ସାରା ବିଶ୍ୱରେ ଓମିକ୍ରନ ଖେଳାଇଛି ଆତଙ୍କ । ନୂଆ ରୂପରେ କରୋନାର ପୁରୁଣା ଭୟ ।
କନକ ବ୍ୟୁରୋ: ସନ୍ଦେହକୁ ନେଇ ସାଂଘାତିକ ଡର । ନୂଆ ରୂପରେ କରୋନାର ପୁରୁଣା ଭୟ । ଏହି ଓମିକ୍ରନ ଭାଇରସ ପ୍ରକୃତରେ କେତେ ମାରାତ୍ମକ, ତାହା ଜାଣିବା ପୂର୍ବରୁ ସାରା ବିଶ୍ୱରେ ଡର ଖେଳି ଯାଇଛି । ଏକ ଡଜନରୁ ଅଧିକ ଦେଶ ନିଜ ସୀମାରେ ପ୍ରବେଶ ନେଇ କଟକଣା ଲାଗୁ କରିଛନ୍ତି । ଏହି ଭାରିଆଂଟ ଜନ୍ମ ନେଇଥିବା ଦକ୍ଷିଣ ଆଫ୍ରିକୀୟ ଦେଶ ଉପରେ ମୁଖ୍ୟତଃ ଏସବୁ କଟକଣା ଲାଗୁ ହୋଇଛି । ଫଳରେ ପୁଣିଥରେ କରୋନାକୁ ନେଇ ଗତ ୨ ବର୍ଷ ଧରି ଲାଗି ରହିଥିବା ଭୟ, ନୂଆ କରି ବଡ ରୂପରେ ସାମ୍ନାକୁ ଆସିଛି ।
Kanak News is now on WhatsApp
Join and get latest news updates delivered to you via WhatsApp
ସେପଟେ କେନ୍ଦ୍ର ସରକାରଙ୍କ ଅଧିକାରୀମାନେ ରାଜ୍ୟ ଅଧିକାରୀଙ୍କ ସହ ଆଲୋଚନା କରି ସ୍ୱାସ୍ଥ୍ୟ ଭିତିଭୂମି ପ୍ରସ୍ତୁତ ରଖିବାକୁ ନିର୍ଦ୍ଦେଶ ଦେଇଛନ୍ତି । ରାଜ୍ୟର ସ୍ୱାସ୍ଥ୍ୟ ଅଧିକାରୀଙ୍କୁ ନେଇ ସ୍ୱାସ୍ଥ୍ୟମନ୍ତ୍ରାଳୟ ସଚିବ ରାଜୀବ ଭୂଷଣ ବୈଠକ କରି ଓମିକ୍ରନ ମୁକାବିଲା ପାଇଁ ୬ ସୂତ୍ରୀ ଉପାୟ ବତାଇଛନ୍ତି ।
– କୋରନା ପରୀକ୍ଷା ଓ ଟିକାକରଣ ବୃଦ୍ଧି କରିବାକୁ ପରାମର୍ଶ
– ବିଦେଶ ଫେରନ୍ତା ଯାତ୍ରୀଙ୍କୁ ବାଧ୍ୟତାମୂଳକ ସଙ୍ଗରୋଧ ସହ ସ୍ୱତନ୍ତ୍ର ନଜର ରଖ
– ସ୍ୱାସ୍ଥ୍ୟ ଭିତିଭୂମି, ଆଇସିୟୁ, ଭେଂଟିଲେଟର, ଓକ୍ସିଜେନ ବେଡ ପ୍ରସ୍ତୁତ ରଖ
– ଅବରୋଧ ଅଂଚଳ ପାଇଁ ପ୍ରସ୍ତୁତି ଓ ସବୁସ୍ତରରେ ନଜର ରଖିବାକୁ ନିର୍ଦ୍ଦେଶ
-କରୋନା ଚିହ୍ନଟ ହଟସ୍ପଟ ଉପରେ ସ୍ୱତନ୍ତ୍ର ନଜର ରଖିବାକୁ କହିଛନ୍ତି କେନ୍ଦ୍ର ସରକାର
-ଏମର୍ଜେନ୍ସି ରେସନପନ୍ସ ପାଇଁ ବ୍ୟବସ୍ଥା କରିବାକୁ ରାଜ୍ୟଗୁଡିକୁ କୁହାଯାଇଛି
ମେରିଲାଣ୍ଡ ୟୁନିର୍ଭସିଟିର ସଂକ୍ରାମକ ରୋଗ ବିଭାଗର ମୁଖ୍ୟ, ଡାକ୍ତର ଫାହିମ ୟୁନୁସଙ୍କ ଏହି ଟୁଇଟ ଏକ ଗୁରୁତ୍ୱପୂର୍ଣ୍ଣ ଦିଗକୁ ବୟାନ କରୁଛି । ଏହି ଚିତ୍ରଟି ହେଉଛି, ଡେଲଟା ଭାରିଆଂଟ ବିଷୟରେ ଜାଣିବା ବେଳକୁ, ଏହି ଭାରିଆଂଟ ଅନେକ ଆଗକୁ ମାଡି ଯାଇଥିଲା । କିନ୍ତୁ ଓମିକ୍ରନ କ୍ଷେତ୍ରରେ ସେଭଳି କିଛି ଲକ୍ଷ୍ୟ କରାଯାଇ ନାହିଁ । ଡାକ୍ତର ୟୁନୁସ କହିବା ପାଇଁ ଚାହିଁଛନ୍ତି,
ଡେଲଟା ଭୂତାଣୁ ଚିହ୍ନଟ ହେଲା ବେଳକୁ, ବିଶ୍ୱର ବହୁ ସଂଖ୍ୟାରେ ଲୋକ ସଂକ୍ରମିତ ହୋଇଥିଲେ ଓ ମୃତ୍ୟୁହାର ମଧ୍ୟ ବଢିଯାଇଥିଲା । ହେଲେ ଓମିକ୍ରନ କ୍ଷେତ୍ରରେ ସେଭଳି ଦେଖିବାକୁ ମିଳୁ ନାହିଁ ।