କନକ ବ୍ୟୁରୋ: ଭାରତୀୟ ଫୁଟବଲ ଦଳର ଅଧିନାୟକ ସୁନିଲ ଛେତ୍ରୀଙ୍କୁ ଫିଫା ଦ୍ୱାରା ସ୍ୱତନ୍ତ୍ର ଭାବେ ସ୍ୱୀକୃତି ମିଳିଛି । ତାଙ୍କ କ୍ୟାରିୟରକୁ ନେଇ ଏକ ସିରିଜ ପ୍ରସ୍ତୁତ କରାଯାଇଛି ଯାହା ଫିଫା ପ୍ଲସରେ ଉବଲବ୍ଧ ହୋଇଛି । କ୍ୟାପଟେନ ଫାଣ୍ଟାଷ୍ଟିକ ନାମରେ ଏହି ସିରଜ ସୁନେଲ ଛେତ୍ରୀଙ୍କ କ୍ୟାରିୟରକୁ ନେଇ ପ୍ରସ୍ତୁତ କରାଯାଇଛି, ଯେଉଁଥିରେ ତିନୋଟି ଅଧ୍ୟାୟ ରହିଛି ।
Kanak News is now on WhatsApp
Join and get latest news updates delivered to you via WhatsApp
You know all about Ronaldo and Messi, now get the definitive story of the third highest scoring active men’s international.
Sunil Chhetri | Captain Fantastic is available on FIFA+ now 🇮🇳
— FIFA World Cup (@FIFAWorldCup) September 27, 2022
ଅର୍ନ୍ତଜାତୀୟ ଫୁଟବଲରେ ତାଙ୍କ ଅବଦାନକୁ ଏଥିରେ ପ୍ରଶଂସା କରାଯାଇଛି । ଭାରତ ହେଉଛି ସେହି ଦେଶ ଯିଏ ଆଜି ଯାଏ ବିଶ୍ୱକପ ଖେଳିପାରିନାହିଁ କିନ୍ତୁ ଦଳର ଅଧିନାୟକ ଭାବେ ସୁନେଲ ଛେତ୍ରୀଙ୍କ ପ୍ରଦର୍ଶନ ସଫଳତାର ଅନେକ ରେକର୍ଡକୁ ଭାଙ୍ଗିଦେଇଛି । ତାଙ୍କର ଗୋଲ ସ୍କୋର କରିବାର ଦକ୍ଷତା ତାଙ୍କୁ ବିଶ୍ୱର ଅନେକ ନାମୀଦାମୀ ଫୁଟବଲରଙ୍କ ଠାରୁ ତାଙ୍କୁ ସ୍ୱତନ୍ତ୍ର କରିଛି । ମହାନ ଖେଳାଳୀ ଖ୍ରୀଷ୍ଟିଆନା ରୋନାଲଡୋ ଏବଂ ଲିଓନେଲ ମେସିଙ୍କ ପରେ ଗୋଲ କରିବାର ଶ୍ରେଷ୍ଠ ଖେଳାଳୀ ହୋଇପାରିଛନ୍ତି । ଉଭୟ ଖେଳାଳୀଙ୍କ ସହିତ ଛିଡା ହୋଇଥିବାର ଫଟୋ ଫିଫା ବିଶ୍ୱକପର ଟ୍ୱିଟର ହାଣ୍ଡେଲରେ ମଧ୍ୟ ସେୟାର କରାଯାଇଛି । ରୋନାଲଡୋ ବର୍ତ୍ତମାନ ସୁଦ୍ଧା ୧୧୭ ଗୋଲ ସହ ପ୍ରଥମ ସ୍ଥାନରେ ଥିବା ବେଳେ, ଲିଓନେଲ ମେସି ୯୦ ଗୋଲ ସହ ଦ୍ୱିତୀୟ ସ୍ଥାନରେ ରହିଛନ୍ତି । ସେହିଭଳି ୩୭ ବର୍ଷୀୟ ସୁନିଲ ଛେତ୍ରୀ ୮୪ ଗୋଲ ସହ ତୃତୀୟ ସ୍ଥାନରେ ରହିଛନ୍ତି । ଭାରତ ପାଇଁ ସେ ବର୍ତ୍ତମାନ ସୁଦ୍ଧା ୧୩୧ଟି ମ୍ୟାଚ ଖେଳି ଏହି ସଫଳତା ହାସଲ କରିଛନ୍ତି ।
ଫିଫା ପ୍ଲସରେ ଉବଲବ୍ଧ ଏହି ସିରିଜରେ ତିନୋଟି ଅଧ୍ୟାୟ ରହିଛି । ଏହାର ଅନେକ ଦୃଶ୍ୟ ବେଙ୍ଗାଲୁରୁ, ଦିଲ୍ଲୀ ଏବଂ ତାଙ୍କ ବାପାମାଆ ରହୁଥିବା ସ୍ଥାନରେ ସୁଟିଂ କରାଯାଇଛି । ଛେତ୍ରୀ ବେଙ୍ଗାଲୁରୁରେ ରହୁଥିବା ଯୋଗୁ ସେଠାରେ କିଛି ସୁଟିଂ କରାଯାଇଛି । ପ୍ରଥମ ଅଧ୍ୟାୟରେ ଭାରତର ଅଧିନାୟକ ଭାବେ ତାଙ୍କର ଯାତ୍ରାଠାରୁ ନେଇ ଏହା ପଛରେ ଥିବା ସଙ୍ଘର୍ଷକୁ ଦର୍ଶାଇଦିଆଯାଇଛି ।
ଦ୍ୱିତୀୟ ଅଧ୍ୟାୟରେ ଭାରତୀୟ ଦଳ ପାଇଁ ତାଙ୍କର ଉକ୍ରୃଷ୍ଟତା ଏବଂ ଧିରେଧିରେ ସେ କେଉଁଭଳି ନିଜକୁ ସର୍ବଶ୍ରେଷ୍ଠ ଖେଳାଳୀ କରିପାରିଥିଲେ ତାହା ରହିଛି । ସେହିଭଳି ତୃତୀୟ ଅଧ୍ୟାୟରେ ନିଜର ପେଶାଦାର ଜୀବନ ଏବଂ ବ୍ୟକ୍ତିଗତ ଜୀବନରେ କେଉଁଭଳି ଶୀର୍ଷସ୍ଥାନ ହାସଲ କରିଥିଲେ ତାହା ରହିଛି । ଧିରେ ଧିରେ ସେ ଗୋଟିଏ ପରେ ଗୋଟିଏ ରେକର୍ଡ ଭାଙ୍ଗି ବର୍ତ୍ତମାନ ଫିଫାର ଏହି ସ୍ୱୀକୃତି ହାସଲ କରିଥିଲେ ।