଗ ଭାବେ ୧୬ ଶହ କୋଟି ଟଙ୍କା ଓ ହିମାଚଳ ପ୍ରଦେଶ ଓ ଉତ୍ତରାଖଣ୍ଡ ପାଇଁ ୯ ଶହ କୋଟି ଟଙ୍କାର ପ୍ରସ୍ତାବ ରଖା ଯାଇଛି । ଏହା ବ୍ୟତିତ ଦ୍ୱିତୀୟ ଭାଗରେ ଅନ୍ୟରାଜ୍ୟ ମାନଙ୍କୁ ବିଶେଷ ଭାବେ ୭ ହଜାର ୫ ଶହ କୋଟି ଟଙ୍କାର ସ୍ୱତନ୍ତ୍ର ଋଣ ଦେବାକୁ ବ୍ୟବସ୍ଥା ହୋଇଛି । ଅର୍ଥ ଆୟୋଗର ସଂକଳ୍ପ ଆଧାରରେ କେଉଁ ରାଜ୍ୟକୁ କେତେ ଋଣ ଦିଆଯିବ ତାହା ନିର୍ଣ୍ଣୟ କରାଯିବ । ଏହା ସହ ତୃତୀୟ ଭାଗରେ ଆତ୍ମନିର୍ଭର ଭାରତ ପ୍ୟାକେଜର ୪ ଟି ସଂସ୍କାର ମଧ୍ୟରୁ ଯେଉଁ ରାଜ୍ୟମାନେ ସର୍ବନିମ୍ନ ୩ ଟି ସଂସ୍କାର ପୁରଣ କରୁଥିବେ ସେମାନଙ୍କୁ ୨ ହଜାର କୋଟି ଟଙ୍କାର ଋଣ ଦିଆଯିବ ।
ଅର୍ଥମନ୍ତ୍ରୀ କହିଛନ୍ତି କି ଭିର୍ତ୍ତିଭୂମି ଓ ସଂପତ୍ତି ସୃଷ୍ଟି କରୁଥିବା ଖର୍ଚ୍ଚ ଅର୍ଥ ବୃବସ୍ଥା ଉପରେ ବହୁତ ପ୍ରଭାବ ପକାଇଛି । ଏହା କେବଳ ବର୍ତମାନର ଜିଡିପିକୂୁ ସମର୍ଥନ କରୁନାହିଁ ବରଂ ଭବିଷ୍ୟତର ଜିଡିପି ଉପରେ ମଧ୍ୟ ଗୁରୁତ୍ୱାରୋପ କରୁଛି । ଏହାକୁ ଦୃଷ୍ଟିରେ ରଖି ଆମେ ରାଜ୍ୟ ଓ କେନ୍ଦ୍ରର ପୁଞ୍ଜି ଖର୍ଚ୍ଚ ଉପରେ ଗୁରୁତ୍ୱ ଦେବୁ ବୋଲି ସେ କହିଛନ୍ତି । ସେ କହିଥିଲେ କି ସଡକ, ପ୍ରତିରକ୍ଷା, ଜଳ ଯୋଗାଣ, ସହରୀ ବିକାଶ ଓ ଘରୋଇ ଉତ୍ପାଦନ ପାଇଁ ପୁଞ୍ଜି ଖର୍ଚ୍ଚ ରୂପରେ ୪.୧୩ ଲକ୍ଷ କୋଟି ଟଙ୍କା ୨୦୨୦ ବଜେଟ୍ ରେ ଦିଆଯିବ ।