ଉଦ୍ଧାର ଟଙ୍କା ସୁଝି ପାରିଲେନି, ଶିଶୁକନ୍ୟାକୁ ବିକ୍ରି କରିଦେଲେ ବାପା । ଥାନାରେ ଅଭିଯୋଗ କଲେ ଜେଜେବାପା, ମାମଲା ରୁଜୁ କରିବା ସହ ଶିଶୁ କନ୍ୟାକୁ ଉଦ୍ଧାର କଲା ପୋଲିସ ।
କନକ ବ୍ୟୁରୋ : ଉଦ୍ଧାର ଟଙ୍କା ସୁଝି ନପାରିବାରୁ, ଅଢ଼େଇବର୍ଷର ଶିଶୁକନ୍ୟାକୁ ବିକ୍ରି କରିଦେଲା ବାପା । ନାତୁଣୀକୁ ପୁଅ ବିକ୍ରି କରିଦେଇଥିବା ଜେଜେ ଅଭିଯୋଗ କରିବା ପରେ ବିଂଝାରପୁର ପୋଲିସ ଶିଶୁକନ୍ୟାକୁ ଉଦ୍ଧାର କରି ମାମଲାର ତଦନ୍ତ ଚଳାଇଛି । ଏଭଳି ଘଟଣା ଘଟିଛି, ବିଂଝାରପୁର ଥାନା ଫତେପୁର ପଂଚାୟତ ମଲିଆ ଗାଁରେ ।
Kanak News is now on WhatsApp
Join and get latest news updates delivered to you via WhatsApp
ଅଭିଯୋଗ ଅନୁସାରେ ମଲିଆ ଗାଁର ରମେଶ ବାରିକ ତାଙ୍କ ଅଢ଼େଇ ବର୍ଷର ଝିଅକୁ ବିଂଝାରପୁର ଅଂଚଳର ଜଣଙ୍କୁ ବିକ୍ରି କରିଦେଇଛନ୍ତି । ରମେଶ ଜଣଙ୍କଠାରୁ ୫ହଜାର ଟଙ୍କା ଧାର ଆଣି ଦେଇ ନପାରିବାରୁ ନିଜ ଝିଅକୁ ଦେଇ ଦେଇଥିବା ଅଭିଯୋଗ କରିଛନ୍ତି ତାଙ୍କ ବାପା । ଅଭିଯୋଗ ପରେ ପୋଲିସ ଏକ ମାମଲା ରୁଜୁ କରି ବିଂଝାରପୁର ସୟଦପୁର ଅଂଚଳର ମିଟୁ ଜେନାଙ୍କ ଘରୁ ଶିଶୁ କନ୍ୟାକୁ ଉଦ୍ଧାର କରିଛି । ଓ ତାଙ୍କୁ ପଚରାଉଚରା କରୁଛି । ଜିଲ୍ଲା ଶିଶୁ ସୁରକ୍ଷା ଅଧିକାରୀ ନିରଞ୍ଜନ କର ଘଟଣାର ଅନୁସନ୍ଧାନ କରିବା ସହ ଶିଶୁ କନ୍ୟାକୁ ଆଣି ଶିଶୁ ମଙ୍ଗଳ ସମିତିରେ ରଖିଥିବା ଜଣାପଡିଛି ।