ଶିକ୍ଷାରୁ ବଂଚିତ ବାପା ଦିନମଜୁରୀ କରି ପୁଅକୁ ପଢାଇଲେ ପାଠ : ଏବେ ଶିକ୍ଷକ ହୋଇ ୩୦୦ ପରିବାରକୁ ମାଗଣାରେ ପାଠ ପଢାଉଛି ପୁଅ
ପ୍ରତ୍ୟେକଙ୍କ ବାପାର ସ୍ୱପ୍ନ ଥାଏ କି , ତାଙ୍କ ପିଲାମାନେ ପାଠ ପଢି ଚାକିରି କରି ନିଜ ଗୋଡରେ ଛିଡା ହୁଅନ୍ତୁ ଏବଂ ଖୁବ ନାଁ କରନ୍ତୁ । ପୁଅକୁ ପାଠ ପଢାଇବା ପାଇଁ ବାପ ଦିନ ରାତି ଏକାଠି କରିଦେଇଥାଏ । ଏହିପରି ଏକ ଦିନମଜୁରିଆ ବାପା ତାର ପୁଅକୁ ପାଠ ପଢାଇବା ପାଇଁ ପ୍ରତିଦିନ ପରିଶ୍ରମ କରି ଅର୍ଜିତ ପୁଞ୍ଜିକୁ ଟିକେ ଟିକେ ସଞ୍ଚୟ କରି ପୁଅକୁ ପାଠ ପଢାଇ ଏକ ସରକାରୀ ଶିକ୍ଷକ ବନାଇ ପାରିଛି ।
Kanak News is now on WhatsApp
Join and get latest news updates delivered to you via WhatsApp
ଶିକ୍ଷା ଠାରୁ ଦୂର ଦୂରାନ୍ତ ପର୍ଯ୍ୟନ୍ତ କୌଣସି ସମ୍ପର୍କ ନଥିବା ୩୦୦ ପରିବାର ମଧ୍ୟରୁ ଗୋଟିଏ ପୁଅ ପାଠ ପଢି ନିଜର ଏବଂ ତାଙ୍କ ବାପାଙ୍କ ସ୍ୱପ୍ନ ସାକାର କରିପାରିଛନ୍ତି । ଏବେ ଶିକ୍ଷକ ପୁତ୍ର ନିଜ ପରିବାରକୁ ଶିକ୍ଷିତ କରିବା ପାଇଁ ନିଜ ଭାଇ ମାନଙ୍କୁ ପାଠ ପଢାଉଛି । ମଡିୟାଦୋର ବାର୍ଡ ଅଞ୍ଚଳରେ ବାସ କରୁଥିବା ଖେରୁଆ ଆଦିବାସୀଙ୍କ ୩୦୦ରୁ ଉଦ୍ଧ୍ୱର୍ ପରିବାରଙ୍କୁ ପାଠ ପଢାଉଛି ଏହି ଶିକ୍ଷକ । ଏହି ଅଞ୍ଚଳରେ ଏକ ପ୍ରାଥମିକ ସ୍କୁଲ ଖୋଲା ଯାଇଛି ଯେଉଁଠାରେ ଆଦିବାସୀ ପିଲା ପ୍ରାଥମିକ ଶିକ୍ଷା ଗ୍ରହଣ କରିବା ପରେ ପାଠପଢା ଛାଡି ଦେଇଥାନ୍ତି ।
ଏପରି ସ୍ଥିତିରେ ବି ଦିନମଜୁରିଆ ଭାବେ କାମ କରୁଥିବା ରାମସେବକ ତାଙ୍କ ପୁଅ ଲାଲସିଂକୁ ପାଠ ପଢାଇବାରେ ସଫଳ ହୋଇପାରିଲେ । ପୁଅକୁ ଉଚ୍ଚ ଶିକ୍ଷା ପ୍ରଦାନ କରିବା ପାଇଁ ସହର ପଠାଇଥିଲେ । ସେଠାରେ ଲାଲସିଂ ସଂସ୍କୃତରେ ଏମଏ ଡିଗ୍ରୀ କରିବା ସହ ୨୦୦୮-୦୯ରେ ବ୍ୟାପମ ଦ୍ୱାରା କରାଯାଇଥିବା ସଂବିଦା ଶିକ୍ଷକ ଭର୍ତ୍ତି ପରୀକ୍ଷାରେ ଭାଗ ନେଲେ ଓ ତାଙ୍କ ଚୟନ ଛତ୍ରପୁର ଜିଲ୍ଲାରେ ହୋଇଗଲା । ପରେ ସେ ଶିକ୍ଷକ ହୋଇ ଜେତପୁର ଶିକ୍ଷା କେନ୍ଦ୍ର ଅନ୍ତର୍ଗତ ପ୍ରାଥମିକ ବିଦ୍ୟାଳୟରେ ତାଙ୍କର ପୋଷ୍ଟ ହୋଇଗଲା । ଏବେ ନିଜ ଗାଁରେ ଲୋକ ମାନଙ୍କୁ ଶିକ୍ଷିତ କରାଇବା ପାଇଁ ୩୦୦ ପରିବାରଙ୍କୁ ମାଗଣା ପାଠ ପଢାଉଛନ୍ତି ଲାଲସିଂ ।