କାର୍ତ୍ତିକକୁ ଡର : ପରିବା ଦର ଆକାଶଛୁଆଁ; ଆଳୁ ୪୦, ପିଆଜ ୭୦
କନକ ବ୍ୟୁରୋ : କାର୍ତ୍ତିକ ନ ଆସୁଣୁ ପ୍ରାୟେ ମାସେ ପୂର୍ବରୁ ପରିବା ଦର ଅହେତୁକ ବୃଦ୍ଧି ପାଇଥିଲା । କୌଣସି ପରିବା ୫୦ ଟଙ୍କା ତଳେ ନଥିବା ବେଳେ କଲରା, କାକୁଡ଼ି, ବିନ୍ସ୍, ଝୁଡ଼ୁଙ୍ଗ, ପୋଟଳ ଓ କାଙ୍କଡ଼ ଆଦି ପରିବା ୮୦ ଟଙ୍କା ପାର ହୋଇ ୧୦୦, ୧୨୦ ଟଙ୍କାରେ ପହଞ୍ଚିଥିଲା । ଏପରିକି ଆଳୁ କେଜି ପ୍ରତି ୩୫ ଟଙ୍କାରେ ପହଞ୍ଚିଥିଲା । ଦର ଆକାଶଛୁଆଁ ଥିବା ବେଳେ ଏହାକୁ ଆହୁରି ଇନ୍ଧନ ଯୋଗାଇଛି ଧର୍ମ ମାସ କାର୍ତ୍ତିକ ।
Kanak News is now on WhatsApp
Join and get latest news updates delivered to you via WhatsApp
ଅନେକଙ୍କ ଘରେ କାର୍ତ୍ତିକ ମାସସାରା ଆମିଷ ନିଷେଧ ଥିବାରୁ ସାତ୍ବିକ ଭୋଜନ ପାଇଁ ପରିବା ଏକ ମାତ୍ର ବିକଳ୍ପ । ତେଣୁ କାର୍ତ୍ତିକ ଆସିଲେ ଚାହିଦା ବୃଦ୍ଧି ପାଉଥିବାରୁ ପରିବା ଦର ଆକାଶଛୁଆଁ ରୁହେ । ମାତ୍ର ଚଳିତ ବର୍ଷ କରୋନା ମହାମାରୀ ଓ ଲଗାତାର ଲଘୁଚାପ ବର୍ଷା କାରଣରୁ ଗତ କିଛି ଦିନ ହେଲା ପରିବା ଦର ଥମୁନାହିଁ। ପୁଣି ଆଜି କାର୍ତ୍ତିକ ପ୍ରବେଶ କରିଥିବାରୁ ପରିବା ଦରକୁ ନେଇ ଗ୍ରାହକଙ୍କୁ ଚିନ୍ତା ଘାରିଲାଣି । ଏପରିକି ଆଗକୁ ପରିବା ଦର ଆହୁରି ବଢ଼ିପାରେ ବୋଲି ବ୍ୟବସାୟୀମାନେ କହିଲେଣି ।