ସଂସଦରେ ବଜେଟ ଆଗତ ହେବା ପୂର୍ବରୁ ପାରମ୍ପରିକ ହାଲୱା ସେରିମନି: ନର୍ଥବ୍ଲକରେ ପରସ୍ପରକୁ ମିଠା ଖୁଆଇଲେ ଅର୍ଥମନ୍ତ୍ରାଳୟର ଅଧିକାରୀ ଓ ମନ୍ତ୍ରୀ
ଫେବୃୟାରୀ ୧ରେ ୨୦୨୧-୨୨ର ବଜେଟ ଉପସ୍ଥାପନ କରିବେ ନିର୍ମଳା ସୀତାରମଣ
କନକ ବ୍ୟୁରୋ: ସଂସଦରେ ବଜେଟ୍ ଆଗତ ହେବା ପୂର୍ବରୁ ପାରମ୍ପରିକ ହାଲୱା ସେରିିମନି । ନର୍ଥବ୍ଲକରେ ଆୟୋଜିତ ଉତ୍ସବରେ ଯୋଗଦେଲେ କେନ୍ଦ୍ର ଅର୍ଥମନ୍ତ୍ରୀ ନିର୍ମଳା ସୀତାରମଣ ଓ ଅର୍ଥ ରାଷ୍ଟ୍ରମନ୍ତ୍ରୀ ଅନୁରାଗ ଠାକୁର । ଭାରତୀୟଙ୍କ ବିଶ୍ୱାସ ଅନୁସାରେ, କିଛି ମିଠା ଖାଇ ଶୁଭକାର୍ଯ୍ୟ କରାଯାଇଥାଏ । ତେଣୁ ଅର୍ଥମନ୍ତ୍ରାଳୟରେ ମଧ୍ୟ ଏହି ପରମ୍ପରା ରହିଆସିଛି । ଏହି ପାରମ୍ପରିକ ଉତ୍ସବରେ ଦୁଇ କେନ୍ଦ୍ରମନ୍ତ୍ରୀଙ୍କ ସହ ଅର୍ଥମନ୍ତ୍ରାଳୟର ବରିଷ୍ଠ ଅଧିକାରୀମାନେ ଉପସ୍ଥିତ ଥିଲେ ।
Kanak News is now on WhatsApp
Join and get latest news updates delivered to you via WhatsApp
✅Final stage of Union Budget 2021-22 commences with Halwa Ceremony
✅Finance Minister Smt. @nsitharaman launches “Union Budget Mobile App” to provide easy and quick access to Union Budget information to all stakeholders
(1/9)
Read More➡️ https://t.co/J0eQucnwlf pic.twitter.com/a0GfX5fBb2— Ministry of Finance (@FinMinIndia) January 23, 2021
ଆଗାମୀ ଫେବ୍ରୁଆରୀ ୧ ତାରିଖରେ ସଂସଦରେ ୨୦୨୧-୨୨ ଆର୍ଥିକ ବର୍ଷର ବଜେଟ୍ ଉପସ୍ଥାପନ କରିବେ କେନ୍ଦ୍ର ଅର୍ଥମନ୍ତ୍ରୀ ନିର୍ମଳା ସୀତାରମଣ । କରୋନା ମହାମାରୀ ଭିତରେ ଚଳିତବର୍ଷ ବଜେଟ୍ ପ୍ରସ୍ତୁତିରେ ଅନେକ ପରିବର୍ତ୍ତନ କରାଯାଇଛି । ବଜେଟ୍ ବହି ଛାପି ସାଂସଦମାନଙ୍କୁ ବାଣ୍ଟିବା ପରିବର୍ତ୍ତେ ସଫ୍ଟ କପିରେ ଉପଲବ୍ଧ କରାଯିବ । ଏଥିପାଇଁ କେନ୍ଦ୍ରମନ୍ତ୍ରୀ ବଜେଟ୍ ଆପକୁ ଉନ୍ମୋଚନ କରିଛନ୍ତି । ଯାହାର ନାଁ ରଖାଯାଇଛି ‘ୟୁନିୟନ ବଜେଟ୍ ମୋବାଇଲ ଆପ୍’ । ଏଥିସହିତ କେନ୍ଦ୍ର ବଜେଟ୍ ୱେବ୍ ପୋର୍ଟାଲ www.indiabudget.gov.in ରୁ ମଧ୍ୟ ଏହି ଆପ୍କୁ ଡାଉନଲୋଡ୍ କରାଯାଇ ପାରିବ। ଏହି ଆପ ମାଧ୍ୟମରେ ସାଂସଦଙ୍କଠାରୁ ଆରମ୍ଭ କରି ସାଧାରଣ ଲୋକ ଯାଏଁ କେନ୍ଦ୍ରୀୟ ବଜେଟ୍ ସଂପର୍କିତ ସମସ୍ତ ତଥ୍ୟ ପାଇପାରିବେ । କେନ୍ଦ୍ର ବଜେଟର ୧୪ ପ୍ରକାର ଦସ୍ତାବିଜ ଏଥିରେ ଉପଲବ୍ଧ ହେବ ।