ଜିଏସଟି କାଉଁସିଲ ବୈଠକରେ ନିଷ୍ପତ୍ତି , ବ୍ଲାକ ଫଙ୍ଗସ୍ ଔଷଧ ଉପରେ ଟ୍ୟାକ୍ସ ଛାଡ, କରୋନା ଟିକା ଉପରେ ଜାରି ରହିଲା ୫ ପ୍ରତିଶତ ଟ୍ୟାକ୍ସ, ଅକ୍ସିଜେନ ହେଲା ଶସ୍ତା
କନକ ବ୍ୟୁରୋ : କରୋନା ସହ ଜଡିତ ସାମଗ୍ରୀ ଉପରେ ମନ୍ତ୍ରୀ ସମୁହ କରିଥିବା ସୁପାରିଶକୁ ଆଜି ଜିଏସଟି କାଉଁସିଲ ସ୍ୱୀକାର କରିଛି । ଅର୍ଥମନ୍ତ୍ରୀ ନିର୍ମଳା ସୀତାରମଣଙ୍କ ଅଧ୍ୟକ୍ଷତାରେ ବସିଥିବା ଜିଏସଟି କାଉଁସିଲ ବୈଠକରେ ବ୍ଲାକ ଫଙ୍ଗସ୍ ଔଷଧକୁ ଟ୍ୟାକ୍ସମୁକ୍ତ କରାଯାଇଥିବା ବେଳେ କରୋନା ଟିକା ଉପରେ ପୂର୍ବରୁ ଥିବା ୫ ପ୍ରତିଶତ ଟ୍ୟାକ୍ସକୁ ବଳବତ୍ତର ରଖା ଯାଇଛି । ଏହାସହ କରୋନା ସହିତ ଜଡିତ ଅନ୍ୟକିଛି ସାମଗ୍ରୀ ଉପରେ ଟ୍ୟାକ୍ସ ହ୍ରାସ କରାଯାଇଥିବା ସୂଚନା ମିଳିଛି ।
Kanak News is now on WhatsApp
Join and get latest news updates delivered to you via WhatsApp
ଜିଏସଟି କାଉଁସିଲ କରୋନା ସହିତ ଜଡିତ ଯେଉଁ ସାମଗ୍ରୀ ଗୁଡିକ ଉପରେ ଟ୍ୟାକ୍ସ ହ୍ରାସ କରିଛି ତାହା ମଧ୍ୟରେ ରହିଛି ମେଡିକାଲ ଗ୍ରେଡ ଅକ୍ସିଜେନ, ଅକ୍ସିଜେନ କନସେଂଟ୍ରେଟର,ଭେଣ୍ଟିଲେଟର, ବାଇପେପ୍ ମେସିନ, ହାଇ ଫ୍ଲୁ ନଜାଲ ଫୁଲଣା ଓ କୋଭିଡ୍ ଟେଷ୍ଟିଂ କିଟ୍ । ଜିଏସଟି କାଉଁସିଲ ଏହିସବୁ ସାମଗ୍ରୀ ଉପରେ ଲାଗୁ ହୋଇଥିବା ୧୨ ପ୍ରତିଶତ ଟ୍ୟାକ୍ସକୁ ହ୍ରାସ କରି ୫ ପ୍ରତିଶତ କରିଛନ୍ତି ।
जहां एक तरफ मोदी सरकार ने 18 साल से अधिक उम्र के सभी लोगों को कोविड वैक्सीन फ्री में देने का प्रावधान किया गया। दवाइयों पर GST को 12% से घटाकर 5% तक कर दिया गया। कोविड से लड़ाई में रिलीफ मटेरियल पर भी GST 5% किया गया है: केंद्रीय वित्त राज्य मंत्री अनुराग ठाकुर pic.twitter.com/sN22q5I3XQ
— ANI_HindiNews (@AHindinews) June 12, 2021
ଜିଏସଟି ବ୍ୟବସ୍ଥାରେ ବାହନ ଆଇଟମ୍ ଉପରେ ୨୮ ପ୍ରତିଶତ କର ଲାଗୁ ରହିଥିଲା । ମାତ୍ର କରୋନା ସଂକ୍ରମଣକୁ ନଜରରେ ରଖି ସରକାର ଏବେ ଏହା ଉପରେ ୨୮ ପ୍ରତିଶତ ବଦଳରେ ୧୨ ପ୍ରତିଶତ ଟ୍ୟାକ୍ସ ଲଗାଯାଇଛି । କିନ୍ତୁ ଏହା ସେପ୍ଟେମ୍ବର ମାସ ଯାଏ ଲାଗୁ ହେବ ।
କହିରଖୁ କି ଆଜି ଜିଏସଟି କାଉଁସିଲର ୪୪ ତମ ବୈଠକ ବସିଥିଲା । ଏହି ବୈଠକରେ ଭିଡିଓ କନଫରେନ୍ସିଂ ମାଧ୍ୟମରେ ଯୋଗ ଦେଇଥିଲେ ଅର୍ଥମନ୍ତ୍ରୀ ନିର୍ମଳା ସୀତାରମଣ । ଅନ୍ୟମାନଙ୍କ ମଧ୍ୟରେ ଅର୍ଥ ରାଜ୍ୟମନ୍ତ୍ରୀ ଅନୁରାଗ ଠାକୁରଙ୍କ ସହ ଅର୍ଥମନ୍ତ୍ରଣାଳୟର ଅଧିକାରୀମାନେ ଯୋଗ ଦେଇଥିଲେ ।