ଚକଲେଟ ବୟଙ୍କୁ ଟ୍ରାଫିକ୍ ଛାଟ: ବିନା ହେଲମେଟରେ ବୁଲୁଥିଲେ ବାବୁସାନ୍, ଚାଲାଣ କାଟି ଘରକୁ ପଠାଇଲା ଟ୍ରାଫିକ ପୋଲିସ । ଆଇନ ଉଦ୍ଧ୍ୱର୍ରେ ନୁହଁନ୍ତି ଅଭିନେତା
କନକ ବ୍ୟୁରୋ: ଆଇନ ଉଦ୍ଧ୍ୱର୍ରେ ନୁହଁନ୍ତି ଅଭିନେତା । ଚକଲେଟ ବୟଙ୍କ ନାଁରେ ବି କଟିଲା ଚାଲାଣ । ଫିଲ୍ମ ହିରୋଙ୍କ ନାଁରେ ପଡିଲା ଟ୍ରାଫିକ ଫାଇନ । ଓଡିଆ ଚଳଚିତ୍ରର ଜଣାଶୁଣା ଅଭିନେତା ବାବୁସାନଙ୍କ ଘରକୁ ଯାଇଛି ଟ୍ରାଫିକ ଚାଲାଣ । ଟ୍ରାଫିକ ନିୟମ ଉଲ୍ଲଂଘନ କରିଥିବାରୁ ତାଙ୍କ ନାଁରେ ଜରିମାନା କାଟିଛି ଟ୍ରାଫିକ ପୋଲିସ ।
Kanak News is now on WhatsApp
Join and get latest news updates delivered to you via WhatsApp
ତେବେ ଆଜି ସଂଧ୍ୟା ୮ଟା ବେଳେ ସୁପରଷ୍ଟାର ବାବୁସାନ ବିନା ହେଲମେଟରେ ଗାଡି ଚଳାଇବା ଅଭିଯୋଗରେ ତାଙ୍କ ନାଁରେ ଚାଲାଣ କଟାଯାଇଛି । ନିୟମ ନମାନି ବିନା ହେଲମେଟରେ ଗାଡି ଚଳାଉଥିବାରୁ ବାବୁସାନଙ୍କ ବିରୋଧରେ ହଜାରେ ଟଙ୍କା ଚାଲାଣ କାଟିଛି ଟ୍ରାଫିକ ପୋଲିସ ।
ତେବେ ଭୁବନେଶ୍ୱରର କଳିଙ୍ଗ ନଗର ଅଞ୍ଚଳରେ ବାବୁସାନ ବିନା ହେଲମେଟରେ ଗାଡି ଚଳାଇଥିବା ଚାଲାଣରେ ଉଲ୍ଲେଖ କରାଯାଇଛି । ତେବେ ନୂଆ ଟ୍ରାଫିକ୍ ନିୟମ ଅନୁସାରେ ନିୟମ ଭାଙ୍ଗିଥିବାରୁ ତାଙ୍କ ବିରୋଧରେ ୧ ହଜାର ଟଙ୍କାର ଚାଲାଣ କଟାଯାଇଛି । ନୂଆ ମୋଟରଯାନ ଆଇନ ଲାଗୁ ହେବା ପରେ ଟ୍ରାଫିକ ପୋଲିସ ଧରପଗଡ ଆରମ୍ଭ କରିଥିଲା । ନିୟମ ଭାଙ୍ଗୁଥିବା ଲୋକଙ୍କ ଉପରେ ଜରିମାନା ପକାଇ ସେମାନଙ୍କୁ ସଚେତନ କରୁଥିଲା । ତେବେ ୩ ମାସ ପାଇଁ ରାଜ୍ୟ ସରକାର ଟ୍ରାଫିକ ନିୟମ କୋହଳ କରିବା ପରେ ବି ହେଲମେଟ, ରଙ୍ଗ ରୁଟ ଆଦିର ଯାଞ୍ଚ ଜୋରଦାର ହେଉଛି । ଆଉ ସେ ନିୟମ ନମାନିଥିବାରୁ ବାବୁସାନଙ୍କ ଉପରେ ଫାଇନ ପଡିଛି ।