କରୋନା କାଳରେ ବୀମା କମ୍ପାନୀ ମାନଙ୍କ ସହ ବୈଠକ କଲେ ଅର୍ଥମନ୍ତ୍ରୀ । ତୁରନ୍ତ କ୍ଲେମ ଉପରେ ଫୋକସ୍ ଦେବାକୁ ପରାମର୍ଶ
କନକ ବ୍ୟୁରୋ : ଅର୍ଥମନ୍ତ୍ରୀ ନିର୍ମଳା ସୀତାରମଣ ଶନିବାର ଦିନ ସ୍ୱାସ୍ଥ୍ୟକର୍ମୀ ମାନଙ୍କ ପାଇଁ ପ୍ରଧାମନ୍ତ୍ରୀ ଗରୀବ କଲ୍ୟାଣ ଯୋଜନାର ଅଗ୍ରଗତି ନେଇ ସମୀକ୍ଷା କରିବା ସହ ବୀମା କମ୍ପାନୀ ମାନଙ୍କ ସହ ବୈଠକ କରିଥିଲେ । ଏହି ବୈଠକରେ ‘ପ୍ରଧାନମନ୍ତ୍ରୀ ଜୀବନ ଜ୍ୟୋତି ବୀମା ଯୋଜନା’ ଆସୁଥିବା କ୍ଲେମଗୁଡିକୁ ତୁରନ୍ତ ସମାଧାନ କରିବା ନେଇ ନିର୍ଦ୍ଦେଶ ଦେଇଥିଲେ ।
Kanak News is now on WhatsApp
Join and get latest news updates delivered to you via WhatsApp
ଏନେଇ ସୀତାରମଣ କହିଛନ୍ତି କି, ପ୍ରଧାନମନ୍ତ୍ରୀ ଜୀବନ ଜ୍ୟୋତି ବୀମା ଯୋଜନାରେ ଏପର୍ଯ୍ୟନ୍ତ ୪୧୯ ଟି କ୍ଲେମ ସେଟେଲମେଣ୍ଟ କରାଯାଇଛି । ଏହା ମାଧ୍ୟମରେ ଉତ୍ତରାଧିକାରୀଙ୍କ ଖାତାକୁ ମୋଟ ୨୦୯.୫ କୋଟି ଟଙ୍କା ଟ୍ରାନ୍ସଫର କରାଯାଇଛି । ଅନ୍ୟପଟେ ରାଜ୍ୟମାନେ କ୍ଲେମର କାଗଜପତ୍ର ପଠାଇବାରେ ଡେରି ହେଉଥିବାରୁ ଏନେଇ ଏକ ସ୍ୱତନ୍ତ୍ର ପ୍ରଣାଳୀ ଅପଣାଇଛନ୍ତି । ଏନେଇ ଜିଲ୍ଲା ମାଜିଷ୍ଟ୍ରେଟଙ୍କ ଠାରୁ ଏକ ସାମାନ୍ୟ ପ୍ରମାଣପତ୍ର କିମ୍ବା ନୋଡାଲ ନୋଡାଲ ରାଜ୍ୟ ସ୍ୱାସ୍ଥ୍ୟ ପ୍ରାଧିକରଣ ଦ୍ୱାରା ଦିଆଯାଇଥିବା ପ୍ରମାଣପତ୍ର ମାଧ୍ୟମରେ ବି କ୍ଲେମ ସେଟେଲମେଣ୍ଟ କରାଯାଇ ପାରିବ ।
ଏନେଇ ସେ ନ୍ୟୁ ଇଣ୍ଡିଆ ବୀମା କମ୍ପାନୀକୁ ପ୍ରଶଂସା କରି ଲଦାଖର ଏକ ଉଦାହରଣ ଦେଇଥିଲେ । ସେ କହିଥିଲେ କି ସେଠାରେ ଜିଲ୍ଲା ମାଜିଷ୍ଟ୍ରେଟଙ୍କ ପ୍ରମାଣପତ୍ରକୁ ଆଧାର କରି ବୀମା କମ୍ପାନୀ ୪ ଘଂଟା ମଧ୍ୟରେ ଉତ୍ତରାଧିକାରୀଙ୍କ ବ୍ୟାଙ୍କ ଖାତାକୁ ଟଙ୍କା ପଠାଇଥିଲେ ।
ଅର୍ଥମନ୍ତ୍ରୀ ରାଜ୍ୟ ମାନଙ୍କୁ ନିର୍ଦ୍ଦେଶ ଦେଇ କହିଛନ୍ତି ଯେ, ସ୍ୱାସ୍ଥ୍ୟକର୍ମୀଙ୍କ ପରିବାର ପକ୍ଷରୁ ଦିଆଯାଉଥିବା ବୀମା କ୍ଲେମର ତୁରନ୍ତ ସମାଧାନ ଦିଗରେ ରାଜ୍ୟ ସରକାରମାନେ ଯତ୍ନବାନ ହୁଅନ୍ତୁ । ଅନ୍ୟପଟେ ସେ ବି ଆଜି ପ୍ରଧାନମନ୍ତ୍ରୀ ସୁରକ୍ଷା ବୀମା ଯୋଜନା ଉପରେ ସମୀକ୍ଷା କରି କହିଛନ୍ତି କି ଏହି ଯୋଜନା ମାଧ୍ୟମରେ ୩୧.୦୫.୨୦୨୧ ସୁଦ୍ଧା ୮୨,୬୬୦ ଜଣ ଦାବିଦାରଙ୍କୁ ୧,୬୨୯ କୋଟି ଟଙ୍କା ପ୍ରଦାନ କରାଯାଇଛି ।