ଆରମ୍ଭ ହେଲା ୨୦୨୧-୨୨ର ସାଧାରଣ ବଜେଟ । ସଂସଦରେ ତୃତୀୟ ଥର ପାଇଁ ବଜେଟ୍ ଉପସ୍ଥାପନ କରୁଛନ୍ତି ଅର୍ଥମନ୍ତ୍ରୀ ନିର୍ମଳା ସୀତାରମଣ ।
କରୋନା ପରବର୍ତ୍ତୀ ବଜେଟକୁ ଅନାଇ ରହିଛି ସାରାଦେଶ
କନକ ବ୍ୟୁରୋ: ଅପେକ୍ଷାର ହେଲା ଅନ୍ତ । ସଂସଦରେ ଉପସ୍ଥାପିତ ହେଲା କରୋନା କାଳର ପ୍ରଥମ ବଜେଟ୍ । ନିର୍ଦ୍ଧାରିତ ସମୟରେ ପବିତ୍ର ସଂସଦ ଭବନରେ ୨୦୨୧-୨୨ର ଆର୍ଥିକ ବର୍ଷ ପାଇଁ ବଜେଟ୍ ଉପସ୍ଥାପନ କରୁଛନ୍ତି କେନ୍ଦ୍ର ଅର୍ଥମନ୍ତ୍ରୀ ନିର୍ମଳା ସୀତାରମଣ । ତେବେ ଏହା ତାଙ୍କର ତୃତୀୟ ବଜେଟ୍ । ସ୍ୱାଧୀନ ଭାରତର ପ୍ରଥମ ପୂର୍ଣ୍ଣକାଳୀନ ମହିଳା ଅର୍ଥମନ୍ତ୍ରୀ ନିର୍ମଳା ସୀତାରମଣ ।
Kanak News is now on WhatsApp
Join and get latest news updates delivered to you via WhatsApp
ତେବେ ସଂସଦରେ ସାଧାରଣ ବଜେଟ୍ ଉପସ୍ଥାପନ କରିବା ସମୟରେ କେନ୍ଦ୍ର ଅର୍ଥମନ୍ତ୍ରୀ ନିର୍ମଳା ସୀତାରମଣ ନିଜ ଅଭିଭାଷଣରେ କହିଛନ୍ତି କି, ଗତବର୍ଷ କରୋନା ମହାମାରୀ ଭଳି ସଂକଟ ଦେଇ ଦେଶ କରିଥିଲା । ଏଭଳି ପରିସ୍ଥିତିରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ତରଫରୁ ଗରିବ ଲୋକଙ୍କୁ ଇନ୍ଧନ ଗ୍ୟାସ, ମାଗଣା ରାସନ ସାମଗ୍ରୀ ଇତ୍ୟାଦି ଯୋଗାଇ ଦିଆଯାଇଥିଲା । ଅର୍ଥମନ୍ତ୍ରୀ ଆହୁରୀ ମଧ୍ୟ କହିଛନ୍ତି କି, ଦେଶର ପ୍ରଧାନମନ୍ତ୍ରୀ ମୋଦି ଏଭଳି ଏକ ଘଡିସନ୍ଧି ମୁହୂର୍ତ୍ତରେ ଆତ୍ମନିର୍ଭର ଭାରତ ପ୍ୟାକେଜ ଏବଂ ଅନେକ ଜନ କଲ୍ୟାଣ ଯୋଜନା ମାନ କାର୍ଯ୍ୟକାରୀ କରିଥିଲେ । ଯାହା ଦ୍ୱାରାକି ଦେଶର ଅର୍ଥିକ ସ୍ଥିତିକୁ ସୁଦୃଢ କରିବାରେ ସହାୟକ ହୋଇଥିଲା । ତେବେ କେନ୍ଦ୍ର ସରକାରଙ୍କ ଆତ୍ମନିର୍ଭର ଭାରତ ପ୍ୟାକେଜରେ ମୋଟ ୧୭.୧ ଲକ୍ଷ କୋଟି ଟଙ୍କା ଆର୍ଥିକ ସହାୟତା ଯୋଗାଇଦିଆଯାଇଥିଲା । ଯାହାକି ମିନି ବଜେଟର ସମାନ ଥିଲା ।
୨୦୧୯ରେ ନିଜର ପ୍ରଥମ ବଜେଟ ଉପସ୍ଥାପନ ବେଳେ ପାରମ୍ପରିକ ଚମଡାର ବଜେଟ୍ ବ୍ରିଫକେସକୁ ପରିବର୍ତ୍ତନ କରି ନାଲି କପଡାରେ ଗୁଡା ବହି-ଖାତା ଆକାରରେ ବଜେଟ୍ ଉପସ୍ଥାନ କରିଥିଲେ । ଏଥର କିନ୍ତୁ ପେପରଲେସ ବଜେଟ ଉପସ୍ଥାପନ ହୋଇଛି । ବଜେଟ୍ ଆସିବା ଆଗରୁ ନିର୍ମଳା କହିଥିଲେ କି, ୧୦୦ ବର୍ଷରେ ପ୍ରଥମଥର ପାଇଁ ବଜେଟ୍ ଭିନ୍ନ ହେବାକୁ ଯାଉଛି । ଏହା କେବଳ ବର୍ଷକର ଆୟ- ବ୍ୟୟର ହିସାବ ହେବନାହିଁ । ବରଂ କରୋନା ମହାମାରୀ କାରଣରୁ ଧ୍ୱସ୍ତ ହୋଇପଡିଥିବା ଦେଶର ଅର୍ଥ ବ୍ୟବସ୍ଥାକୁ ପୁଣିଥରେ ଦ୍ରୁତ ବିକାଶ ପଥରେ ଆଗେଇ ନେବାପାଇଁ ପ୍ରୟାସର ଆରମ୍ଭ ହେବ ।