ଆରଜେଡି ଟିକେଟରୁ ଲଢୁଥିବା ରାମବିଳାଶ ପାସୱାନଙ୍କ ବିରୁଦ୍ଧରେ ନାମାଙ୍କନ ଦାଖଲ କରିଛନ୍ତି ତାଙ୍କ ବାପା ଓଦ୍ଧାଲି ପାସୱାନ
କନକ ବ୍ୟୁରୋ : ବିହାର ବିଧାନସଭା ନିର୍ବାଚନ ପୂର୍ବରୁ ବହୁ ରୋଚକ କଥା ଦେଖିବାକୁ ମିଳୁଛି । ଟିକେଟ୍ ନପାଇ କେହି ନେତା ଦଳ ଛାଡୁଛନ୍ତି ତ ଆସନ ବୁଝାମଣା ହୋଇ ନପାରି କେହି ମେଣ୍ଟରୁ ବାହାରି ଯାଉଛନ୍ତି । ହେଲେ ଏବେ ଏକ ରୋଚକ ଖବର ସାମ୍ନାକୁ ଆସିଛି । ଗୋଟିଏ ନିର୍ବାଚନ ମଣ୍ଡଳୀରୁ ପୁଅ ପ୍ରାର୍ଥୀ ହୋଇଥିବା ବେଳେ ତାଙ୍କ ବିରୁଦ୍ଧରେ ସ୍ୱାଧୀନ ଭାବେ ପ୍ରାର୍ଥୀ ପତ୍ର ଦାଖଲ କରିଛନ୍ତି ଙ୍କ ବାପା ।
ସୂଚନା ମୁତାବକ ବିହାରର ଭାଗଲପୁର ଜିଲ୍ଲା ପୀରପେନ୍ତି ନିର୍ବାଚନ ମଣ୍ଡଳୀରୁ ଆରଜେଡି ଟିକେଟରୁ ଲଢୁଥିବା ରାମବିଳାଶ ପାସୱାନଙ୍କ ବିରୁଦ୍ଧରେ ନାମାଙ୍କନ ଦାଖଲ କରିଛନ୍ତି ତାଙ୍କ ବାପା ଓଦ୍ଧାଲି ପାସୱାନ। ଏହି ଆସନରେ ନଭେମ୍ବର ୩ ଅର୍ଥାତ ଦ୍ୱିତୀୟ ପର୍ଯ୍ୟାୟରେ ମତଦାନ ଗ୍ରହଣ କରାଯିବ ।
Kanak News is now on WhatsApp
Join and get latest news updates delivered to you via WhatsApp
୨୦୧୫ ବିଧାନସଭା ନିର୍ବାଚନରେ ଏହି ଆସନରୁ ଆରଜେଡି ଟିକେଟରେ ଲଢି ରାମବିଳାଶ ତାଙ୍କ ନିକଟତମ ପ୍ରତିଦ୍ୱନ୍ଦୀ ବିଜେପିର ଲଲନ ପଶୱାନଙ୍କୁ ୫ ହଜାରରୁ ଅଧିକ ଭୋଟରେ ହରାଇଥିଲେ । ରାମବିଳାଶଙ୍କୁ ୮୦ ହଜାର ଭୋଟ ମିଳିଥିବା ବେଳେ ଲଲନଙ୍କୁ ୭୫ ହଜାର ଭୋଟ୍ ମିଳିଥିଲା ।
ରାମବିଳାଶଙ୍କ ବିରୁଦ୍ଧରେ ତାଙ୍କ ପିତା ଖାଲି ନାମାଙ୍କନ ପତ୍ର ଦାଖଲ କରି ନାହାନ୍ତି । କହିରଖୁ କି ଯେଉଁଦିନ ରାମବିଳାଶ ଏକ ବିରାଟ ଶୋଭାଯାତ୍ରାରେ ନାମାଙ୍କନ ଦାଖଲ କରିବାକୁ ଯାଉଥିଲେ ସେହି ଏକା ସମୟରେ ତାଙ୍କ ବାପା ବି କିଛି ସାଥି ଓ ସମର୍ଥକଙ୍କ ସହ ଯାଇ ନାମାଙ୍କନ ଭରିଥିଲେ । ଯାହାକି ଦେଖଣାହାରୀଙ୍କ ପାଇଁ ଏକ ରୋଚକ ଚିତ୍ର ଥିଲା ।