ଆଜି ସଂସଦରେ ଉପସ୍ଥାପନ ହେବ ବଜେଟ୍ । ୨୦୨୦-୨୧ ଆର୍ଥିକ ବର୍ଷ ପାଇଁ ଆସିବ ବଜେଟ୍ । ବାସ ଭବନରୁ ବାହାରି ଅର୍ଥମନ୍ତ୍ରାଳୟରେ ପହଞ୍ଚିଲେ ନିର୍ମଳା ସୀତାରମଣ
କନକ ବ୍ୟୁରୋ: ଆଜି ସଂସଦରେ ଉପସ୍ଥାପିତ ହେବ ଦେଶର ୨୦୨୦-୨୧ ଆର୍ଥିକ ବର୍ଷ ପାଇଁ ବଜେଟ୍ । ବାସଭବନରୁ ବାହାରି ଅର୍ଥ ମନ୍ତ୍ରଳାୟରେ ପହଚିଂଛନ୍ତି ଅର୍ଥମନ୍ତ୍ରୀ ନିର୍ମଳା ସୀତାରମଣ । ଅର୍ଥମନ୍ତ୍ରାଳୟରୁ ନଥି ପତ୍ର ନେଇ ରାଷ୍ଟ୍ରପତିଙ୍କ ପାଖକୁ ଯିବେ ନିର୍ମଳା ସୀତାରମଣ । ଦ୍ୱିତୀୟ ଥର ପାଇଁ ଏହି ବଜେଟ ଉପସ୍ଥାପନ କରିବେ ନିର୍ମଳା ସୀତାରମଣ । ମୋଦି ସରକାରଙ୍କ ଦ୍ୱିତୀୟ ପାଳିରେ ଏହା ହେଉଛି ପୂର୍ଣ୍ଣ ବଜେଟ୍ । ସରକାର ଗଢିବାର ୭ ମାସ ମଧ୍ୟରେ ନୀତି ନିର୍ଧାରଣ ଓ ଆର୍ଥିକ ସ୍ଥିତି ସଜାଡିବା କ୍ଷେତ୍ରରେ ମୋଦି ସରକାରଙ୍କ ପାଇଁ ଏହାକୁ ଦ୍ୱିତୀୟ ସୁଯୋଗ ବୋଲି କୁହାଯାଇପାରେ । ସଂପ୍ରତି ଦେଶରେ ମାନ୍ଦାବସ୍ଥା ଲାଗି ରହିଥିବାରୁ ସରକାର ଚଳିତ ବଜେଟରେ ଚାହିଦା ବୃଦ୍ଧି ଉପରେ ଗୁରୁତ୍ୱ ଦେବେ ବୋଲି ଆଶା କରାଯାଉଛି ।
Kanak News is now on WhatsApp
Join and get latest news updates delivered to you via WhatsApp
#WATCH Delhi: Finance Minister Nirmala Sitharaman arrives at Ministry of Finance; She will present her second Budget today. #UnionBudget2020 pic.twitter.com/seVY46OanS
— ANI (@ANI) February 1, 2020
ଏହାଛଡା ନିର୍ମଳା ବଜେଟ୍ରେ କେତେକ କ୍ଷେତ୍ରରେ ଟିକସ ହ୍ରାସ ଉପରେ ଜୋର ଦେବେ ବୋଲି ଅନୁମାନ କରାଯାଉଛି । ତେବେ କ୍ରମାଗତ ଭାବେ ତୃତୀୟ ଥର ପାଇଁ ସରକାର ଏଥର ବିତୀୟ ନିଅଂଟ କ୍ଷେତ୍ରରେ ରଖିଥିବା ଧାର୍ଯ୍ୟଲକ୍ଷ୍ୟ ହାସଲ ଉପରେ ଗୁରୁତ୍ୱ ଦେବେ ବୋଲି ବିଶେଷଜ୍ଞ ମତ ଦେଉଛନ୍ତି । ନିର୍ବାଚନ ପରବର୍ତ୍ତୀ ତଥା ଦଶନ୍ଧୀର ପ୍ରଥମ ବଜେଟ୍ କେତେ ଲୋକାଭିମୁଖୀ ହେବ ଆଉ ଅଭିବୃଦ୍ଧିକୁ ତ୍ୱରାନ୍ୱିତ କରିବ ତା ଉପରେ ସାରା ଦେଶର ନଜର ଅଟକିଛି । ପ୍ରଥମ ଥର ପାଇଁ ଦେଶରେ ବ୍ୟାଙ୍କ ନେଇ ସନ୍ଦେହ ସୃଷ୍ଟି ହୋଇଛି । ଦରଦାମ ଆକାଶଛୁଆଁ ରହିଛି । ଲୋକଙ୍କ କ୍ରୟଶକ୍ତି କମିଛି । ଅର୍ଥନୈତିକ ସର୍ଭେ ରିପୋର୍ଟରେ ଆସନ୍ତା ଆର୍ଥିକ ବର୍ଷରେ ଅଭିବୃଦ୍ଧି ଲକ୍ଷ୍ୟ ୬ ରୁ ୬.୫ ପ୍ରତିଶତ ଥିବା ବେଳେ ୫ ଟ୍ରିଲିଅନ ଡଲର ଅର୍ଥନୀତିର ସ୍ୱପ୍ନ କେମିତି ସାକାର ହେବ ତାକୁ ନେଇ ବି ସୃଷ୍ଟି ହୋଇଛି ପ୍ରଶ୍ନ । ଏପରି ସ୍ଥିତିରେ ସାଧାରଣ ଜନତା, କ୍ଷୁଦ୍ର ବ୍ୟବସାୟୀ, ବ୍ୟାଙ୍କ ସମେତ ସମାଜର ସବୁ ବର୍ଗର ଲୋକ ଏହି ବଜେଟରୁ ଅନେକ କିଛି ଆଶା ରଖିଛନ୍ତି ।
Delhi: MoS Finance Anurag Thakur offers prayers at his residence, ahead of the presentation of the Union Budget 2020-21 in the Parliament today. pic.twitter.com/dZrhl9v7c5
— ANI (@ANI) February 1, 2020
ସେପଟେ ବଜେଟ ପୂର୍ବରୁ ପୂଜାର୍ଚ୍ଚନା କରିଛନ୍ତି କେନ୍ଦ୍ର ଅର୍ଥ ରାଷ୍ଟ୍ର ମନ୍ତ୍ରୀ ଅନୁରାଗ ଠାକୁର । ବଜେଟରେ ସବକା ସାଥ ସବକା ବିକାଶ ହେବ । ଦେଶବାସୀଙ୍କ ଭଲ ବଜେଟ ହେବ । ଦେଶ ପାଇଁ ଭଲ ବଜେଟ ଆଣିବା ତାଙ୍କ ପ୍ରଚେଷ୍ଟା ବୋଲି କହିଛନ୍ତି ଅର୍ଥ ରାଷ୍ଟ ମନ୍ତ୍ରୀ ।